[DEEWAAR- The wall of Love] ✔ J.Series

-17-

Mjhe samajh nai araha ke baba ap maan kese gaye?

Azaan ne ajeeb si shakal bnate huay taqreeban dheemi awaz aur khafgi ke sath bola tha,lekin chunke wo unke qareeb hi bethi hui thi unho ne sun lya.Wo pehle muskuraye phir beti ke sar pe hath phera,aur kaha:

" Beta dekho hum ne aksar apno ko prkha hay aur apno mai hamesha ghairon ka chehra nazar aya hay,jo bhi ap se mohabbat ke dawe krta hay khaas kr wo apka janne wala ho tw yaqeenan uske prde ke piche koi maqsad ya koi na koi wajah zroor hoti hay,jese Sajid.Sajid ko hum kafi arse se jante hain,lekin kabhi socha tha ke do saal pehle ke hadse ka taluq istrah humare aj se jurrega? Nahi na? Allah hi hmain sb raaste dikhata hay.Meri gurya rani,hmesha ek baat yad rkho kabhi bhi kitne bhi halat mushkilat aur azmaishat se kiun na bhar jayen ek zaat hoti hay jo hmara sath kabhi nahi chorti aur wo Khuda hay.Apne bnde ko agar takleef mai mubtila krta hay tw ussi waqt hi dusri taraf us takleef se nijat ka intezam krta hay ya phir uss takleef ke badle usko inam mai gunahon se paak krta hay.Aesa hay azeem tareen hmara Rabb! Tum soch rahi hogi na ke main ne insano se chor kr tumhara rishta kisi jinnat ke qabile se kiun krdya? Iski bhi wajah hay.Maine aj tak kisi insan ko is qadar khulosiat ke jazbe se nahi jana hay aur inki bandagi ka alam bhi humse mukhtalif hota hay kiunke Allah ne inhe aag se bnaya hay.Inke paas bohat taqat hoti hay ye jo bhi chahein kr skte hain,magar jo Khuda khaufi hote hain wo apni taqat ka istemal kisi ko preshan krne ya gunah ke liye nahi krte blke kisi ache kaam mai istemal krte hain.Huzbaan ek acha aur nihayat suljha hua nojawan hay,iski sachai ka andaza mai ne is baat se lgaya ke isne mjhe pehle bata dya.Main pehle tw bohat heran hua,shash o panj ke alam mai mjhe laga ke mjhe maut ki ghashi akar le jayegi.Kafi der tak main behosh raha.Danish bhi wahin tha,lekin phr bhi mjhe hosh mai atay atay der hogyi.Tumhari ammi tw janti ho bohat kamzor dil ki malik hain,unhe ye sunte hi hebat tari hogyi aur wo kmre se bahar anay ko tyar hi nahi thee.Ye sb phir Hira ne aur Danish ne mil kr smjhaya,ke wo acha hay aur insani roop main hi sath rhega aur yaqeenan Azaan khush rahegi.Lekin unhe is bat ka darr hay ke tum dono se anay wali nasal jinnat ki taqat bhi rakhegi aur ye bohat preshani wali baat hay.Mjhe pata hay ke tum iss rishte ke liye kabhi razi nahi hogi,lekin ek baar soch lena.Jab apne shajar saye faraham krne se munkir hojayen,tw panah dhundne ke liye kisi aur ke bagh ka intikhab krna hi prta hay.... "

Lekin baba,sari dunya mai 'INSANI MARD' khtm hogye hain kya ya unki nasal ko khatm hone ka khatra hay jo ap mjhe 'JINNATI MARD' se shadi krne ka keh rhe hain !

" Ha Ha Ha,beta aesa nahi hay ke main tumhare liye jaldbazi mai rishta muntakhab kr rha hu.Mera zati mashwara hay ke ye mard dil ka acha hay.Aur dil ke ache mard is dunya main bohat kam hote hain "

Par baba hote tw hain na,jese Danish bhai! Apa ke liye tw insan hi chuna hay ap ne,sirf mere liye jinn kiun?

" Tum usse jinn na smjho,simple. Wese bhi wo bohat handsome aur strong man hay,insani roop main tw shayad tum bhi pasand krti hogi isse "

Nahi baba,mjhe kisi ke banawti roop se harghiz pyar nahi hoskta.Isse mjhse shadi krni hay,tw meri kuch shartain hain jo isse manna hoga.Agar wo ismai kamyab utra tw main apki baat man kr usse shadi krne ke liye tayyar hu.

" Hmm konsi shartain? "

Meri ek hi shart hay aur wo ye ke usse ye sabit krna hoga ke wo ek acha musalman hay.

" Ismai konsi aesi mushkil baat hay beta? Ye tw koi bhi krskta hay.Quran-O-Sunnat pr amal kro,5 waqt ki namaz,deegar faraiz ki adaigi,Huqooq-Allah aur Huqooq-ul-Ebad,Taqwa ... "

Baba ye sab krna asan nahi hay,meri iske ilawa bhi ek shart hay.Wo ye ke usse ustrah bnna hoga jistrah ap hain.Mtlab ek foji officer.Kya wo watan ke liye jaan qurban krskta hay?

" Kya tum Sajid se yahi sab keh skti ho,jo tum ne Huzbaan ke liye sharait rkhi hain ? "

Baba ap counter questioning kiun kr rhe hain!? Sajid ki baat aur hay kiunke wo meri mohabbat hay,aur...

" Aur Huzbaan ki baat bhi 'aur hay' kiuke tum uski mohabbat ho "

************************************

Main tyar hun tmhari sari sharait ke liye,ab batao kya tum mjhse nikah krne ke liye khushi se raazi ho?

Waqt aane pr bataugi,main lafzon ke jaal main agar phansne wali hoti tw tumse kbka mohabbat ka jhoota izhar kr chuki hoti.Mohabbat kisi se ho nahi jati,ki jati hay.

Main tumhe sabit krke dikhauga ke main tum se mohabbat krta hu ya nahi.Ab mohabbat ke gawah tw main dhund nahi skta lekin,saboot zaroor duga!

Acha agr tum waqai meri sharait pr poora utre tw main khud tmse nikah krne ke liye tumhare paas augi.

Tw phir wada raha!