[DEEWAAR- The wall of Love] ✔ J.Series

-16-

'' Danish yaar,maine Azaan ko 2 saal pehle jo bhi hua tha sab sach bta dya.I hope now that she understands. ''

Huzban mjhse kehte huay pursukun lgrha tha,aur usse istrah khush dekh kar mjhe bhi khushi hui kiuke Huzban mere liye ek bhai ki trah tha aur mai usse bohat azeez smjhta hu.

'' Danish,kya tum mere sath chaloge? Main Azan ki ammi se mil kr unse bat krna chahta hu.Kya tum mera sath doge,unhe bhi batana chahta hu ke unki beti ke liye kmse km Sajid acha insan nahi "

Main is soch main tha ke agar aesa hota hay tw ye baat yaqeenan baba tk pohnchegi aur agar baba ko pata chal jaye tw wo Sajid ko zinda nahi chorege aur phir mere aur Hira ke rishte main darar dalne ke liye bohat se wajuhat paish hojayege.Main nahi chahta aesa ho.Hira kya sochegi,aur ammi ki tbyat ke lihaz se unke liye ye sach janna khtrnak hoskta hay.

" Kya soch rhe ho? Tum meri madad nahi kroge? "

Yar Huzban,tumhari madad krne ko main tyar hu lekin kya tumne ye socha ke Azan ki ammi pr kya beetegi ye jan kr ke unke beta ka qatil hi unka damad bnne ja rha hay?

" Tum ye sab mjh par chor do "

Huzban ki is shatir muskan ka mtlab mai zroor smjh chuka tha.

" Afterall,everything is fair in love and war my brother "

Ahn acha bohat ishq sawar hay,shadi hojane do phir pata chlega.Wese jin aur insan ki shadi ho bilfarz tw bache konse type ke honge? Insan ya jinn? Ya dono combined?

" Ye tw tumhe mere hone wale bache hi batayege "

************************************

Kya main apki beti se nikah krskta hu?

Arre baba,ap.. Ap kb aye? Aur ye kon hay yahan pr?

(Main anjan ban rhi thi take koi mamla garbar na hojaye,kiuke Huzban ke bare mai sirf apa ko pata tha)

'' Assalam-o-alaikum! Meri gurya ki shadi hay aur bhala main hi na aun? Tum ne aese socha bhi kese? Hira ki shadi pr 3 din ki chutti se aya tha tw tum tw meri ladli ho , tmhare liye ek din extra chutti le kr aya hu. "

W.salam!! Arre waah ye tw bohat acha kya ap ne.Bol tw aese rhe hain jese ek mahine ki chutti ke kr aye haun.Aur ap ne btaya nahi ye kon hay?

" Hmm,betho beta.Main batata hu.Tum ab Sajid se shadi nahi krskti.Ye mera aur tmhari mama ka fesla hay.Ye lrka wese bhi bohat neikseerat hay aur hmain pasand aya hay,Allah iska bhala kare! Isne waqt par humain sb kuch bata dya wrna tw pata nahi main apni beti ko apne hatho maut ke kunwe mai dhakel chuka hota. "

" Sajid watan ka ghaddar hay,qatil hay tumhare bhai ka.Kya ye sb jante huay tum usse shadi krna pasand krogi? "

Main... Wo.. Baba,main Sajid se pyar krti hu.

Aur main kisi aur se shadi nahi kr skti.

" Tw tumhare liye marhoom bhai ki mohabbat se zyada us ghair aur gaddar qatil ki mohabbat azeez hay. "

Baba ap nahi jante agar Sajid ghaddar hay tw Huzbaan bhi koi kam dhokebaaz nahi.Isne ap sb se apni asliyat chupai hay.Kya ap jante hain ke ye kon hay?
.
.
.
Huzbaan ek jinn hay,wo insan nahi hay baba! Ap nahi jante,magar main janti hu.Jbse ammi ki tbyat khrab hui thi aur Sajid ke rishte ki baat chal rhi thi tab se ye mere piche prra tha.Pehle akash bn kr mjhse mila phir baqol iske isne mere liye islam qabool kya aur ab ye Huzban hay.Main ek insan hu aur kisi jinn ke sath kese apni zindagi guzarne ka sochu? Zindagi guzarna tw door ki baat mjhe tw iske mere sath ishq ke khyal se hi wehshat hoti hay.Aur ap iski baaton main akar Sajid ko qasoorwar kese maan skte hain? Ye kya lgta hay apka?

Main tumhare baba ko sab bata chuka hu Azaan,islye tumhe fikr krne ki zrurat nahi.Wo ye sab already jante hain.

Baba? Jawab den? Ap tw mjhe apni rani kehte hain na,phir kiun mjhe hurt kr rhe hain?

" Beta tum mere liye meri rani hi ho,aur main tum pr ye fesla thop nahi rha hu.Tum soch smjh kr fesla lena.Rahi baat meri tw main soch chuka hu.Rahi baat tumhari ammi ki narazgi ki,uski fikr tum mat kro main unhe mana luga aur wo tmhari khushi dekh kar In sha Allah raazi bhi ho jayegi. "

Mjhe ye kbhi manzoor nahi hoga ke main ek jinn ko apna shareek hayat banaun,chahe uske liye mjhe sari umar hi aese kiun na rehna par jaye.
Ap nahi jante baba mohabbat ke zakham bharte bharte zindagi beet hi jati hay.

Azaan,mjhe tumhare jawab ka phir bhi intezar rahega.

Khuda Hafiz!