[DEEWAAR- The wall of Love] ✔ J.Series

-24-

Golf Club,

7:00 pm

Maine Ahmed Sahab ke samne wo video play ki jo us chip mai maine bhar di thi,unko apni ankhon pe yaqeen nahi aya ya phir wo kuch zyada hi chonk gye thay.

'' Hmm,mjhe umeed hay Huzbaan ke ap kuch heraa-pheri nahi kr rhe aur main ap per trust krskta hoon. "

Mere paas unke jawab ke badle main ek khushnuma muskurahat thi jiska unho ne bhi khermaqdam kya.

Maine apne irade ke mutabiq pathway bnadya tha,Ahmed sahab ne alert signals bhej dye thay aur ab bus mjhe Danish ka intezar tha.Hidayat ke mutabiq Ahmed Sahab ab yahan mojood nahi thay lekin CCTV footage ke zrye wo yahan ki sb hrkat-o-saknat jan skte thay.

Danish akela nahi aya tha uske sath uske supporting members bhi thay.Wo sb black jacket aur blue jeans main malboos thay aur taqreeban har ek ke chehre pr ek shetani fatah ke tasurat namoodar thay,lekin wo ye nahi jante thay ke eent se eent bajana kya hota hay !!

' Danish,Maine sab intezamat krdye hain.Now,you may proceed! Meanwhile,I'll make sure that these cameras are not working.You can trust me! '

Foolproof plan mai usse khenchne ke liye sbse pehle zroori tha ke mai uska aitemad jeetne mai usse fool bnaun,aur ye shayd kam kr rha tha ya phir uski ulti ginti shuru ho chuki thi.Zulm zyada der tk tikta hi kb hay !

' Follow me this way.We should be leaving this area before the darkness prevails. '

Maine uss surang ke akhir main laal jhanda lga dya tha,ta'ke army officers ko ye pata chle ke unko range hathon pakrne ki behtreen jagah konsi hogi.

Sab mere piche mjhe follow kr rhe thay iss bat se begherz ke main unko,unke anjam tk le ja rha hoon.Aur ye shayad sbse behtreen bdla tha.Meri Azaan ki aesi halat ka zimedar bhi yahi tha,Sajid tw ek pyada tha.Usse nipatne se pehle mjhe Danish ko hi jarr se ukharna tha.

" Have you lost your mind? You're just making a fool out of us! How the heck is this possible that this tunnel leads to Iran,via Quetta! You thought that you'd trick us into this some stupidly dug earth?? "

Aik lamhe ke liye mere chehre pe badhawasi chaane lagi ke Danish ko pata chal gya tha ke mai usse bewaqoof bna rha hu.

' Nahi Danish, tm ghalat soch rhe ho.Ye tunnel maine Ahmed Sahab se gunpoint pe poocha tha aur unho ne jab nahi btaya tw mai shoot krne hi wala tha ke unke sathi officer ne meri traf ek map uchala,wohi map jo maine tumhe dya hay.Iss tunnel ke aakhiri siray per Iran ka border paar hojata hay aur humain yahan se guzarte huay taqreeban 5 ghante lagenge. Tumhare pas mjhpr bharosa krne ke ilawa aur koi chaara nahi... '

Ye keh kr main thori der ke liye ruk gya,aur tab mjhe hansne ki awaaz ayi.

" HAHAHAHAHAHA. You are such a ***** ,Jahil tujhe itna bhi nahi pata ke main agar ye rasta na bhi paa sku to tjhe maar kr koi dusra rasta zroor dhund skta hu!! HAHAHAHAHAHAA "

" Sir,but we have to listen to him for atleast now.You can kill him later if he is mistaking to fool us. " Ye koi uska chamcha tha.

Iss safar se mjhe bohat thakan ho rhi thi kiunke main insan ke roop main hi inke sath reng reng kr ja rha tha aur apna hulya filhal inki mojudgi main bilkul badal nahi skta tha.Marte kya na krte mjhe jana tha jab tk wo sira na pohonch jaye jahan shikaari shikar ke taqub main bilkul chokanna khre honge.

************************************

*Sajid*

Main ne Danish ke mission se ayr usse bhi apne sare naate khtm krdye thay,mjhe is bat ka zyada afsos tha ke uski wajah se mai ne Azaan ko takleef di.Agar mai us se sachmai mohabbat krta hota tw kbhi kbhi uske dard ki wajah na bnta,lekin main bn gya...

Main Azaan ke pas hi hospital main tha kiunke uss waqt uski behen aur maa dono gehru neend mai mulawwis thay,ayr is se acha mauqa koi nahi tha.

Raat ke iss peher mjhe laga maine jannat pa li ho,mai Azaan ke sirhane beth gya aur uske baal sehlane laga.Kitni khoobsurat hay wo.Ah... Ek karb tha jo jese mere andar sama gya tha,uske nazuk se jism se beshumar machines aur wires wghera lge huay thay.Wo bilkul bejaan beharkat parri hui thi.Mera dil chah rha tha ke kash main mar jaun,Azaan ko dard mai daal kr main kese apni sansain gin skta hun!! Kese!!

Mera hath uske hathon pr tha aur rote huay mere aansuon ki ek larri jaari hogyi jo uske hath pr tip tip barasne lgi.Jo usse bhi ye btana chahti thi ke meri mohabbat mai dard hay,junoon hay... Ek junooni kbhi mohabbat nahi kr skta lekin mjhe usse mohabbat thi,jiski mohabbat ne mjhe bilkul badal dya aur main...

Itne main uske hathon ka lams mere hath se chootne laga aur phir....