[DEEWAAR- The wall of Love] ✔ J.Series

-32-

Mohammad Huzban kya apko ye nikkah Azaan Ahmed ke sath qabool hay ??

' Qabool hay '

Azaan Ahmed kya apko ye nikah Mohammad Huzban ke sath,haq mehar paanch lakh ke awa'z manzoor hay ?

' Qabool hay '

MUBARAK HO ! MUBARAK HO !

Har taraf purmusaret sama bikherne laga aur Miss Gloria hmesha ki trah apni dilkash muskurahat ke sath,hmare iss moqe pe shamil thee.

*******************************************

" Shukrya baba,apke yahan aane se meri khushi dugni hogyi kaash... Kaash ammi bhi ateen,wo bhi mere nikah mai maujud hoti tw mjhe ktna sukun hota,ktni khushi milti... "

Rukhsat hote waqt sbse zyada ek beti ko apne maa baap ki zrurat hoti hay,ke nayi ane wali zindagi ko shuru krne se pehle wo unki duaon aur unke pyar ko samet'te huay wida ho.Mjhe andaza nahi tha ke ammi mjhse is had tak naraz hongi ke wo mjhse baat milna bhi pasnd nahi kregi,srf is wajah se ke mera nikah ek insan se nahi horha ?

Kash meri ammi bhi yahan hotin...

Mjhe smnbhalne ke liye Huzban mere pas agaye thay aur unho ne mera hath apne hatho mai tham lya tha,jis se mjhe ek habh si umeed milgyi thi ke km se km ye tw mere sath hain.

Baba aj hi wapas jane wale thay kiunke wahan pe ammi aur apa akele thay,mjhe bohat man kr rha tha ke mai phoot phoot kr rowun,bhla ye b koi shadi hui jismai apki family hi apke sath na ho.

Nikkah society hall mai hua tha tw yahan se hmare apartment tk chorne ke liye phoolon se sajayi hui car Huzban ne gift ki thi,aur phir wo khud drive krke mjhe lejane wale thay. Sb blkl anokha tha meri shadi mai,na koi halla gulla na itna shadi ka hungama... Bohat sada si shadi thi blkl wesi jesi mai ne kbhi chahi thi kiunke Huzoor Paak S.A.W.W ke btaye huay tareeqon pr amal krke hmari shadi ki bunyad bohat mazboot bnjayegi.

Ghar tk aane ke baad baba ne mjhe ek akhri bar apne seene se lagaya aur matha choom kr kaha '' Beta Ab tum phr se parayi hogyi,lekin is bar hmesha ke liye kiunke Huzban ne tmhe apni bivi bana lya hay tw ab yehi tmhara ghar hay... Lekin kbhi agar maike ki yaad aye tw dauri chali aana,tmhare baba bazu phelaye tmhe sametne ke liye hmesha tayyar honge,Aur apni amma ki zyada fikr mat kro dekhna In sha Allah wo thore arse mai khud hi man jayegi aur mjhse zid kregi ke mjhe kiun nahi le kr agaye ap beti ki shadi mai bhi bhala koi ghairmojud hota hay kya '' aur hans kr khamoshi se apne ansoo chupaye aur mjhe Allah ke aman main sonp kr phir se mjhse door jane ke liye nikal parre.

Huzban bilkul chup thay,lekin unho ne ab tak mera hath nahi chora tha.

' Chorye ab mera hath,kab se pkra hua hay! Mjhe andr ja kr change krna hay,ktna heavy dress hay uff '

Meri baat ko blkl jese unsuna krte huay inho ne mera hath chorne se nafi mai sar hilaya aur dusra hath bhi pakar kr apne bazuon pe daldya aur mjhe apni banhon mai utha lya tha!

' Ye kya kr rhe hain aap! Yahan sb dekh lege,abhi hmara appartment upar hay... Tw... Tw kya ap itni der tk elevator mai bhi mjhe pkre rhege ? '

Inho ne phir kuch nahi kaha aur muskura kr srf asbat mai sar hilaya.

Mjhe ghussa araha tha ke ye haan naa ka kya chakkar hay,bnda munh se bhi kuch bol leta hay !

' Apki khushi se shayad dimagh thikane se hatt gya hay aur bolne ki salahyat mehroom hogyi hay. Apko sunai bhi de rha hay kuch main ap se hi baat kr rhi hu,kya haan naa mai jawab de rhe hain!! Mjhe utarye niche! '

Ab ki baar unka chup ka roza tooth hi gyaa aur ye hnsne lg gye.

" Hmm,main dekh rha hu ke ap bohat utawli ho rhi hain hmare apartment jane ke liye,utar duga utar duga tension kiun le rhi hain ap ! Room tw ajane dijye !! "

Mjhe sharam bhi arahi thi aur hansi bhi,tw apne difa ke liye ye asar inse chupane ke liye main ne apna sar inke seene mai chupa dya.

" Are Are, ap shrma rhi hain? Itna zyada shrmayegi tw apko dekh ke mjhe... Mjhe phir bhi sharam nahi aane wali tw ap shrmati rehye aur bhi haseen lgrhi hain istrah mere shane pe hath rkh ke apne rukhsar ko chupaye huay, jese blkl chaandni raat se shrma kr badalon ki aut mai chup jati hay "

Inki batein tw kuch zyada hi kitabi lgrhi thee lekin mjhe phir bhi acha lgrha tha,aesi hi baatein tw hoti hain jo hum masoom lrkiyo ka dil jeet leti hain. Ye mard, bohat mahir hote hain sbse khoob ata hai inhe baatein banane ka fun !

" Apko lagta hay ke main baatein bna rha hoon? "

Ab ki bar inho ne mera sar halka sa upar uthaya aur mjhse tafteshi andaz se pucha,

' nahi.. Wo.. Apko kese pata chla ? '

" Islye kiunke ap sochte huay aksar awaz ka istmal bhi bilazrurat krleti hain "

Ab ye muskura rha thay aur mjhe apni aqal pe ghussa araha tha,ke ye adat meri pata nahi kb chootegi! Istrah tw inhe mere dil ki sari batein pata chal jayegi!

' Acha ab niche utarye,room achuka hay '

" Ahem.. Koi kbse drwaze ki aur dekhe ja rha hay,lgta hay ghar jaldi pohnchna ka bohat man kr rha hay... Hay na Azaan? "

*******************************************