واكتشفت أني لقيطة للكاتبة صرخة المشتاقة مكتمله 💕❤️

البارت _٨_

البآرت الثامن

‎ابتسم على كلمة قديم فقال: لا قديم ..
‎البنت: عيل اكيد لازم تعرفني ..
‎د.تركي: طيب مين انتي ..؟!
‎ابتسمت وهي تقول: انا اسمي وسن ..
‎د.تركي: وسن مين ..؟!
‎وسن بإبتسامه: وسن عبد الجبار .. انا بنت المدير حق هذه الجامعه ..
‎فتحــــــــــــــوا الطلاب عيونهم من الصدمــــــــــــــه ..
‎واحد من الطلاب: اكيد تجذبين ..
‎طالب ثاني: لا لا اكيد تتغشمرين ويانا ..
‎وحده من الطالبات: عن الهياط الزايد .. قال بنت المدير قال ..
‎طالبه ثانيه: العبيها على غيرنا ..
‎طالعت وسن فيهم بخوف .. شوي وتبكي من هجومهم عليها بالاتهام ..
‎هي وحده شفافه وبسرعه تخاف ..
‎د.تركي بصراخ: بــــــــــــــس ..
‎فهجدوا الطلاب يطالعون فيه ..
‎د.تركي: تعالي يا وسن ..
‎قفلت باب الفصل بهدوء بعدين جت عنده ..
‎د.تركي: فعلا هذه بنت المدير .. اول قالي انه بييب بنته هنا .. ومو من حقك انت وهو انكم تجذبونها وتتهمونها فجأه ومن دون دليل .. اقسم بالله لو تعيدون هذه الحركه راح تندمون .. فاهمين ..؟!
‎هزوا الطلاب راسهم وهم يطالعون فيه وفي وسن ..
‎د.تركي: ياللا يا حبيبتي ايلسي على اي كرسي فاضي ..
‎وسن: تيب ..
‎دارت بعيونها فشافت كرسي فاضي جنب لين ..
‎مشيت وسن وجلست عالكرسي ..
‎فصارت وسن بعدين لين بعدين ندى بعدين اسيل عالشباك ..
‎طالعت وسن في لين وقالت: عادي ايلس ..؟!
‎لين بإستهزاء: خلاص يلستي وخلصتي ..
‎وسن: ليش تكلميني بهدا الاسلوب .. انا ما سويت لج شي ..
‎لين: عشتو .. ما باجي إلا انتي تحاسبيني ..
‎وسن بخوف وسرعه: لا لا والله ما حاسبتج .. والله ما اقصد ..
‎لين: احلفي ..
‎وسن: حلفت ..
‎طبعا الدكتور تركي انشغل يتكلم مع الفصل ..
‎لين: بس انا ما اتذكر انج حلفتي ..
‎وسن ببراءه: إلا حلفت .. حلفت مرتين كمان ..
‎انبسطت لين منها .. لقيت وحده تطقطق على راسها ..
‎لين: بس انا ما سمعتج ..
‎وسن بعصبيه: هذي مشكلتج مو مشكلتي ..
‎رفعت لين حاجبها وقالت: اووه ترفعي صوتج بعد ..
‎قامت ندى وقالت: لين تعالي في مجاني بسرعه ..
‎لين بترجي: ندى ..
‎ندى: لا ..
‎فتبادلوا في الاماكن .. وجلست ندى بين لين ووسن ..
‎اسيل: ههههه بعدتج عنها لأنها عارفه انج بتهبلين فيها ..
‎لين: يا قلبو على ندى وقلبها الحنون ..
‎اسيل: ههههههه ..
‎ندى: كيفج وسن ..؟!
‎وسن: تمامو ..
‎ندى: انا اسمي ندى ..
‎وسن: حلو اسمج .. اممم وانا اسمي وسن ..
‎ابتسمت ندى وقالت: اعرف .. طيب انتي عندج احد تعرفينه هنا في الجامعه ..؟!
‎مدت بوزها وهزت راسها بلا ..
‎ندى: اوكي شرايج تكونين رفيجتي ..؟!
‎ابتسمت وسن وقالت: تيب ..
‎هديت ابتسامتها وطالعت في لين وقالت: هذه رفيجتكي كمان ..؟!
‎ندى: ايوه ..
‎وسن: ما احوبها ..
‎ندى: ما عليج منها .. طنشيها ..
‎لين: يا سلاااام .. اللحين هالبزره تفضلينها علي ..
‎وسن: انا مو بزره ..
‎لين: اللحين انتي انطقي الراء زين بعدين تعالي تحجي ..
‎ندى: خلاص يا لين ..
‎اسيل: ما قالت لين شي غلط ..
‎وسن: حتى هذي رفيجتكي ..؟!
‎ندى: ايوه ..
‎وسن: احس اني ما احوبها ..
‎اسيل: هههههه اللحين هذه ليه كلامها جذي ..؟! احسه مشقلب ..
‎وسن: خلاص ما صرت احوبها ..
‎ما قدرت اسيل تمسك نفسها وضحكت هي ولين ..
‎طالعت وسن فيهم فقالت ندى: طنشيهم لأن عقلهم اليوم فاصل ..
‎وسن: تيب ..
‎لفت ندى على اسيل ولين وقالت بتهديد وصوت منخفض: ان ما بطلتم استهبال يا ويلكم ..
‎طالعوا فيها وسكتوا وهم يكتمون ضحكتهم ..
‎ووسن كانت لافه وجهها شوي عشان تشوف وش يقولون ..
‎لفت عليها ندى فقالت وسن: ايش قلتي لهم ..؟!
‎ماقدروا لين واسيل وعلى طول ضحكوا ..
‎طالعت وسن فيهم وقالت: اصلا ما يضحكون إلا البقرات ..
‎زادوا ضحك عليها وعلى كلامها ..
‎اسيل: ههههههه البنت خكريه مرره هههههههههههههه ..
‎لين: ههههههه اهم شي بقرات ههههههههههه ..
‎ندى: بس انتي وهيه ..
‎اسيل: هههه ندى والله ما اقدر .. مو بإيدي .. البنت تضحك ..
‎قربت ندى وقالت بصوت منخفض عشان ما تسمعها وسن: ترضي احد يضحك عليج ..؟!
‎هزت اسيل راسها بلا ..
‎ندى: عيل حتى هي ما ترضى .. والله حرام ..
‎اسيل: والله ما ابي اضحك بس هي تضحكني غصب عني ..
‎وسن: جذابه .. انا ما اقول نكت عشان اضحكج غصب عنج .. انتي من البنات الجذابات ..
‎مسكت اسيل على بطنها وضحكت: هههههههههههه شايفه كيف تضحكني هههههههههههههههههه ..
‎وسن: هيه اسمعي انتي وهيه ..
‎طالعوا فيها لين واسيل ينتظرونها تتكلم وهم ماسكين نفسهم بالعافيه ..
‎وسن: اذا مررآ مررآ فيكم ضحك .. استأدنوا من الدكتور واضحكوا برا .. الكلاس مو مجان لخبالاتكم ..
‎اسيل ولين: هههههههههههههههههههههههههه ..
‎وسن بضجر: اووف منكم ..
‎ندى: اسيل لين انا شقلت ..؟!
‎اسيل: هههه والله بسكت بس قوليلها ما تتكلم ..
‎وسن: هذا لساني والله خلقه لي وحدي ومالج شغل فيه .. يعني مو من حقج تسكتيني ..
‎ورفعت حاجبها تطالع فيها ..
‎اسيل ولين: هههههههههههههههههههههههههههههههههههههه ..
‎لفت ندى على وسن واعطت اسيل ولين ظهرها وقالت: طنشيهم .. بزارين ..
‎وسن: تيب ..
‎ندى: انتي وين كنتي تدرسين قبل جذي ..؟!
‎وسن: كنت في جامعه تانيه غير هذي ..
‎ندى: طيب انتي جم عدد اخوانج ..؟!
‎وسن: ولا احد .. ما عندي اخوان .. انا وحيدة بابي .. وانتي ..؟!
‎ندى: اممم اخ واحد كبير واختين اصغر مني ..
‎وسن: حضج .. يعني ما تطفشين كثير ..
‎ندى: لا ..
‎وسن: انا طفشت .. كنت اقول لبابي ابي اخو بس يقول ما اقدر اتزوج وحده غير مامي ..
‎ندى: ولا يهمج .. انا بكون زي اختج .. اوكي ..؟!
‎وسن: اوكي ..
‎اسيل: اقول لين ما سمعتي آخر خبر ..
‎لين: وشو ..؟!
‎اسيل: امس بابي قال بوديكم باجر لباريس ..
‎لين: وااااو يعني بنتقابل .. حتى انا مامي اقنعت بابي اننا نسافر لباريس ..
‎وسن بعصبيه: انتم ليه تقلدوني ..؟! كأنكم بغبغائات تقلدون كلام الناس ..
‎فقعوا لين واسيل ضحك على كلمة بغبغائات ..
‎وسن: مررا يقهروا اووف ..
‎ندى: خلاص يا وسن مو انا قلت طنشيهم ..
‎وسن: انا اطنشهم بس هم يتحرشوا فيه بكلامهم ..
‎لفت ندى على اسيل ولين وقالت: اقسم بالله ان ما بطلتم غباء راح اروح واترككم فاهمين ..
‎فأضطروا يسكتون لأن ندى كانت جاده ..
‎وسن: تستاهلون ..
‎** شخصيه جديده: اسمها وسن عبد الجبار .. امها ميته وهي وحيدة ودلوعة ابوها .. بنت دلوووعه لآخر درجه بس الدلع لايق عليها وطبعا عمرها ١٩ سنه ومع هذا اللي يشوف تصرفاتها يقول طفففله .. ما تعرف تكذب لأن ملامح وجهها شفافه وكل شي يبان عليه .. بنت كييييييوت وبريئه **
=========================
‎كانت تمشي .. تقدم رجل قدام ورجل ورى ..
‎خايفه جدا ..
‎تخاف يكون موجود وفي ذي الحاله بترتبك كثير بحكم انه عارف كل شي ..
‎طلت من بعيد على مكان الشله وارتاحت لمن ما شافت ريان ..
‎جت عندهم وقالت: السلام عليكم ..
‎يزيد: اهلييييييييين عادل ..
‎وقام سلم عليها وبالخد طبعا .. دانا توقعت هذا الشي وحاولت تمسك نفسها ..
‎عماد: تأخرت .. توقعناك غايب بعد ..
‎وسلم عليها وقال: ايلس ايلس ..
‎جلست فقال عماد: وينك يا ريال قبل امس .. ريان يتصل عليك وما ترد ليش ..؟!
‎دانا: ها .. لا عشان موبايلي كان صامت ..
‎يزيد: بغيناك تيي ويانا السوق نتقضى للجامعه مع بعض ..
‎دانا في نفسها: "عشان جذي اتصل" ..
‎عماد: كان ودنا انك تيي معانا .. ياللا خيرها في غيرها ..
‎دانا: سوري .. طيب وين باجي الشله .. لا يكونون غايبين ..؟!
‎يزيد: صالح توه قام يكلم بالموبايل والاخ ريان غايب .. اما الاخ سامي ..
‎سكت شوي بعدين قال: سافر يكمل دراسته برى ..
‎عماد: اووف من ابوه ذا .. والله انه شراني ..
‎طالعت دانا فيهم وقالت بإستغراب: ابوه ..؟! وليش ابوه شراني ..؟!
‎عماد: واحد يغصب ولده على شي ما يبغاه ما راح يكون شراني ..؟!
‎دانا: يغصب ولده ..؟!!! ليه هو غصب سامي في ايش ..؟!
‎طالعوا فيها بإستغراب وقال يزيد: ما تدري انه غصب سامي يدرس برى ..
‎دانا بتفاجئ: يعني ابوه قاله يدرس برى غصب عنه ..؟!
‎عماد: ليه ما قالك ريان ..؟!
‎دانا: قالي انه درس برى بس ما قال ان ابوه غصبه ..
‎يزيد: عيل اسمعها مننا احنا .. ابوه غصبه يدرس برى عشان مصلحته ..
‎دانا: طيب سامي ما يبغى ومو من مصلحته انه ينغصب على شي ما يبغاه ..
‎عماد: ابوه راسه يابس وما راح يقتنع بشي زي جذي ..
‎دانا: مافي احد يقدر يقنعه ..؟!
‎عماد: لا ..
‎طالع يزيد فيهم فتره بعدين قال: هيييه شباب لقيتها ..
‎طالعوا فيه وقال عماد: شنو اللي لقيتها ..؟!
‎يزيد: لقيت شخص مناسب يقدر يقنع ابو سامي ..
‎عماد: بجد ..؟!
‎يزيد: طبعا ..
‎عماد: مين ..؟!
‎لف يزيد على دانا وقال: مو ابوك شخص ملياردير وغني .. اكيد يعرف ابو سامي .. عاد انت كلمه عشان يقنع ابو سامي ..
‎عماد: فعلا .. ابو سامي ما راح يقتنع من كلام اي شخص .. بس راح يقتنع من حجي واحد مثله في المركز والمستوى ..
‎طالعت دانا فيهم بتفاجئ وخوف و بورطه .. اللحين هذولا الى الآن يحسبونها غنيه .. كيف ما نسوا ..
‎يزيد: ها يا عادل .. شرايك ..؟!
‎دانا: بس ابوي ميت ..
‎طالعوا فيها وقال عماد بإحباط: بجد ..؟!
‎هزت راسها بإيه .. والحمد لله طلعت من ورطتها ..
‎يزيد: طيب مافي مشكله .. قول لعمك ..
‎دانا بسرعه: ما عندي اعمام ..
‎عماد: طيب قول لخالك ..
‎دانا: ما عندي اخوال ..
‎طالعوا فيها بإستغراب كبير جدا ..
‎يزيد: ما عندك خال ..؟!
‎عماد: عيل لمن مات ولد خالك ذاك اليوم رحت تعزي مين ..؟! انت قلت رحت تعزي خالك ..
‎يزيد: شلون ما عندك اخوال وانت رحت تعزي خالك بوفاة ولده ..؟!
‎تورطت دانا بجد .. وش بتقول لهم اللحين ..؟!
‎صدق من قال "حبل الكذب قصير" ..
‎جاء صالح في هذا الوقت ولمن شاف دانا قال: يا هلا بعادل ..
‎طالعت دانا فيه بإبتسامه .. اليوم بس حبته لأنه طلعها من الورطه ..
‎سلمت عليه وقالت: كيفك ..؟!
‎جلس صالح وهو يقول: تمام .. وانت ..؟!
‎دانا: بخير ..
‎صالح: كيف الاجازه وياك ..؟!
‎دانا: حلوه ..
‎صالح: ياللا .. عن ايش كنتم تتحجون قبل لا ايي ..؟!
‎خافت دانا وقالت بسرعه لصالح: ليه ريان غايب ..؟!
‎صالح: مدري .. بس هو من عادته انه يغيب اول ايام الدراسه ..
‎سكتت دانا شوي بعدين قالت: في سؤال يدور في بالي كثير .. ريان غيابه كثير زياده عن اللزوم فليش ما اعطوه انذار وليش ما وصل لدرجة الحرمان ..؟!
‎عماد: هههههههههههههههههههههههههههههههههه ..
‎يزيد: صراحتا هذا الشي لازم يصير بس ريان عن كل يوم يغيبه ييب عذر قوي ..
‎صالح: خاله دكتور في مستشفى .. وخاله هذا عمره قريب من عمر ريان وتربوا مع بعض وعشان جذي يمونون على بعض ..
‎عماد: وكل ما غاب اخذ عذر من خاله ..
‎دانا: آها ..
‎عماد: على طاري الخال .. ما ياوبت على سؤالنا يا عادل ..
‎دانا: ها ..
‎يزيد: من قال ها سمع ..
‎طالعت دانا فيهم بتوتر وارتباك .. حست انهم بدأوا يشكون فيها ..
‎صالح: عن اي سؤال تقصدون ..؟!
‎حكوله يزيد وعماد السالفه .. ودانا تفكر .. تفكر بشي يطلعها من هذه الورطه ..
‎صراحتا .. توها تحس بقيمة ريان .. كان يطلعها من اي ورطه تطيح فيها .. صحيح اول ما كانت تنتبه .. بس اللحين عرفت انه ساعدها لأنه عارف انها بنت وما يبغى يحرجها ..
‎يزيد: عادل شفيك ساكت ..؟!
‎ابتسمت دانا في داخلها .. لقيت شي يطلعها من هالورطه ..
‎دانا: لأنه ..... لأن خالي ..
‎طالعوا فيها ينتظرونها تتكلم بعد ما سكتت ..
‎نزلت راسها وقالت بحزن: علاقتنا سيئه جدا بخالي .. لنا حول عشر سنوات واحنا ما نزور بعض ..
‎دخل يزيد جو معاها وقال بحزن: طيب ليش ..؟!
‎دانا: مدري .. مشكله صارت قبل عشر سنوات .. يعني وانا عمري ١١ سنه وما اعرف شنو هالمشكله .. امي منعتنا اننا نزورهم وخالي منع اولاده انهم يزورونا .. حتى لمن رحت اعزيهم طردني خالي ..
‎عماد: سوري يا عادل .. ما كان قصدنا اننا نذكرك ..
‎دانا: لا عادي ماكو مشكله ..
‎يزيد: طيب مافي احد يقرب لك تقدر تكلمه عشان يتفاهم مع ابو سامي ..؟!
‎دانا: لا .. والله ودي بس ماكو احد ثاني يقربلي عشان اكلمه ..
‎يزيد بإحباط: يعني ماكو فايده ..
‎صالح: طيب روح انت ..
‎طالعوا في صالح وقال عماد: شتقصد ..؟!
‎صالح: اقصد ليه ما يروح عادل ..؟!
‎فتحت دانا عيونها تطالع في صالح بصدمه ..
‎يزيد: لا بالله .. يعني ريان الجريء ما قدر فتتوقع عادل الخجول بيقدر ..؟!
‎صالح: اسمع وجهة نضري .. اولا ابو سامي ما يعرف عادل .. هو يعرف ان عند سامي اربع اصحاب وبس .. تتذكرون وش قال لنا ريان قبل امس في السوق .. قال ان ابو سامي كاره شلتنا جدا .. يعني لو اي احد مننا تدخل فما راح يستفيد شي .. اما عادل لو تدخل فبيكون هذا شي ثاني .. يقول انا رفيج سامي في الكلاس وينكر انه من شلتنا واكيد بيكون بهذا تأثير على ابو سامي .. ثانيا انتم قلتم ان عادل خجول .. طيب هذا في مصلحتنا كمان .. راح يتكلم مع ابو سامي بأدب واحترام عكس ريان .. صحيح هو جريء بس اكيد انه تحدى ابو سامي بحجيه صح ..؟!
‎يزيد: طبعا اكيد .. اعرف ريان اذا عصب ..
‎لف صالح على دانا وقال: اما عادل .. يكفي بس ويهه .. ويهه يدل على البراءه والادب ومستحيل يكرهه ابو سامي .. وزي ما قلت بيكون لعادل تأثير كبير على ابو سامي .. وثالثا يكفي مركز عادل .. من عائله غنيه وراقيه ولها مركزها واحترامها في المجتمع .. اكيد واكيد ابو سامي حيسمع له للنهايه وبياخذ كلامه في عين الاعتبار .. واللحين شرايكم في وجهة نضري ..؟!
‎عماد: بصراحه .. كلامك واقعي جدا وحلو ..
‎يزيد: فعلا .. خلنا نيرب وما راح نخسر شي ..
‎طالعت دانا فيهم بصدمه .. وش يقولون هذولا .. اكيد يمزحون .. ايوه يمزحون .. فعلا هم يمزحون ..
‎ما كانت تدري ان كذبه صغيره راح تكبر كذا .. وقعت في شر اعمالها ..
‎لو انها قالت لهم انها من عائله فقيره كان ما صار اللي صار ..
‎لف يزيد على دانا وقال: ها شرايك يا عادل ..؟! بالله مو فكره حلوه ..
‎عماد: انت بس جرب يا عادل ويمكن ذا الاب يقتنع ..
‎صالح: لو واحد منا راح فنسبة اقتناعه ٠% .. اما انت فنسبة اقتناعه ٥٠% ..
‎طالعت فيهم بتوتر .. وش بتقول لهم .. اذا رفضت فبيستغربون منها .. لأن سامي صاحبهم والمفروض ما يرفض ..
‎وطبعا مستحيل توافق لأنها مو من عائله غنيه عشان تقدر تتكلم مع هالاب ..
‎دانا بتوتر: بس .. بس انا اخاف من ذي المواجهات .. لساني ينربط اذا قابلت واحد اكبر مني وله هيبه كبيره ..
‎عماد: اسمع .. انت حط في راسك ان كل هذا عشان سامي واكيد بتتشجع ..
‎دانا: والله صعبه .. انا اعرف نفسي اكثر منكم .. والله ما اقدر ..
‎يزيد: لا تحلف يا عادل .. الا بتقدر ان شالله .. انت اللحين لمن تروح البيت فكر .. فكر زين .. لا تخلي الخوف يسيطر عليك .. واكيد راح تثبت لنفسك انك تقدر .. اوكي ..؟!
‎دانا: طيب ..
‎عماد: تذكر سامي يا عادل .. انت الوحيد اللي ممكن انك ترجعه هنا .. خلاص ..؟!
‎دانا: طيب ..
‎فبدأوا يتكلمون في مواضيع ثانيه ودانا ساكته .. حايره ما تدري وش تسوي ..
===========================
‎في كافتيريا الجامعه .. كان طارق جالس هو وانس ..
‎طارق: يعني هذا من جده غايب ..
‎انس: يقول ايش الغباء احضر الجامعه في اول يوم ..
‎طارق: يعني غايب من دون سبب ..
‎هز انس راسه بإيه ..
‎شرب طارق من العصير بعدين قال: كيف اجازتك يا انس ..؟!
‎انس: تمام بس قصيره ..
‎طارق: فعلا ..
‎انس: متى رجعت ..؟!
‎طارق: الخميس ..
‎فتذكر طارق شي وقال: سمعت آخر خبر ..
‎انس: وشو ..؟!
‎طارق: ذاك سالم الله لا يسلمه ..
‎انس: مين سالم ..؟!
‎طارق: صاحب العماره اللي ساكنين فيها ..
‎انس: اييه عرفته .. شفيه ..؟!
‎طارق: واحنا مسافرين طلع قرار انه اللي مسافر ما تنزل عنه ايجار الشقه .. يعني لازم يدفع حتى لو كان خارج الشقه ..
‎انس: شفيه ذا .. اول مره زاد السعر واللحين هذا .. لهدرجه طماع ..؟!
‎طارق: المشكله انه مليونير ومو ناقصه شي .. تعرف انه انا وانت لازم ندفع ايجار الاسبوع اللي سافرنا فيه ..
‎انس: ليش ..؟! القرار نزل بعد ما سافرنا ..
‎طارق بقهر: انه الاخ سالم يقول حتى المسافرين يدفعون ..
‎انس: بجد اللحين حسيته طماع ..
‎طارق: انا حلفت اني ما ادفع ..
‎انس بدهشه: وشـــــــــــو ..؟!
‎طارق: الاخ تمرد ولازم يكون فيه واحد يوقف في ويهه ..
‎انس: مينون انت توقف في ويهه .. اقسم بالله انه بيطردك ..
‎طارق: عادي .. يا كثر الشقق والفنادق في الدوحه ..
‎انس: بس هذه انسب لأنها اقرب ..
‎طارق: اسمع يا انس .. انا بوقف في ويهه لسبب واحد .. مو عشان نفسي .. لا انا الحمد لله عندي فلوس واقدر ادفع اضعاف هالمبلغ .. السبب هو عشان اصحاب العماره .. عشان ام ميار مثلا .. زوجها ميت وهي تشتغل .. تصرف على نفسها وعلى بيتها وعلى مصاريف دراسة بنتها .. يعني حالتها الماديه ما تتحمل ايجار اكثر من الايجار السابق .. فاهمني ..؟!
‎سكت انس شوي بعدين قال: اوكي بس سالم ذا يقولون انه شراني .. يقولون انه قبل حول ٢٠ سنه او اقل فقد زوجته وبنته ومن بعدها صار انسان مجرم وحاقد عالكل .. اذا وقفنا جدامه اقسم بالله انه بيدوسنا ..
‎طارق: ما اهتم .. اذا كان هو سالم فأنا طارق ولد علي العالي وما اخاف من اشكاله ..
‎انس: ارحمنا يالقوي ..
‎طارق بنص عين: مو وقتك ابد ..
‎انس: هههههههههه طيب وش بتسوي بذا السالم ..؟!
‎طارق: مدري .. بروح اتكلم معاه بهدوء ..
‎انس: ومتى بتروح ..؟!
‎طارق: لمن يرجع الاخ من بريطانيا ..
‎انس بإستهزاء: اوووه حتى هو سافر يأجز ..
‎طارق: سمعت انه بيرجع باجر .. تروح معاي ..
‎انس: اكيييد .. احنا على الهوا سوا وانا اخوك ..
‎طارق: احسك اليوم سامج وما ادري ليش ..
‎انس: ههههههههههه اللحين الشخص المروق صار سامج ..
‎طارق: صح نسيت اسألك .. في اجازتك قابلت راكان ولا لا ..؟!
‎انقلب مود انس وقال بضيق وقهر: ايييييييه ..
‎طارق: هههههههههههه شفيه المروق قلب فجأه ..؟!
‎انس: مو وقت استهبالك ..
‎طارق: طيب وش سويت لمن قابلته وشلون تقابلتم وفين ..؟! حكيلي كل شي ..
‎انس: بلييييز يا طارق لا تذكرني .. غير السالفه ..
‎طارق: من عيوني اغير السالفه .. جم انس عندي .. طيب لمن قابلته وش كان شعورك ..؟!
‎انس: يربت هالعصير على ويهك ..؟!
‎طارق: ههههههه تعجبني وانت معصب ..
‎انس: لا يا شيخ ..
‎طارق: لا بجد قول شصار ..؟!
‎حرك انس العصير بالمصاص وقال: لا ابد .. بس ياء مسوي فيها انه يعرف صلة الرحم ويزورنا .. اقسسم بالله انه قهرني ..
‎طارق: بس .. هذا اللي صار ..؟!
‎انس: لا .. بس انا مابي اكمل ..
‎طارق: ليه هو على كيفك ..؟!
‎انس: تعال اضربني احسن ..
‎طارق: والله ودي .. بس اخاف منك وانت معصب ..
‎انس: حلو انك عرفت قدر نفسك ..
‎طارق: اححح قويه .. ياخي شفيها اخلاقك في خشمك .. خلاص بلاش راكان .. خلنا نغير السالفه ..
‎شرب انس من العصير حقه وهو ساكت ..
‎سرح طارق في افكاره شوي بعدين قال: اقول انس ..
‎انس: نعم ..
‎طارق: اليوم جم في الشهر ..؟!
‎انس: ١٥ .. ليش تسأل ..؟!
‎طارق: لا بس اسأل لأني نسيت ..
‎انس: طارق انت عندك اخ ..؟!
‎طارق: اخ ..؟!! لا ..
‎انس: في الخور شفت واحد فيه شبه منك ..
‎طارق: خلق من الشبه اربعين ..
‎انس: تصدق وش ودي .. ودي اشوف التسع وثلاثين شخص اللي يشبهوني في العالم ..
‎طارق: ههههههههههههه اتخيل جدامي اربعين انس .. شكلكم يضحك ..
‎ابتسم انس وقال: ياخي والله ودي اشوفهم .. احس اني بنبسط وانا اطالعهم ..
‎طارق: اوقف جدام ٣٩ مرايه وتشوفهم ..
‎انس: ما تنكت ..
‎طارق: سمعت آخر خبر ..
‎انس: ايش ..؟!
‎طارق: طلع لي عيال عم وانا مدري ..
‎انس بدهشه: بجد ..؟!!!!!
‎طارق: ايوه .. من عمي عمر ..
‎انس: تقصد عمك اللي تزوج وحده من دون رضا ابوه فتبرى يدك منه ..
‎طارق: عليك نور .. ايوه هو .. مات من قبل سنتين وقبل شهر ماتت زوجته ومن بعد وفاتها وصلتنا اوراق تخصهم .. عندي خمس عيال عم .. ثلاث بنات وولدين .. وكلهم صغار .. اكبر وحده عمرها ١٨ سنه ..
‎انس: حرام .. هذول كيف قدروا يعيشون شهر من دون ام ..؟!
‎طارق: هذي مو مشكله .. المشكله هي اني ما اعرف اي شي عن اسمائهم ..
‎انس بتفاجئ: طيب كيف بتلقونهم ..؟!
‎طارق: عندنا عنوان البيت اللي ساكنينه .. بس اخاف يكونون طلعوا منه .. على فكره هم عايشين في الدوحه .. يعني هنا ..
‎انس: هنا ..؟! حلو يعني مو بعيد .. متى بتروح تشوفهم ..؟!
‎طارق: يمكن اليوم او باجر ..
‎انس: اها ..
‎طارق: في شي شاغل بالي ..
‎انس: وشو ..؟!
‎طارق: اتذكر اني قابلت بنت بس ما اتذكر مين ولا فين .. بس اتذكر اني شفت وحده تشبه عمي عمر ..
‎انس: هههههههه يمكن هذه وحده من التسع والثلاثين اللي يشبهون عمك ..
‎ابتسم طارق وقام وهو يقول: ياللا قوم .. ما انفجر بطنك من هالعصير ..؟!
‎انس: هههههه لا باجي ما انفجر ..
‎طارق: اقول قم .. لو تركتك راح تلهف الكافتيريا باللي فيها ..
‎انس: هههههه لهدرجه طايح من عينك ..؟!
‎طارق: وبقوه .. اعرفك تموت على بطنك ..
‎ضحك انس وقام معاه ..
=======================
‎في هذا الوقت والساعه سبعه الصباح وفي ولاية ليفربول الكبيره ..
‎وقف قدام المرايه يطالع في نفسه نضره اخيره قبل لا يروح الجامعه ..
‎نزل تحت وخرج من القصر قبل لا يفطر .. اخلاقه قافله اليوم ..
‎المفروض في اول ايام الدراسه يكون مع اصحابه مو في بريطانيا ..
‎حط ايده في جيب معطفه الثقيل والطويل وهو يقول: بديت اطفش من هالثلج اللي ما يوقف .. اوووف ..
‎طالع في السياره والسواقيين اللي فاتحين له الباب عشان يركب ..
‎لف وخرج برى القصر ..
‎جاء عنده السايق وقال: يا سيد سامي ما راح تركب ..؟!
‎سامي: بروح الجامعه مشي ..
‎السائق بصدمه: هل انت جاد يا سيدي ..؟!
‎سامي: ايه جاد .. يا اروح مشي يا اركب السياره وحدي ..
‎السائق: لكن السيد سلطان مانع انك تركب لوحدك ..
‎سامي: عيل تقلع عن ويهي ولا تأخرني عن دوامي ..
‎ومشي تارك السواق وراه .. طالع السواق فيه بعدين اتصل على ابو سامي ..
‎مشي سامي وهو يقول في نفسه: "ان شالله يوافق اني اركب السياره لوحدي .. والله طفشت" ..
‎بعد حول خمس دقايق وقفت جنبه سياره ونزل السايق منها ..
‎جاء عنده وقال: تفضل يا سيد سامي .. السياره لك .. لقد اذن والدك بذلك ..
‎ابتسم سامي بإستهزاء وقال: وانت ..؟!
‎السايق: سأعود للمنزل مشيا ..
‎سامي: ههههههه مسجين ..
‎ركب السياره واسرع فيها وهو يضحك .. يحب يتشمت في اللي يشتغلون عند ابوه .. يحس نفسيته تبرد ..
‎وقف السياره وقال: وين مجان هالجامعه ..؟! اوووووف ..
‎حرك السياره .. بعد لفه طويله ومشاكل لا حصر لها وصل للجامعه ونزل من السياره ..
‎وقف قدام الجامعه يطالع فيها بأنبهار ..
‎سامي: واااااااو روعه ..
‎كانت بجد روعه بتصميها الاثري القديم .. واكثر شي شده هو الساعه الكبيره اللي في مقدمة الجامعه ..
‎وقف فتره يتأمل فيها وفي بنائها الاثري بعدين دخل .. بعد حوسه كبيره قدر يعرف وين قسمه ووين كلاسه ..
‎دخل الكلاس ودار بعيونه يطالع في الطلاب والطالبات ..
‎سامي: وااااو فيه موزز كثير هنا .. بس مشكلتهم ما يعرفون عربي ..
‎شاف فيه كراسي كثير فاضيه .. راح لوحده منها عشان يجلس بس صقع في واحد بالغلط ..
‎سامي: سوري ..
‎طالع في ذاك الشخص وهو عاقد حواجبه وملامحه كانت جامده .. سامي بصراح خاف منه ..
‎قال الولد: Be careful next time ..
‎سامي: اوووف كل ما اصقع في واحد يقول ذي الجمله .. اموت واعرف شمعناها ..
‎لف ذاك الشخص وهو يقول: Stuped ..<<غبي << ..
‎فهم سامي معناها وقال بعصبيه: ما الغبي إلا انت ..
‎لف عليه الرجال بطريقه مفاجأه وبنظرات مرعبه فجعت سامي ..
‎مسكه من بلوزته وهو يقول: What are you say ..؟! << ماذا قلت << ..
‎بصراحه سامي تصلب من الرعب .. الرجال ضخم ووملامحه مرعبه وراسه اصلع ..
‎جت بنت عند هذا الرجال ومسكته بدلع وهي تكلمه ..
‎فلانت ملامح الرجال وابتسم لها .. ترك سامي وراح معاها ..
‎عدل سامي بلوزته وهو يقول: والله ذي البنيه يت في وقتها .. لو ما يات جان اختنقت ورحت فيها .. مشكله لا طحت في مشكله مع ريال اجنبي .. اصير زي الابله ما اعرف ارد ..
‎عقد حواجبه وقال: ابي افهم شلونعرف اني اسبه مع اني احجى غير لغته ..؟!
‎لف ناحية الكلاس واتجه لاحد الكراسي .. حط شنطته عالطاوله وجلس على الكرسي ..
‎اول ما جلس جت عنده وحده من البنات وقالت له كلام بالانجليزي ..
‎استغرب .. وش تبي ذي ..
‎ابتسم وقال: يوووه نسيت انك وسيم يا سامي .. عيل اكيد البنات بيعجبون فيك من اول نظره ..
‎ابتسم على كلمة من اول نظره ..
‎كانت البنت واقفه وتتكلم وسامي يهز راسه من كلامها السريع اللي مافهم منه ولا شي ..
‎سامي: والله لو تتكلمين من اليوم ليين باجر ما راح افهم شي .. اول شي تعلمي لغه عربيه بعدين تعالي ومن عيوني راح اعطيج رقمي واشبكج ..
‎تكلمت البنت من جديد وسامي يطالع فيها لين خلصت فقال: طيب انا اوعدج اني انتظرج لين تتعلمين عربي ..
‎فتكلمت مره ثانيه فقال: والله اني اوعدج .. اطمئني ما راح اتحجى مع اي بنت ولا اطالع في اي بنت غيرج .. راح انتظرج لأني بصراحه حبيتج وانتي بصراحه اسرتي قلبي .. ترى انا صاج ..
‎..........: هههههههههههههههههههههههههههههههههههههههههههههههههه ههههههههه ..
‎استغرب سامي ولف ورى يشوف مين هو صاحب الضحكه الطويله ذي ..
‎ضحك الولد من قلبه بعدين قال: ههههههه البنيه تقولك قم لأن هذا مجانها .. ههههههههه ..
‎طالع سامي فيه بعدين لف يطالع في البنت .. ابتسم وقام بهدوء من مكانها ..
‎جلست البنت وابتسمت وقالت لسامي كلام .. فأبتسم وهز راسه وهو طبعا مو فاهم شقالت ..
‎لف سامي عالولد وقال: مشكور ..
‎الولد: ههههه العفو ..
‎مشى سامي يدور له كرسي ثاني بس وقف فجأه وكأنه استوعب شي ..
‎لف عالولد وقال بدهشه: انت تتكلم عربي ..؟!
‎جلس الولد وقال: ههههههههههه ايه ههه صح النوم ..
‎ابتسم سامي غصب عنه .. لازم يعمل بارتي من شدة فرحه .. بالنسبه لسامي هذي ثروه لو شاف واحد عربي في بريطانيا ..
‎سامي: لا بجد انت عربي ..؟!
‎انفجر الولد ضحك عليه وقال: ههههههههههه لا افغاني ههههه ..
‎سامي: لا من جد قول الصج ..
‎الولد: ههههههههههههههههه ياخي والله انك نكته .. ايه عربي هههههه ..
‎سامي بفرح: احلف ..؟!
‎الولد انعصر بطنه من كثر ما ضحك ..
‎سامي واقف يطالع فيه .. هو مصدق انه عربي بس مع الفرحه تلخبط ومو داري وش يسوي ..
‎جلس سامي عالكرسي اللي جنبه وهو يقول: ياخي والله اني فرحان لأني قابلتك .. انت اول عربي اقابله في هالجامعه .. ترى شوف انا بصير صاحبك اوكي .. انا يديد وما افهم شي هنا ..
‎الولد: ههههههههههههه اوكي .. بس السؤال اللي يسدح نفسه .. مادامك مب فاهم شي فليش ييت تدرس هني ..؟!
‎انقلب وجه سامي تماما وسكت ..
‎طالع فيه الولد وحس انه ضايقه ..
‎الولد يغير السالفه: إلا ما عرفتنا على اسمك ..؟!
‎ابتسم سامي وقال: سامي الراهي .. وانت ..؟!
‎سكت الولد شوي وقال: الراهي .. كأني سمعت بهذا اللقب ..
‎تذكر وقال: آها انت ولد التاجر القطري ..
‎سامي: فعلا ..
‎الولد: اي واحد فيهم ..؟! انا اعرف ان عائلة الراهي فيها تاجرين .. واحد معظم تجاراته في اوروبا والثاني في امريكا ..
‎سامي: ابوي سلطان ..
‎الولد: آها .. ايه صح نسيت اقولك مين انا .. انا وليد عبد الغني .. ههههههههههههههه ..
‎سامي: اللحين ليش تضحك ..؟!
‎وليد: تذكرتك وانت تتكلم مع البنت ههههههههههههه قسم بالله نكته ..
‎سامي: ايه تطنز على راحتك .. المهم انت تعرف تتحجى انجليزي بطلاقه ..؟!
‎وليد: اكيد ..
‎سامي: حلو .. اسمع انت بتكون رفيجي اوكي .. لا وقعت في ورطه طلعني منها ..
‎وليد: هههههههه ما اصدق ان ولد الراهي ما يعرف انجليزي ..
‎سامي: الاقدار .. اقول صراحتا ذي الجامعه كرهتها بعد ما قابلت الاصلع اللي قبل شوي ..
‎وليد بإستغراب: اصلع ..؟!!
‎سامي: ايه صكيت بواحد اصلع بالغلط وبغى يحفر قبري ..
‎وليد: هههههههههه حرام عليك .. كرهت الجامعه عشان اصلع ..
‎سامي: ايه .. مرعبه هالجامعه ..
‎وليد: انت تدري هالجامعه المرعبه شتاريخها ..؟! تعرف العالم الكبير تشارلز باركلاز اللي حصل على جائزة نوبل في ابحاثه عن اشعة X-ray ..؟!
‎سامي: لا ما اعرفه ..
‎وليد بدهشه: ما تعرفه ..؟؟؟!!!!!
‎هز سامي راسه بلا ..
‎وليد: هذا عالم كبير جدا .. انت لمن تروح المستشفى ما قد شفتهم يصلحون اشعه للرجل او الدماغ ..؟!
‎سامي: ايوه اللي يجي لونها اسود وابيض ..
‎وليد: ايوه هذي الاشعه حصل هذا العالم على جائزة نوبل فيها .. انت تعرف ان هذا العالم كان يدرس في هذه الجامعه ..
‎سامي بدهشه: بجد ..؟! ما توقعت ..
‎وليد: كمان عندك العالم الفيزيائي تشادويك اللي اكتشف النيوترون كان يدرس في ذي الجامعه وحصل على جائزة نوبل كمان .. وقد خرجت فوق الثلاث آلاف طالب بكالوريوس وفوق الألف طالب ماجستير ..
‎سامي: اخسس يا ذي الجامعه .. والله ماهي هينه ..
‎وليد: هي لا اسمعك تقول مرعبه مره ثانيه ..
‎سامي: ههههههههههههههه ..
‎وليد: هذا اول يوم لك هنا ..؟!
‎سامي: لا امس اول يوم .. شهالسؤال البايخ .؟! طبعا اليوم هو اول يوم ..
‎وليد: البايخ انت .. انا اسأل عن وجودك في بريطانيا .. من متى وانت هنا ..؟!
‎سكت سامي فتره يعد بعدين قال: تقريبا اسبوعين ..
‎وليد: وكيف هي ليفربول ..؟!
‎سامي: مدري .. ما تمشيت فيها .. رحت السوق وبس ..
‎وليد: وليش ما تتمشى فيها ..؟! مره روعه والاماكن السياحيه كثيره وخطيره ..
‎سامي: ياخي انا ما افهم شي في الانجليزي وخفت اتورط فعشان جذي ما رحت ..
‎وليد: ما عندك سواق عربي او ......
‎سامي: إلا عندي بس ما ابي احد منهم يروح معاي .. ياخي يرفعون ضغطي ..
‎وليد: هههههههههه طيب شرايك انا امشيك ..؟!
‎طالع سامي فيه فتره بعدين ابتسم وقال: اوكي ماكو مشكله ..
‎وليد: عيل اللحين قوم اوريك الجامعه والاقسام اللي فيها ..
‎فقام سامي معاه مع انه مو مهتم ووراه وليد كل شيء بالجامعه ..
‎بصراحه انبهر سامي منها كثييييييير ..
=========================
‎في الظهر وعلى طاولة الغداء ..
‎روان: رشود ..
‎راشد: نعم ..
‎روان: غريبه .. مو من عادتك تغيب بدون سبب .. ليش غبت ..؟!
‎تذكر راشد وعصب وهو يقول: الصباح اكتشفت ان البزارين قطعوا جنطتي كمان .. انسدت نفسي وما رحت ..
‎طالع في جواله وقال: وما تركوا شي بموبايلي ما مسحوه .. احمد ربي ان الميموري كان معاي واحمد ربي بعد ان الارقام مسجله في الشريحه نفسها .. آخخ لو اعرف مين هم .. اقسسم بالله ما اترك فيهم عرق ينبض ..
‎روان: هههههههه الحمد لله انك ما تعرفهم .. بس صراحتا هالبزارين جريئين بشكل مو طبيعي ..
‎راشد: هذه وقاحه مو جرئه .. بس والله ما اعدي هالحركه .. خليني اعرفهم بس .. والله لأذبحهم بإيدي .. بأخليهم حتى وهم ميتين يشهقون بأسمي ..
‎روان بإستهبال: خف علينا يالقوي ..
‎راشد: روان مو وقتج ابد .. خلاص ما طفشتي من امس وانتي تتشمتي فيني ..
‎روان: ههههههههههههههههه كله كوم والفيسات المرسومه على ويهك كوم ثاني .. ولا كلمة انا دب موتتني ضحك هههههه ياليتني صورتك انت وشعرك الاصفر اللي كأنه ماسكه كهرب .. والله حسافه ..
‎راشد بقهر: لا تتحسفين البزارين لبوا رغبتج وصوروني بالموبايل وانا نايم بالشكل ذاك ..
‎روان بفرح: بجــــــــــــــد ..؟!!!
‎راشد: لا تتحمسين لأني مسحتها ..
‎روان بإحباط: لييــــــــــــــه ..؟؟؟!!
‎راشد بقهر: كله كووم والخنفسانه الميته في جزمتي كوم .. صحيح اشتريت هالجزمه مخصوص للجامعه بس والله ما البسها .. بزارين مقرفين الله يخسهم ..
‎روان: هههههههههههههههه وش اكتشفت كمان ..؟!
‎راشد: والله لو اكتشف شي كمان اني لا اعصب بجد ..
‎روان: على اساس انك مو معصب اللحين ..
‎راشد: ايه صح نسيت ريلي .. امس شفتها ملونه بالالوان ..
‎روان: ههههههههههههههههه اقول روح شيك على نفسك لا يكونون ملونين ظهرك بعد ..
‎طاحت الملعقه من يد راشد وهو يطالع في روان بصدمه ..
‎سكت شوي بعدها قام وطلع فوق ..
‎هنا عاد انفجرت روان ضحك عليه وعلى شكله ..
‎دخل راشد لغرفته ووقف قدام المرايه ..
‎نزل بلوزته ولف ظهره جهت المرايه يطالع فيه ..
‎راشد بقهر: سووا لي هالبزارين وسوسه ..
‎رمى التيشيرت عالكرسي بقهر وعصبيه وجلس عالسرير ..
‎راشد: والله والله لو اعرفهم ما ارحمهم ..
‎قام وراح للكومدينه الصغيره عشان ياخذ مفتاح سيارته .. بيروح يشتري ملابس كمان .. صحيح امس ركب مع السايق وراح للسوق بس الملابس ما تكفي ابد ..
‎فتح الدرج ودخل ايده يسحب المفاتيح بس .....
‎بس حس بحركه مو طبيعيه ..
‎حس بشي يمشي على ايده ..
‎صنم في مكانه فتره وهو متقرف ..
‎متقرف جدا ويتمنى ان اللي في باله ما يكون صح ..
‎شوي نطت الجراده في وجهه ..
‎صرخ ولف وجهه وطارت الجراده عنه ..
‎طالع في ايده اللي سحبها وانصدم وهو يشوف خنفسانه ونملتين كبار ..
‎نفض ايده بسرعه وهو يصرخ بعصبيه: عمــــــــــــــــــــــــــــى ..
‎مسح إيده ببنطلونه وهو يحس بقرف مو طبيعي .. فأنتبه لجراده بتنط من الدرج ..
‎بعد بسرعه ونطت في الهوا ..
‎طالع في غرفته بقرف والحشرات ما زالت تطلع من الدرج ..
‎خرج من الغرفه بعصبيه ووقف اعلى الدرج وصرخ: شهــــــــــــــــــــــــــــــــــــــــــــــــ ــــــــــــــــــــــدووه ..
‎خرجت روان من غرفة الطعام ولمن شافته بدون بلوزه ضحكت ..
‎روان: هههههههههههه ها بشر لقيت شخابيط ولا لا ..؟!
‎راشد بعصبيه: روان بليييز روقينا انا مب فاضيلج ..
‎روان: ههههه اوكي ..
‎جت شهد مسرعه وهي تقول: نعم ..
‎اول ما شافت راشد بدون تيشيرته استحت من شكله ونزلت عيونها .. اول مره تشوف ولد بذا الشكل ..
‎راشد بعصبيه: اسمعي .. بسرعه كلمي الخدم او كلمي اي زفت انهم يرتبون ويأثثون الجناح الغربي لأني من اليوم ورايح بنام فيه ..
‎استغربت روان وقالت: ليش ..؟!
‎راشد: اسمعي كمان .. اغراضي الموجوده في الغرفه كلها تنرمي في الزباله .. العطورات والساعات والجنط والمحافظ وكل شي ينرمي .. اما الاوراق الخاصه فتمسحونها بمناديل معقمه .. واذا لقيتم فلوس فتقاسموها انتم .. فاهمه ..؟!
‎هزت راسها وهي مو فاهمه ليش ..
‎راشد: طيب تحررركي وش اللي موقفج ..
‎هزت راسها ولفت بتدخل بس قال: وقفي ..
‎لفت عليه وهي منزله راسها وقالت: نعم ..
‎راشد: اول شي اطلعي خرجي اوراقي الخاصه وكتب الجامعه ..
‎شهد: اللحين ..؟!
‎راشد بإستهزاء: لا الاسبوع الياي .. "بعصبيه" تحررركي ..
‎طلعت الدرج ولمن مرت من جنبه قال: لحضه ..
‎شهد: نعم ..
‎راشد: اذا شفتي مفاتيح فأرميها .. بشتري سيارات يديده .. قرف ..
‎استغرب شهد وبقوه فقالت: طيب ..
‎راشد بعصبيه: بسرررعه وبلا تأخير ..
‎شهد: حاضر ..
‎وطلعت لغرفته ..
‎روان: بجد يا راشد شسالفه ..؟!
‎نزل وجلس عالكنبه وهو يقول بحقد: البزززززارين الملللللاعين ..
‎جلست عالكنبه اللي قدامه وقالت: وش سووا بعد ..؟!
‎اما شهد فدخلت غرفة راشد واتجهت لمكتبه عشان تطلع اوراقه المهمه ..
‎طلعت ملفاته واوراقه وهي تقول: طلبه غريب جدا .. ماله غير ثلاث ايام من يوم ما غير اثاث غرفته .. شاللي يخليه يغير الجناح بأكمله ..
‎قلبت في الاوراق وقالت: باين عليها مهمه ..
‎حطتها على جنب المكتب وراحت لجهة شنطته .. جلست قدامها وخرجت كتبه ودفاتره واقلامه ..
‎فحست بصوت جنبها .. لفت وشافت اثنين جراد واقفين يطالعوا فيها ..
‎تجمعت الدموع في عيونها و: آآآآآآآآآآآآآآآآآآآآه ..
‎صرخت بخوف ورجعت ورى ولصقت بالجدار وهي ما تزال جالسه ..
‎عقدتها بحياتها الحشرات واضن ان هذه هي عقدة كل البنات .. بس بالنسبه لشهد بزياده لدرجة انها ماهي قادره توقف وتهرب ..
‎اما الجراد فنطت وحده منها جهة شهد فصرخت مره ثانيه ولفت وجهها جهة الجدار من الخوف ..
‎فتحت عيونها بصدمه وهي تشوف خنفسانه تمشي عالجدار قريب منها ..
‎حطت ايدها على وجهها وصرخت وبكت في نفس الوقت ..
‎فتح راشد الباب ووراه روان ..
‎انصدمت روان من شكل شهد وقالت: يا حياتي باين عليها انها خافت من هالحشرات ..
‎راشد بعصبيه: شهــــــدوه وويعـــــــــــوه .. قوووومي انا مب فاضي لدلعج ..
‎شهد لا حياة لمن تنادي .. حاطه ايدها على اذنها ومنزله راسها وتبكي من الرعب ومو قادره تتحرك من مكانها ..
‎راشد بصراخ: شهــــــــــــــدوه يالزفــــــــــــــت ما تسمعيــــــــــــــن ..
‎صرخت روان صرخه قصيره وقالت: راشد شوف وش عالطوفه اللي ينبها ..؟! يااااع خنفسانه ..
‎رجعت خطوه ورى وحطت ايدها على فمها بقرف وقالت: مسجينه شهد .. راشد بليييز طلع هالحشره ما اتحمل اشوفها .. لو انا مجان شهد جان انتحرت ..
‎فتح راشد عيونه وقال: الله يقرفج .. كيف تبيني امسك حشره من هالحشرات ..؟! اكيد مب صاحيه ..
‎فتحت شهد نص عين بخوف وجسمها كله يرتجف رعب ..
‎لفت راسها بهدوء وما انتبهت الا والخنفسانه طاحت من الجدار على رجلها وبدأت تمشي على الرجل ..
‎ارتجفت شفاتها وهي تطالع فيها .. انقطع نفسها وحست الدنيا تدور فيها ..
‎شوي داخت وطاحت عالارض وهي نص مغمى عليها .. طايحه ما تحس بشي .. يادوب تسمع الاصوات اللي حواليها ..
‎روان: شهــــــــــــــــــــــــــــد ..
‎راحت لها بخوف بس وقفت بسرعه خوفا من الحشرات ..
‎راشد بقهر: مدلعات ..
‎راح عند شهد وشات الخنفسانه برجله فطارت بعيد عنهم ..
‎جلس وصفقها في وجهها كفوف نص خفيفه وهو يقول: هيه هيييه اصحي انا مب ناقص .. هييييييييه ..
‎جت روان وجلست عندها من الجهه الثانيه وهزتها وهي تقول: شهد اصحي .. شهد انتي بخير ..؟! شهد حاجيني ..
‎طالع راشد في روان بنص عين وقال: انا ملاحظ عليج هالايام مهتمه بشهد زياده عن اللزوم ..
‎كمل بحده: روااااان هذه ميرد خدامه عندنا .. ذي قدرها اقل من قدرج فلا تنزلين نفسج لها .. فاهمه ..؟!
‎هزت روان راسها وقالت: طيب ..
‎فتحت شهد عيونها بضعف وهي تطالع في الوجيه اللي قدامها ومو واضحه ..
‎روان بلهفه: ها انتي بخير ..؟!
‎اعطاها راشد نظره ناريه .. فأرتبكت وخرجت من الغرفه كلها ..
‎لف على شهد وقال بعصبيه: وانتي قومي وتحركي .. انا قلت رتبي اغراضي مب تسوين فلم هندي وتبجين ..
‎جلست بالصعوبه ولفت بسرعه تطالع في رجلها وارتاحت لمن ما شافت شيء ..
‎شهد بدون شعور: شكرا ..
‎رفع حاجبه وقال: شكرا على ايش ..؟! انا ما اتذكر اني صلحت لشغالتي خدمه عشان تشكرني ..
‎نزلت راسها بإنكسار .. هذا الانسان ما يرتاح إلا لمن يجرحها ..
‎راشد بحده: سمعيني عدل ..
‎شهد: نعم ..
‎راشد: طالعي فيني لمن احاجيج ..
‎رفعت راسها تطالع فيه بس انحرجت ونزلته بسرعه .. ماهي متعوده تشوف واحد بدون بلوزه ..
‎راشد بعصبيه: انا شقلت ..؟! ولا انتي تبين تعانديني بس ..؟!
‎رفعت راسها وقالت بسرعه: لا مو قصدي ..
‎راشد بتهديد: سمعي .. انا تراني بديت افهم خطتج الحقيره ..
‎فتحت عيونها بصدمه وجت بتتكلم بس راشد سبقها ..
‎راشد: اششش لا اسمعج تنكرين .. انا دايم اطلع من البيت وعشان جذي استغليتي هالفرصه وبديتي تتقربين من روان .. عبالج بجذي تقدرين تخليها تقنعني اني اخف والين معاج .. انتتتتي غلطااااانه .. ابعدي عن روان قبل لا اندمج قد ما انتي نادمه انج اشتغلتي هنا .. فاهمه ..؟!
‎نزلت دموعها وهزت راسها بلا وقالت: انت غلطان .. انا .......
‎وطــــــــــــــــــــــــــــآآخ .. اعطاها كف على وجهها ..
‎راشد وهو يضغط عالكلمات: جب ولا كلمه .. مين تكونين عشان تتجرأي وتقولي اني غلطان ..؟! حدج وحده زباله من هالزبايل اللي يركضون ورى الناس يدورون على لقمه يحطوها بحلوجهم اللي كأنها انبوب مواصير ..
‎كمل بإحتقار: شايفه مستواج كيف ..؟! ابدا مب مثل مستواي .. فأعرفي قدرج وانطمي واياني واياج تقربي من روان .. حطي هالحجي حلق في اذنج ..
‎طلع وخلاها تلم باقي كرامتها اللي حطمها ..
‎حطت ايدها على وجهها وبكت .. تحملت كثير وكثير ..
‎بس ما تقدر تتحمل ان احد يشك فيها ويتهمها وهي مظلــــــــــــــومه ..
‎لهدرجه راشد ما يدري ان دعوة المظلوم ما تنرد ..
‎بكت بحرقه وبقهر وهي تدعي في نفسها انها تشوف فيه يوم ..
‎وباكر عالظالم تدور الدواير ..
‎ودعوة المظلوم ما بينها وبين الله حجاب ..
=======================
‎في العصر كان فارس جالس في الصاله ويفكر ..
‎واسيل كانت موجوده بس كانت مشغوله بمسلسل تتابعه ..
‎كان فارس يتذكر كلام اخوه فيصل قبل سنه تقريبا ..
:::::::::::::::::::::::::::::::::::::::::::::::::: ::::::
‎فيصل: فارس انت تحب لمار ..؟!
‎فارس بتفاجئ: لا من قال ..؟!
‎فيصل: بس انا ملاحظ انها تحبك ..
‎فارس: هذا شي راجع لها ..
‎فيصل: طيب فبالك وحده ..؟!
‎هز فارس راسه بلا وضحك وهو يقول: شهالاهتمام يا فيصل .. ترى توني صغير عالزواج ..
‎فيصل: فارس اسمعني عدل .. اذا فيه وحده عجبتك وحبيتها قولي .. صحيح انك باجي صغير بس انا بأتصرف .. بكلم البنت او ابوها عشان يحجزها لك .. ما ابي التجربه اللي مريت انا فيها تمر فيك .. اصعب ما على الانسان انه يحب وحده وبعدين ييها خاطب وتوافق غصب عنها .. فارس حبيبي صارحني بأي شي يصير معاك .. انا اخوك الكبير وابي اساعدك .. اوكي ..؟!
‎تفاجأ فارس من كلامه وقال: اوكي ..
‎سكت شوي بعدين قال: فيصل شتقصد بالتجربه اللي مريت فيها ..؟!
‎تضايق فيصل وقال: شي قديم وانتهى .. بس لا تنسى الحجي اللي قلته لك ..
‎فارس: ان شالله ..
:::::::::::::::::::::::::::::::::::::::::::::::::: ::::::
‎فارس: شكل فيصل كان يحب وحده وطارت منه ..
‎سكت شوي بعدين قال: اخاف لبنى تطير مني ..
‎طالع في ايده وهو مستغرب من نفسه .. من اول نظره حبها .. ما تكلم معاها غير كلام عابر ويحس نفسه يموت فيها ..
‎فارس في نفسه: "بأقول لفيصل عنها" ..
‎طالع في ساعته وقال: غريبه تأخر كثير ..
‎لفت عليه اسيل وقالت بهدوء: فارس ..
‎فارس: نعم ..
‎اسيل: انت تعرف واحد اسمه ضاري او جراح ..؟!
‎فارس: لا .. ليش تسألين ..؟!
‎اسيل: لا ماكو شي ..
‎لفت نظرها للمسلسل وقالت في نفسها: "عيل مين يقصدون في حجيهم ..؟! يمكن فيصل .. او يمكن ابوي .. بس .. بس ولا واحد فيهم يشبهني" ..
‎اسيل بصوت خافت: عيل اكيد غلطانين ..
‎طالعت في الريموت وبدت تحرك اصبعها عالازرار وقالت لنفسها: "قالوا يوم الاثنين حيندم اذا ما ياهم .. يعني بعد باجر .. وش بيسوون فيه" ..
‎اسيل بتنهيده: آآه ..
‎فارس: شفيج ..؟!
‎هزت راسها بلا وهي تقول في نفسها: "قلبي مو مطمئن ابدا .. انا اتوقع انهم غلطانين بس خايفه .. ان شالله ما يصير شي له .. صحيح اني ما اعرف مين هو بس ما ابي يصير فيه شي" ..
‎رفعت راسها تطالع في المسلسل بسرحان ..
‎شوي تذكرت شي ..
‎في كلامهم قالوا شي وتذكرته ..
‎اسيل: كأني سمعتهم يقولون الراهي ..
‎استغربت .. شدخل الراهي في الامر ..
‎عقدت حواجبها شوي .. قد سمعت الراهي كثير بس نسيت فين ..
‎فتفاجئت وقالت: ســــــــامي .. معقوله كانوا يقصدون سامي المغرور ..؟؟؟!!!
‎بجد تفاجأت .. هو الوحيد اللي تعرف ان لقبه الراهي ..
‎هزت راسها وقالت في نفسها: "لا مستحيل .. اكيد فيه واحد ثاني لقبه الراهي غير سامي .. وفوق هذا هم قالوا اني اشبهه وسامي ذا ما يشبهني .. قطيعه .. تخيلوا بس اني اشبه ساموه ذا ..؟!" ..
‎سكتت شوي وسرحت بأفكارها بعدين ابتسمت بإستهزاء وضيقه وهي تقول: يا سبحان الله .. شكلي اشبه لناس كثير ..
‎لفت تطالع في التلفزيون وهي حدها متضايقه .. هذي مب اول ولا ثاني مره احد يشبهها بشي ..
‎حاولت تطنش الامر زي كل مره تحس فيها بشي غريب ..
‎شوي دق جوالها برساله ..
‎فتحتها ولقيتها من لين ..
‎اسيل: فاضيه هالبنت ترسل ..
‎فتحتها وكان نصها ::
‎(( بينما كان أبوجهل يشرب الكباتشينو في ستاربكس في بني قينقاع سنتر إذ شغل البلوتوث فإذا بأحد من شباب الأوس والخزرج بعث له فيروس فغضب غضبا شديدا ورمى الكباتشينو في وجه الشباب وفي رواية أخرى لم يدفع الفاتورة ..
‎(محشش يروي قصه تاريخيه) )) ..
‎ضحكت اسيل وقالت: الله يرجك ان شالله .. بجد هبله ..
‎فابتسمت لمن جاء في بالها وسن ..
‎لفت على فارس وقالت: فارس ..
‎طالع فيها وقال: هلا ..
‎اسيل: تصدق .. يتنا اليوم طالبه يديده .. ههههههه ..
‎فارس: طيب عادي .. ليش تضحكين ..؟!
‎اسيل: تعرف انها بنت مدير الجامعه ..؟!
‎فارس بصدمه: بجــــــــــــــد ..؟!!
‎اسيل: ايوه .. وصارت من شلتنا .. هههههههههههه اتحدى انك تتكلم معاها وما تضحك ..
‎فارس: ليش ..؟!
‎اسيل: البنت مدلللللعه وااايد .. ههههه لا يفوتك حرف الراء اذا نطقته .. والطاء عندها صاير تاء .. هههههههه بجد نكته وضحكتنا .. مب طبيعيه هالبنت ..
‎ابتسم فارس وقال: حرااام عليكم ..
‎اسيل: صراحتا انا مب متعوده اضحك على احد بس هذه تجبرني ..
‎دخل فيصل بهالوقت وقال: السلام عليكم ..
‎فارس: اهلين فيصل كنت انتضرك ..
‎جلس فيصل ورمى الشنطه الرياضيه اللي معاه على اسيل وقال: طلعيها غرفتي ..
‎اسيل: طيب ..
‎اخذتها وطلعت ..
‎فارس: وين كنت ..؟!
‎فيصل: كنت مع الشله نجهز لحفل باجر بنسويه في الاستراحه ..
‎فارس: اها .. بمناسبة ايش ..؟!
‎فيصل: ماكو مناسبه بس من زمان ما سوينا حفله ..
‎سكت فارس وهو متردد شوي ..
‎فيصل: ليش كنت تنتظرني ..؟!
‎فارس: ها .. لأنه كنت بقولك عن موضوع ..
‎لف عليه فيصل بإهتمام وقال: طيب قول ..
‎تردد فارس ويحس نفسه مستحي وما يدري كيف يبدأ او يتكلم ..
‎فارس بإرتباك: بصراحه هذا الموضوع يخصني و يخصني لأنه هذا الموضوع .. لأن هذا الموضوع عني و كمان انا كنت بقول انه .....
‎فيصل بإبتسامه: شفيك تتخبط بالحجي ..؟! عادي قول اللي عندك .. انا اخوك مب غريب ..
‎فارس: ايه اعرف بس .. اممم انا بصراحه في الجامعه شفت .... اقصد انه في الجامعه قابلت .... انه انا قابلت وحده ..
‎وطالع في فيصل يشوف ردت فعله .. ابتسم فيصل وهو يهز راسه بمعنى كمل كلامك ..
‎فارس: طبعا بالغلط شفتها .. والله بالصدفه .. وعرفت ان اسمها لبنى وفلسطينيه كمان .. يعني بغيت اقول انه .......
‎فيصل: تحبها ..؟!
‎فارس بصدمه: ها ..
‎فيصل بإبتسامه: اسألك انت تحبها ..؟!
‎ارتبك فارس وقال: يعني ..
‎فيصل: والله كنت خايف ..
‎لف عليه فارس وقال: من شنو خايف ..؟!
‎فيصل: كنت خايف انك تحب وحده وتسكت وما تقولي .. بس اللحين اطمئنيت ..
‎ابتسم وقال: صدقني ان لبنى ذي ما بتكون إلا لك .. بروح اكلم ابوها انه ينتظرك لين تتخرج وتخطبها ..
‎انحرج فارس وسكت ..
‎فيصل: شسم ابوها وعائلتها ..؟!
‎فارس: مدري .. بس هي في كلاس اسيل .. بأسأل اسيل ..
‎فيصل: اوكي .. احتمال اروح يوم الاثنين .. اليوم تعبان من الشغل وباجر بأنشغل في الاستراحه ..
‎فارس: عادي انا مب مستعيل ..
‎فيصل: يعني عادي لو كلمته بعد شهر ..؟!
‎فارس: ها .. آآه ايه عادي .. بس اخاف انها تنخطب ..
‎ضحك فيصل وقال: طيب هي حلوه ..؟!
‎هز فارس راسه بإيوه ..
‎قام فيصل وقال: خلاص يا فارس لا تشيل هم ..
‎فارس: بس ....
‎فيصل: بس ايش ..؟!
‎فارس: مدري بس احس ان عندها مشاكل عائليه شوي ..
‎فيصل بإبتسامه: قلت لا تشيل هم ..
‎فارس: مشكور ..
‎ابتسم فيصل وطلع فوق غرفته ..
‎وفارس الآن على ما يقولون الدنيا مو سايعته من الفرحه ..
‎فوق وفي غرفة ريما ..
‎توها قفلت الموبايل .. لأنه توها كانت تكلم ياسر ..
‎ريما: ابي افهم ليش مصر يشوفني باجر .. حاولت معاه الاثنين بس رفض .. آآه قلبي مو مطمئن ..
‎كانت جالسه فوق السرير وتقلب الجوال في ايدها ..
‎ريما: انا عارفه هالحكايات انه بعد اللقاء يجي لقاء ثاني وثالث وعاشر وبعدها مقابله في شقه لمره واثنين وبعدها يجي الضياااع .. يعني المفروض اني من البدايه ارفض بس هو ماسك علي سالفه هالسم اللي آكله وما اقدر اعيش بدونه ..
‎ابتسمت وقالت: بس انا خلاص قررت .. حأقابله باجر للمره الاولى والاخيره لأني يوم الخميس حأسافر لخالتي سعاد .. حأقنع الكل واسافر ومن هناك بحاول اتعالج في اي مستشفى .. خالتي طيبه وما راح تمنعني من الخروج والنوم برى البيت ..
‎تنهدت وقالت: ياربي متى ينتهي هالكابوس ..؟!
‎سمعت صوت دق عالباب ..
‎ريما: ادخل ..
‎انفتح الباب ودخل فيصل .. اول ما شافته ريما ارتبكت وما تعرف ليش ..
‎ريما: اهلين فيصل ..
‎فيصل: كيفج ..؟!
‎ريما: تمام ..
‎قفل فيصل الباب وجلس عالسرير وقال بهدوء: ريما ..
‎توترت ريما بقوه .. اول مره يسوي فيصل كذا معاها وهذا يدل انه فيه موضوع بيقوله ..
‎ريما: هلا ..
‎فيصل: شفيج ..؟!
‎ريما: مافيني شي ..
‎فيصل: امبلا فيج .. انتي غير عن ريما اللي كانت مويوده قبل لا اسافر .. وش صار بسفرتي وخلاج تتغيرين ..؟!
‎ارتبكت ريما بعدين قالت: ضغط الاختبارات ..
‎فيصل: فارس واسيل كمان عندهم اختبارات ولا صار لهم زي اللي صار لج ..
‎ريما: انا ثالث وهم اولى ..
‎فيصل: اللي اعرفه ان اولى اصعب من ثالث ..
‎ريما انحشرت ولا عرفت ترد ..
‎فيصل: حتى لمن رحنا المزرعه حسيتج منعزله تماما .. دايما يا مشغوله بموبايلج او بالتلفزيون او سرحانه ..
‎كمل بإهتمام: ريما .. انا اخوج الكبير .. قولي وش عندج وانا حاساعدج .. انا عارف ومتأكد ان عندج شي شاغلج ومقلقج .. قوليه يا ريما ..
‎طالعت ريما فيه وهي تحس بالعبره تخنقها ..
‎هي في مشكله وتحتاج مساعدة احد ..
‎هذا هو فيصل كلمها وفارس اول سألها واسيل كمان ..
‎ودها تتكلم وتقول اللي عندها ..
‎بس بأي وجه بتكلمهم وبأي عذر بتبرر لهم اللي صار ..؟!
‎طنشت كل هذا .. هي ريما الرملي .. طول عمرها معتمده على نفسها ولا تطلب اي شي من الناس ..
‎ســــــــــــــوورري بس كبريائها وغرورها يمنعها انها تطلب مساعدة احد .. حتى اخوانها ..
‎لأن من منظورها الخاص تشوف ان طلب المساعده يعتبر ذل واذلال ..
‎طالعت في فيصل وقالت: لا بس وحده من زميلاتي ماتت ..
‎تفاجأ فيصل وقال: الله يرحمها ..
‎استغلت ريما الفرصه وقالت بحزن: نفسيتي مرا تعبانه .. ابي اروح اي مجان .. ابي انسى .. تعبت والله تعبت ..
‎فيصل ساكت وما يدري وش يقول ..
‎ريما: فيصل .. ابروح عند خالتي سعاد اريح شهر .. اخاف انين اذا يلست هنا اكثر ..
‎وبعدها نزلت راسها بإنكسار وضعف .. تبغى تتقن التمثيل عدل ..
‎طالع فيصل فيها فتره بعدين ابتسم وقال: ليه تجذبين يا ريما ..؟!
‎انصدمت ريما وقالت: شنــــــــــــــو ..؟!
‎فيصل: ناسيه اني دارس علم نفس واقدر اعرف الصاج من الجذاب ..
‎ارتبكت وتورطت .. شلون فاتها هالشي ..
‎فيصل: انا اللحين توي راجع من مشوار وتعبان .. باجر راح انشغل .. عيل يوم الاثنين حيكون لي جلسه معاج ..
‎قام وخرج وكان باين عليه انه عصب ..
‎ريما: يا ربببي .. انا شلون حأتصرف اللحين ..؟!
‎سكتت شوي بعدين قالت: لكل حادث حديث ..
‎وقامت تشوف دروسها ..
==========================
‎في المغرب وفي بيت دانا ..
‎كانت جالسه في الصاله وقدامها دفترها وقاعده تسطر الدفتر ..
‎دانا: طبعا واكيد برفض .. يستهبلون هالشله .. قال ايش قال اروح عند ابو سامي .. مع نفسهم ..
‎هذا كان رايها في الاقتراح اللي قدموه الشله ..
‎دخل عادل وكان توه راجع من جلسة العلاج ..
‎عادل: السلام عليكم ..
‎دانا: وعليكم السلام ..
‎جلس فقالت: ها متى قالوا انك بتمشي ..؟!
‎عادل: هههههه بدري ..
‎تأففت ورجعت لشغلها ..
‎سكت عادل فتره طويله بعدين قال: بديت اطفش .. لي حوالي اسبوعين وما صار شي .. كنت متأكد من البدايه انه ماكو فايده ..
‎طالعت دانا فيه وقالت: لا .. عادل لا تقول جذي .. خل ايمانك بالله قوي ..
‎عادل: الحمد لله على كل حال .. انا راضي باللي انا فيه .. اما حكاية واحد كان مقعد بعدين رجع يمشي فهذا الشي ما دخل مزاجي ولا عمري قد سمعت فيه ..
‎دانا بخوف: عادل لا تقول جذي .. انت بديت فكمل للنهايه واللي قدره الله بيصير .. وكمان انت مو مشلول عشان تقول مستحيل .. انت مصاب في العمود الفقري و......
‎قاطعها عادل وهو يقول: دانا .. ليش نضحك على بعض ..؟! انا عارف وانتي عارفه ان الدكتور قال انت انشليت في اطرافك السفلى .. معناته انا مشلوووووول .. فماله داعي اننا نجذب على عمرنا صح ..؟!
‎نزلت دموعها وقالت بترجي: عــــــــــــــادل بلييــــــــــــــز ..
‎عادل: دنو اسمعيني .. انا عادل ابن عبد العزيز وهذا هو بيتي .. شايفه كيف وضعي .. انا مب ملياردير ولا غني عشان يكون عندي فلوس اسافر فيها لالمانيا او بريطانيا اتعالج .. انا انسان فقيير يا دانا .. وضعنا مرره غير عن الناس .. مستشفياتنا هنا مو مثل مستشفيات اللي برى .. يعني انا قاعد اهدر الفلوس عالفاضي .. حالتنا سيئه وما ابي ازيدها سوء .. دانا لازم تفهميني وتفهمين الوضع اللي انا فيه .. انا اشتغلت عشان اصرف عليكم مب علي ..
‎دانا: عادل احنا مو محتايين شي .. بلييز كمل علاجك ..
‎عادل: انا فكرت .. قلت بكمل علاجي لمدة شهر .. اذا شفت ماكو فايده فخلاص ..
‎ابتسمت دانا من بين دموعها وقالت: عيل خل ارادتك قويه عشان تشفى بأذن الله ..
‎هز راسه بإيوه وقال يغير الموضوع: كيف الجامعه اليوم ..؟!
‎دانا: تمام ..
‎طالعت فيه شوي وقالت: عادل بسألك سؤال وياوبني بصراحه ..
‎عادل: اسألي ..
‎دانا: والله ما اسوي شي بس ابي اعرف .. بليز عادل قول مين صدمك ..
‎عادل: هذا الموضوع منتهين منه ..
‎دانا: والله ما اسوي ولا شي بس ابي اعرف مين .. بليز عادل ..
‎عادل: قلت ماكو فايده من محاولاتج ..
‎دانا: عادل اسمعني .. الدنيا قصيره ومصيري اعرف بأي طريجه .. لو عرفت من برى فماراح اتركه بحاله ابد .. فالافضل اني اعرف منك .. لو قلت لي والله ما يصير شي .. عادل مين هو ..؟!
‎راح لغرفته وهو يقول: لا تحاولين ..
‎تابعته بنظراتها لين دخل غرفته فقالت: الدنيا صغيره ومصيري اعرف منو دمر حياتك وحياتنا كلنا ..
‎لمت كتبها في الشنطه ودخلت غرفتها ..
‎حطت الكتب عالمكتبه القديمه وفتحت دولاب الملابس ..
‎بتاخذ لها لبس لأنها بتروح المكتبه تشتري مرجع لاحدى الكتب اللي عندها ..
‎اخذت لبس وبدلت ملابسها .. فتذكرت البنت اللي قابلتها في المكتبه يوم امس ..
‎دانا: شكلي بجد صكيت فيها وقلت آسفه .. لازم انتبه في المرات اليايه ..
‎اخذت محفظتها وجوالها ومفتاح السياره وخرجت من البيت ..
‎ركبت السياره واسرعت متجهه لمكتبة جرير ..
‎كانت سرحانه وتفكر في سالفة اخوها واللي صدمه ..
‎وتفكر في سالفة البنت وكلمة آسفه ..
‎وتفكر في سالفة سامي وسفره لبرى ..
‎وتفكر في سالفة ريان اللي عرف عنها ..
‎تفكر في كل شي .. وهذه هي المشكله ..
‎الواحد لمن يسوق المفروض ما يشغل تفكيره ابدا ..
‎المفروض يكون تركيزه عالطريق وبس ..
‎الحوادث اللي تصير وش يكون اساسها ..؟!
‎يكون الانشغال عن الطريق يا بالجوال او بالتفكير ..
‎وهذه هي دانا اشغلت نفسها بالتفكير ..
‎لفت مع اللفه اليمين وما انتبهت للسياره اللي كانت واقفه في هاللفه ..
‎و .. انتبهت دانا للسياره وحاولت تلف بسرعه بس .. طــــــــــــــــــــــــــــــــــآ آآآخ ..
‎حصل الاصطدام ..
‎غمضت عيونها بخوف وهي ماسكه بحزام الامان بقوووه ..
‎مرت عشر ثواني وفتحت عيونها ..
‎ارتاحت ..
‎الاصطدام ما كان قوي لأن السياره كانت سرعتها هاديه مع اللفه ..
‎طق طق طق طق ..
‎لفت ناحية الشباك فشافت صاحب السياره يدق ..
‎فكت حزام الامان وفتحت الباب وخرجت وهي تقول في نفسها: "شذي الورطه اللي يت في وقت غلط" ..
‎طالعت في الولد وكان شاب صغير شوي ..
‎الولد بعصبيه: ممكن اعرف شسويت انت ..؟!
‎خافت من صراخه بس تشجعت وقالت: والله ما كان قصدي ..
‎الولد: شلون ماكان قصدك ..؟! السياره واقفه جدام عيونك يالخبل .. يعني انت اعمى مثلا ..؟!
‎دانا: لا بس كنت افكر بشي وما انتبهت .. سوري ..
‎الولد: اعتذارك ذا في اي بنك اصرفه ..؟!
‎دانا في نفسها: "يا ربي شسوات .. صج اني دلخه .. بس مو كأن ذا الولد طول لسانه زياده عن اللزوم .. انا اكبر منه والمفروض يحترمني" ..
‎الولد: ماكو غير الشرطه اتصل عليها وهي تيي تتفاهم معك ..
‎دانا بسرعه: لا لا شرطه لا بلييز ..
‎خافت بجد لأنها متعوده اذا خرجت تاخذ بطاقة الاحوال حقت اخوها والرخص بس اليوم ما اخذت شي ..
‎الولد: ليش تخاف من الشرطه ..؟! انت شسمك ..؟!
‎دانا: اسمي عادل ..
‎الولد: اوكي يا استاذ عادل .. شايف سيارتي كيف انعدمت من ورى .. انت راح تصلحها على حسابك ..
‎نزلت نظرها بحزن .. من فين لها فلوس عشان تصلح هذا .. مافي شي ..
‎دانا: جم بيكون ثمنها ..؟!
‎الولد: مدري بس اكيد بيكون فوق الآلاف .. صدمتك مرا قويه ..
‎انصدمت دانا .. فوق الآلاف .. بجد هي في ورطه ..
‎دانا: بس يا استاذ ......
‎الولد: اسمي بدر .. << بدر هذا اخو لبنى الصغير اذا كنتم ناسيين << ..
‎دانا: بس يا استاذ بدر انا ما عندي مبلغ يكفي ..
‎بدر: هذه مو مشكلتي ..
‎دانا: طيب انا من عائله فقيره وما املك شي ..
‎بدر: قلتلك هذه مو مشكلتي .. انا مب مسؤول اصلح شي غيري خربه ..
‎سكتت دانا بعدين قالت: طيب انت صلحه وانا بدفع الثمن بالتقصيد ..
‎بدر: لا .. لأن هذه السياره مب سيارتي .. سيارة اختي الكبيره .. لأنه زي ما تعرفين انا طالب في الثانوي وتحت السن القانوني وبجذي ما عندي رخصه .. واختي راح تعصب اذا عرفت اني خربت سيارتها .. وانا مجرد طالب واعيش على فلوس ابوي .. يعني ما عندي فلوس اصلحها يا استاذ عادل ..
‎تأفف وقال: يعني انت اللحين طيحتني بورطه .. فصلح السياره عشان ما تصير الورطه ورطتين ..
‎طالعت دانا فيه .. هي غبيه وبقوه .. ندمت انها كانت تفكر .. ندمت على عدم تركيزها .. الحين من فين بتطلع الفلوس ..
‎طيحت نفسها بورطه وطيحت غيرها كمان ..
‎حيــــــــــــــــــــــــــــط ..
‎صوت تفحيطه جنبهم ووقفت السياره ..
‎طالع بدر في ساعته وقال: واخيرا ياء .. تأخر ..
‎نزل واحد من السياره الحمراء الرياضيه اللي تدل ان صاحبها شخص غني جدا ..
‎قفل باب السياره ونزل نظارته اللي من امبريو ارماني وقال: سوري تأخرت عليك يا بدر ..
‎بدر: عادي ماكو مشكله .. هذه مو اول مره تتأخر ..
‎الولد: هههههههههههههه حافضني ..
‎بدر: جدا ..
‎جاء الولد عنده ولفت انتباهه السيارتين المصدومه ..
‎الولد: اووبس .. وش صار لسيارتك ..؟!
‎اشر بدر على دانا وقال: البركه في هذا .. صدم سيارتي ويقول ماكنت اقصد ..
‎هنا عاد تمنت دانا ان الارض تنشق وتبتلعها بس المهم الولد ما يلف عليها ..
‎لف الولد على دانا وهو يقول: ههههههه قويه هذه .. يصدم ويقول ما كنت اقصد ههههـ.......
‎وقف شوي يطالع في دانا بعدها انفجر ضحك:  هههههههههههههههههههههههههههههه ..
‎بدر: بسم الله .. سلامات يا إياد شفيك تضحك ..؟!
‎استمر إياد في الضحك وقال: هههههههههه هذه انتي هههههه ..؟!
‎طالع فيها وقال: شفيج لابسه ملابس اولاد ..؟! ههههههههههههه لا تقولين انها حفله تنكريه بعد هههههههههههههههههههه ..
‎عضت دانا على شفتها من الفشيله .. ما تدري من فين طلع لها ذا ..
‎عقد بدر حواجبه وقال: إياد .. شتقصد بحجيك ..؟!
‎إياد: ههههههه هذه هي البنت اللي كلمتك عنها اول .. اللي كانت هاربه من حفله تنكريه صلحتها صاحبة امها الامريكيه اللي اسمها جاسيكا هههههههههههههههههههه ..
‎سكت بدر شوي يتذكر بعدين لف على دانا بتفاجئ وقال: هذه اللي اسمها دانا ..؟!
‎اياد: هههههههه ايه ..
‎بدر: يعني هذه بنت .. طيب ليش لابسه ملابس اولاد ..؟!
‎إياد: ههههه يمكن عندها حفله تنكريه ..
‎بدر: هههههههههههههههههههه ..
‎طالعت دانا فيهم وتحس دمها يغلي بس سكتت ..
‎بدر: وانا اقول ليش صدمتني مع اني موقف .. اثاريها مستعيله عالحفله هههههه ..
‎إياد: هههههههههههه تونا بدري .. لسى الوقت مغرب هههههههههههههههه ..
‎بدر: المشكله تقولين ان اسمي عادل .. عبالج اني واحد من الحفله مثلا هههههههههه ..
‎إياد: والله ذي البنت مب طبيعيه ههههههههههههه ..
‎ابتسم بدر وقال: طيب يا آنسه دانا .. روحتج للحفله تعني انج مب فقيره زي ما تتدعين ..
‎إياد: شتقصد ..؟!
‎بدر: اسمع ..
‎حكاله السالفه ودانا واقفه مصنمه .. تفكر بشي يطلعها من هالورطه ..
‎طالع فيها اياد وقال: اووف .. ذي البنت جذابه بشكل مب طبيعي .. اول مره قابلتها كان معها فلوس وايد ..
‎بدر: عيل يا آنسه دانا ممكن تيين وياي للورشه عشان يشيكون عالسياره ويقولون ثمنها وتدفعين ..
‎اما دانا فكانت واقفه وما تحركت ..
‎إياد: ههههههههههه لا تكونين بخيله يا دانا ..
‎بدر: انتي غلطتي والمفروض تدفعين .. اذا كنتي خايفه مره على فلوسج فأنتبهي المره اليايه للطريج ..
‎تجمعت الدموع في عيونها فنزلت راسها عشان لا ينتبهون ..
‎بدر: سيارتج تمشي ..؟!
‎هزت راسها بإيه ..
‎بدر: عيل الحقيني بسيارتج .. وانت يا إياد الحقنا كمان ..
‎إياد: اوكي ..
‎لف بدر وراح لسيارته ..
‎إياد ما زال واقف يطالع في دانا ..
‎قدم شوي وقال: دانا ..
‎دانا: ............................
‎إياد: انتي ما عندج فلوس صح ..؟!
‎سكتت وما قالت شي ..
‎طالع فيها فتره فقال: تعرفين ان عمري بحياتي ما ساعدت احد ..
‎دخل ايده في جيبه وطلع بطاقة الصراف وقال: امسكي خذي ..
‎رفعت راسها تطالع فيه فحبست عبرتها وقالت بصوت مخنوق: شكرا انا مب محتاجه صدقه ..
‎إياد: هههههههه شفيج متحسسه من هالموضوع .. اسمعي .. اولا هذه مب بطاقتي لأني في ذا السن ممنوع يكون عندي حساب بالبنك .. هذه بطاقة ابوي وهو معطيني الحريه في الصرف وما يسأل ابدا وين اودي فلوسي .. حتى لو سحبت كل اللي في البنك ما يقول شي ويعبيه من يديد .. وثانيا بدر رفيجي وانا ابي اصلح سيارته على حسابي يعني اخذيه عادي جدا .. ههههه بس طبعا تصليح سيارتج عليج اوكي ..؟!
‎دانا: .......................
‎ساكته وهي حاسه بنوبة بكاء مو طبيعيه بس ماسكه نفسها ..
‎طالع إياد فيها .. فتنهد وسحب إيدها وحط البطاقه في يدها وقفل ايدها عالبطاقه ..
‎إياد: دانا .. كلنا ابناء آدم وكلنا اخوان ونحتاج لبعض .. اخذيه واعتبريه دين ورديه في اي وقت تبغيه ..
‎نزلت دموع دانا غصب عنها ..
‎دخل ايده الثانيه في جيبه وطلع ورقه وحطها مع البطاقه ..
‎إياد: هنا اسمي وارقام جوالاتي .. انتي خذي الفلوس اللي تكفي تصليح سيارة بدر وبعدين رجعي الفلوس بالتقسيط .. في كل شهر رجعي ميه .. اوكي ..؟!
‎مدت ايدها ورجعت بطاقته في ايده وهي تهز راسها بلا ..
‎إياد: مب بكيفج تقولين لا .. سيارة رفيجي وابيها تتصلح من فلوس ابوي .. هههههههه فلوس ابوي فيها بركه لأنه وايد طيب ..
‎هزت راسها بلا وقالت: انا الغلطانه ..
‎إياد: اوكي غلطانه بس احنا عاذرينج لأنج مستعيله عالحفله التنكريه هههههههههههههههههههه ..
‎طفش بدر وهو جالس في السياره .. نزل وراح لهم ..
‎بدر: انا شقلت ..؟! مو قلت الحقوني ..
‎إياد: اقول بدر انا عندي اقتراح وايد حلو ..
‎تكتف بدر وقال: اطربنا يا سيد ..
‎إياد: هههههههه اول شي روق ..
‎بدر: انا رايق ..
‎إياد: نو نو جذاب ..
‎تنهد بدر بعدين قال: روقت ..
‎إياد: اسمع .. ما تحس انه عيب نطلب من بنت تصلح السياره .. اقصد ان هذا مو من شيم الرياييل .. ههههههه اعجبتني من شيم الرياييل .. متعوب عليها صح هههههههههه ..؟!
‎بدر: هههههه دلخ ..
‎إياد: هههههههه لا بجد بجد شرايك بإقتراحي .. هههههههههه حسيت نفسي مهم وانا اقول بإقتراحي هههههه ..
‎بدر: ههههه اوكي اقتراح تمام .. يعني مو حلوه نطلب من بنت تصلح السياره على حسابها .. بس اذا هي ما دفعت فمين بيدفع يا شاطر ..؟!
‎إياد: ههههههه ماكو غيره .. ابوي ..
‎بدر: هههههههههههههههههههه حرام عليك .. بيوم من الايام بيفلس ابوك ..
‎إياد: يستاهل .. من قاله يعطيني الحريه ههههههههههههه ..
‎بدر: صدق من قال .. جزاء المعروف عشر كفوف ..
‎إياد: هههه لا وانت الصاج .. جزاء المعروف تصليح سيارات الدلوخ ..
‎بدر: مو كأنك تقصد اني دلخ ..
‎إياد: ههههه برافو عالشطور
‎طالعت دانا فيهم فقالت بإصرار: انا الغلطانه وانا بدفع ..
‎بدر: خلاص ريحي .. بطاقة ابو إياد حتدفع .. وانتي اركبي سيارتج والحقي عالحفله التنكريه لا تفوتك ..
‎إياد: هههههه سلميلي على جاسيكا الامريكيه صاحبة امج ..
‎دانا بعصبيه: قد احد قالكم انكم اغبياء ..؟!
‎إياد: ما اظن .. إلا إلا .. انتي قلتي هههه ..
‎راح بدر لجهة سيارته وقال: ياللا بسرعه يا إياد لا نتأخر ..
‎إياد: اوكي .. باااي دنو ..
‎ركب سيارته إللي هي بالاصل بأسم ابوه وانطلق فيها ..
‎فتحت دانا باب سيارتها وجلست عالمقعده ..
‎حاسه بإحراج مو طبيعي .. بس اهم شي انها ما حست بالاهانه ..
‎اولا هم بزران بنظرها ..
‎ثانيا هي رفضت الفلوس اللي جتها وهذا اهم شيء ..
‎هي صحيح فقيره بس كرامتها فوق كل شي ..
‎هو قال بتكون دين بس برضوا حستها مو حلوه بحقها ..
‎قفلت باب السياره واتجهت لمكتبة جرير ..
‎دانا: هههههههه اغبياء هم وحفلتهم التنكريه اللي لزقوها فيني ..
‎وصلت للمكتبه ونزلت تشتري اللي تبغاه ..
==========================
‎في صباح يوم الاحد الساعه ثمانيه ..
‎في الجامعه كانت وسن توها واصله ..
‎طلت من بعيد على مكان الشله فأبتسمت لمن شافت ندى ..
‎جت وقالت: هآآي ..
‎ندى بإبتسامه: اهلييين وسن ..
‎سارا بإستغراب: منو ذي ..؟!
‎اسيل: ههههههه طالبه يديده في كلاسنا ..
‎لين: بنت المدير حق الجامعه ..
‎سارا بدهشه: بجــــــــــــــد ..؟!
‎وسن بإبتسامه: ايوه .. بابي هو المدير .. انا اسمي وسن ..
‎سارا بإبتسامه: وانا اسمي سارا ..
‎وسن: باين عليج انج مررآ طيبه ..
‎لين بإستهزاء: بالله .. عبالي انها مررآ شريره ..
‎وسن: اوووف ..
‎طالعت في لين وقالت: الرد عالسفيه مذله .. تعرفي ولا ما تعرفي ..؟!
‎لين وهي كاتمه ضحكتها: لا ما اعرف .. علميني يا فيلسوفة زمانج ..
‎عقدت وسن حواجبها وقالت بإستغراب: انا مو فيلسوفه .. منو قالج اني فيلسوفه ..؟!
‎لين+اسيل+سارا: هههههههههههههههههههههههههههههههههههههه ..
‎ابتسمت ندى غصب عنها ..
‎وسن بعصبيه: ماقلت شي يخليكو تضحكو ..
‎ضحكوا اكثر وما سكتوا .. فطنقرت وسكتت ..
‎ندى: خلاص يا وسن طنشيهم ..
‎وسن بتضجر: طنشتهم كثير بس هم طفشوني ..
‎نزلت راسها بحزن وقالت: بقول لبابي يوديني جامعه تانيه ..
‎لفت ندى عالبنات وقالت بعصبيه: بــــــــــــــس انتي وهي ..
‎فسكتوا من الضحك ..
‎ندى: طفشتم البنت من الجامعه لدرجة انها بتروح لجامعه ثانيه عشان ترتاح .. عاجبكم اللحين ..
‎سارا: ليييه يا وسن ..؟!
‎وسن: ................................
‎اسيل: لا بجد شكلج زعلتي .. كنا نتغشمر وياج ..
‎ندى: شايفه كيف يا وسونه .. كانوا يتغشمروا ..
‎وسن بإبتسامه: اوكي خلاص رضيت ..
‎لين بصوت منخفض: بجد بزره .. تعصب بسرعه وترضى بسرعه ..
‎لفت وسن عليها وقالت: سمعتج تقولين شي ..
‎لين: ههههههه ايه .. كنت اقول ان ليش امس واليوم بلوزتج مرسوم عليها سبونج بوب ..؟!
‎ابتسمت وسن وقالت: احبوه موووت .. نص بلايزي لسبونج بوب ..
‎لين بإستهزاء: والنص الثاني ..؟!
‎وسن: لتويتي .. اموووت في هذولا الشخصيتين .. مررآ يعجبوني ..
‎اسيل: انتي من يدج ولا تتغشمرين ..؟!
‎وسن بحماس: والله بجد .. وكمان عندي شوية تشيرتات فيها رسم الطيور الغاضبه كمان ..
‎اسيل ولين في نفس الوقت: بزره ..
‎سارا: اقول لين انتي آخر وحده تتكلمين عن البزرنه .. لا تنسي انج تتابعين افلام كرتون ..
‎لين بدفاع: اتابع افلام كرتون اوكي بس عالاقل هي افلام للكبار مو سبونج بوب وتويتي وغيره .. ولو اموت ما اشتري تشيرتات جذي .. يمكن جم حبه اشتري بس مو الكل .. وسن ذي مب صاحيه ..
‎وسن: إلا صاحيه .. منو قالج اني نايمه ..
‎فضحكوا وقالت اسيل: هههه ما كانت تقصد جذي ..
‎وسن ببراءه: عيل شنو كانت تقصد ..؟!
‎اسيل: كانت تقصد انج مب طبيعيه ..
‎وسن: يعني انا صناعيه ..؟!
‎فطسوا ضحك عليها وما قدروا يسكتون ..
‎ندى بإبتسامه: لا يا حبيبتي مو جذي .. هي تقصد ان تصرفج مو طبيعي .. يعني ما قد شفنا وحده تشتري كل ملابسها جذي ..
‎لين: هههههههههههههههه والله انج تحفه يا وسن ..
‎وسن: اقول انتي سكتي .. مره تقولي اني مو صاحيه واللحين تقولي تحفه .. ليه شايفتني مزهريه جدامج يا المخبوله ..؟!
‎بجد بجد اللحين انفجروا ضحك عليها ..
‎اسيل وهي ماسكه بطنها: هههههههههههههههههههه بلييز يا وسن انتي اللي يبيلج تسكتين ههههههههههههههههه ..
‎سارا: ههههههههههههه حجيها غريب مره هههههه ..
‎وسن: ما راح ارد عليكم لأنكم كلكم مخابيل زي لين ..
‎وقامت بعصبيه وراحت وهم يضحكون من كلامها ..
‎قامت ندى وقالت: حرام عليكم ..
‎ولفت بتلحق بوسن بس لقيتها بوجهها ..
‎وسن: نسيت اقولكم حاجه .. اذا ظليتم تضايجوني جذي راح اقول لبابي يفصلكم فاهميين ..؟! ترآ انا دلوعة بابي واي شي اقوله يسويه لي .. حطوا هذا في بالكم ..
‎اسيل: من عيوني يا حبيبتي .. راح احط هذا الامر في بالي .. عندج طلب ثاني ..؟!
‎وسن: اعرف انج قاعده تستخفين دمج يالسامجه ..
‎اسيل: طيب بشري امج ..
‎وسن: ها ها محد ضحك ..
‎اسيل: طيب عارفه .. ما يبتي يديد ..
‎وسن بعصبيه: انتي شفيج علي ..؟! مرررآ بقررآ ..
‎اسيل: هههههههه الناس يقولون بقره مو بقرآ ..
‎وسن: بكيفي ومالج شغل في كلامي فاهمه ..؟!
‎لين: البنت طرطعت هههههه ..
‎وسن بنفاذ صبر: يوووه .. لين بلييز سكتي .. إذا تكلمتي مدري من فين تيبين كلامج .. اللحين شايفتني العاب ناريه عشان تقولين طرطعت ..
‎لين: ههههههههههههههههههههه ..
‎اسيل: هههههههه وسن ابي افهم شي واحد .. انتي من فين تفهمين ..؟! بديت اشك ان عندج مخ ..
‎وسن: إلا عندي مخ ومخيخ كمان ..
‎اسيل: هههههه احلفي ..
‎وسن: والله العظيم ..
‎لين: هههههههههههههههههه بجد مب طبيعيه ابد ..
‎سارا: ما اصدق ان بنت المدير جذي ..
‎ندى: بــــــــــــــس انتي وهيه .. ماكلين شي الصباح عشان تضحكون كل هالضحك ..؟!
‎وسن: آها .. يعني هم يضحكون لأنهم اكلوا شي ..
‎ابتسمت وقالت: طيب انا آسفه لأني صرخت في ويهكم .. كنت احسبكم تضحكون علي ..
‎طالعوا فيها فتره يستوعبون ..
‎اسيل: انا ابي افهم .. ذي البنت من اي نوع من الاصناف ..؟!
‎لين: ههههههههه يمكن سلطه هههههههه ..
‎اسيل: هههههههههههههههههه ..
‎وسن بإبتسامه: خذوا راحتكم ما راح ازعل لأني اعرف ان هذا الامر مو بإيدكم ..
‎سارا: ههههههه وسن شفيج جذي ..؟!
‎لين: هههههههههه البنت مصخنه ومو بعقلها ههههههههههههه ..
‎وسن بعصبيه: وانتي شدراج .. ما معاج مقياس حراره ولا حطيتي ايدج على ويهي عشان تقولي اني مصخنه ..
‎لين: هههههههههه شفيج طرطعتي ..؟!
‎جت وسن بترد بس حطت ايدها على فمها وقالت: اوووه سوري لأني عصبت .. نسيت انو مو بإيدكم .. بالله عليكو لا عاد تاكلوا من هدا الشي لأنو يأذيكم كتير ..
‎اسيل: خلاص يا بنات خلونا نبطل من هذا اللي ناكله كل صباح ..
‎لين: فعلا لأني حسيت اننا آذينا وسن كثير ..
‎وسن بإبتسامه: والله انكم طيبين ..
‎اسيل: مشكوره يا عسل ..
‎ندى بحده: اسيــــــل ليــــــــن .. بطلوا استهبال ..
‎لين: احنا ما نستهبل يا ندى .. احنا جادين ..
‎ندى: لي معاكم كلام ثاني ..
‎سارا: هههههههههه مساجين ..
‎ندى: حتى انتي كمان ..
‎سارا: بس انا ما قلت شي ..
‎ندى: بس انج دايم تضحكين .. لي كلام معاج بعدين ..
‎وسن: وانا كمان كلميني زيهم ..
‎اسيل+لين+سارا: هههههههههههههههههههههههههههههههههههههههههههه ..
‎اعطتهم ندى نظره حاده فسكتوا ..
‎ندى: وسن انتي فاضيه يوم الاربعاء ..؟!
‎وسن: انا كل الايام فاضيه ..
‎ندى: عيل شرايج تيين معنا ..؟!
‎وسن: فين ..؟!
‎ندى: انا والشله متفقين يوم الاربعاء نروح لمدينة الثلج نتزلج ..
‎وسن: بس انا ما اعرف اتزلج ..
‎ندى بإستغراب: شنو ..؟!
‎وسن: اقول انا ما اعرف اتزلج .. بس عادي بروح معاكم ..
‎ندى: غريبه .. توقعتج تعرفين ..
‎وسن: بابي يعرف ..
‎اسيل: ههههههههههههههه بنات بنات مدير الجامعه يتزلج هههههه ..
‎لين: هههههههههههه اخسس حتى المدير عنده وقت للعب هههه ..
‎سارا: ابدا ما توقعت هههههههههه ..
‎طالعت ندى ووسن فيهم فلفت ندى على وسن وقالت: اوكي ماكو مشكله راح نعلمج ..
‎وسن: بابي حاول يعلمني كتير بس ما قدرت ..
‎اسيل: هههههههه لا ويعطي دروس تدريبيه بعد هههههههههههههه ..
‎سارا ولين: هههههههههههههههههههههههههههههههههه ..
‎ندى: انا بعلمج وان شالله تقدرين ..
‎وسن بإبتسامه: تيب ..
===========================
‎في مكان آخر من الجامعه وعند شلة غيدا ..
‎طالعت غيدا في ساعتها وقالت: باجي ربع ساعه ..
‎غدير: يا كرهي لها ..
‎غيدا: لو سمحتي .. كل شي إلا خويتي ما تسبينها ..
‎غدير: ابي افهم وش يابها عندنا .. كان انطقت في جامعتها ابرك لها ولنا ..
‎خلود: اللحين لا يفوتكم فيسها لمن تخرج من المحاضره وتشوف حمود ..
‎غدير وهي تقلد: ياااااي حبيبي حمووود ينتظرني عند الباب .. يا حبني لج والله .. وااااااحشتييييني يا قلبو ..
‎تهاني: ههههههههههههه الله يقطع ابليسج تعرفين تقلدين ..
‎طالعت فيهم غيدا بطرف عينها وقالت: اقول بس لا اتوطى في بطنج انتي وياها اللحين ..
‎خلود: اقول حمود عن هبالتج هذه .. تعالي نيلس وهي لمن تطلع بتييج ..
‎غيدا: لا .. انا الصباح ييت متأخر وما شفتها .. بجد وحشتني بيشو ..
‎غدير: بليييز سكتي .. احس نفسي بستفرغ من طاريها .. هالبنت ثقيلة طينه بشكل لا يطاق ..
‎لفت غيدا على غدير وقالت: انا شقلت .. سبوا اي احد إلا بيشو فاهمه يا آنسه ..؟! وإلا حتشوفي شغلج ..
‎غدير: يمممه ارتجفت .. يا شيخه طييري ..
‎غيدا بنفاذ صبر: غددددددير ..
‎تهاني: بيي يوم وتييج الجلطه يا غيدا ..
‎طالعت غيدا في ساعتها وقالت: باجي ست دقايق ..
‎خلود: اللحين تطلع بيشو بلبس لونه بينكي كالعاده ..
‎غدير: لا لونه بيكون فوشي ..
‎خلود: لا يا حبيبتي .. هي تحب البنكي كثير ..
‎غدير: وتحب الفوشي اكثر ..
‎خلود: طيب تراهنين ..؟!
‎غدير: اوكي اراهن .. اذا انا فزت فساعة سرماس اللي لبستيها امس بتكون من نصيبي ..
‎خلود: واذا انا فزت فنظارة بولغآري اللي في جنطتج لي ..
‎غدير: اتفقنا ..
‎تهاني: وافرضوا انها كانت لابسه لون ثاني ..؟!
‎غدير: لا يا حبيبتي .. هي ما تخرج عن هاللونين ينقالج انها ناعمه ..
‎خلود: مره وحده بس لبست احمر في عيد الحب ..
‎غدير: عيل يا تطلع بالفوشي او البنكي .. يعني يا انا اكسب او خالد يكسب ..
‎بعد شوي بدأ الطلبه يطلعون من الكلاس ..
‎ومن بين هالطلبه كانت بشاير طالعه بقصة شوجي على شعرها البني وبلبسها البنكي الناعم ..
‎ابتسمت خلود بإنتصار وقالت: ها ..!!
‎غدير: اوكي انتي كسبتي والنظاره لج ..
‎وقفت بيشو بدهشه وهي تطالع غيدا حبيبة قلبها وااقفه تنتظرها ..
‎بيشو: يااااااااي حبيبي حمودي ينتظرني عند الكلاس .. مو قادره اصدق .. ياااا حبني لج والله .. وااحشتيني يا قلبو ..
‎غيدا: وانتي اكثر ..
‎وحضنتها غيدا ..
‎غدير: اللحين هالمليقه بتقعد في الجامعه دايما ..؟!
‎خلود: ايه .. هي خلاص نقلت ملفها بالكامل ..
‎غدير: اووووف ..
‎تهاني: بتكون لزقه صراحتا ..
‎بيشو بإبتسامه: يااااي شعرج الاحمر لين اللحين مويود .. اموووت على هالشعر ..
‎غيدا: عالشعر بس ..؟!
‎بيشو: لا .. امووووت عليج كلج ..
‎دارت بيشو حول نفسها وقالت: شرايج فيني يا حبي ..؟! عملت دايت وصار جسمي روعه ..
‎طالعت غيدا فيها وقالت: ايوه جذي صايره احلى من اول ..
‎بيشو: اصلا انا عمري ما فكرت اسوي دايت .. بس قلت ان حمودي حبيبي يحب الجسم النحيف فصلحت دايت لعيونج ..
‎غيدا: جم صار وزنج ..؟!
‎بيشو بتفكير: اممممم ٤٨ ..
‎غيدا: لا لا .. انا ابي ٤٦ ..
‎بيشو: من عيوني حبيبتي .. انزل كيلوين بس عشانج ..
‎غيدا: ايوه هذه هي الخويه ولا بلاش ..
‎لفت بيشو عالشله وقالت: يااااااي نسيتكم .. والله صايرين تخققون وتهبلون ..
‎سلمت عليهم بحماس وهم سلموا من دون نفس ..
‎بيشو: اخسس يا تهاني .. صايره بووي وانا مدري ..
‎ابتسمت تهاني ابتسامة تسليك ..
‎مسكت بيشو ايد غيدا وقالت: حمودي هذا اول يوم لي هنا في الجامعه وابيك تعرفني عليها ..
‎غيدا: من عيوني ..
‎لفت غيدا عالشله وقالت: يالله تعالوا ..
‎غدير: لا تكفيين ما نبي ..
‎بيشو بحماس: إلا إلا تعالوا معنا .. حمااااااااس وانا امشي بين اربع بويات .. احس نفسي خطيييييره وااايد ..
‎غيدا: خلاص خليهم .. بالعكس احسن عشان ما ينكدون علينا ..
‎بيشو: صح صح معاج حق ..
‎فراحوا .. حطت غدير ايدها على وجهها وقالت بقرف: مليقه مليقه ملييييقه واااااااايد .. اكرهههههها ..
‎خلود: كلنا نكرها .. مدري وش عاجب غيدا فيها ..
‎اما عن بيشو قالت: اممم حبيبتي ..
‎غيدا: هلا ..
‎بيشو: وين اسيلوه ..؟!
‎غيدا: ههههههه شفيج تقولينها بقهر ..؟!
‎بيشو: مدري .. كل ما اتذكر انج قضيتي الاجازه معها انقهر ..
‎غيدا: ههههههههههههههههههههههههههههههههههههههه ..
‎بيشو: غييييدا لا تضحكين ..
‎غيدا: اموووت عاللي يغارون ..
‎بيشو: بجد غيدا وينها ..؟!
‎غيدا: مدري .. اذا شفتها بقولج ..
‎بيشو: طيب هي حلوه ..
‎غيدا: صراحتا ما احب الجذب .. ايوه حلوه وايد ..
‎وقفت قدام غيدا وقالت: مالي مالي شغل ابي اشوفها اللحين ..
‎حطت غيدا ايدها على اكتاف بشاير ومشيت معاها وهي تقول: يا حياتي حتى لو كانت حلوه فأنا مستحيل اطالع فيها .. صدقيني احبج وما راح اطالع في غيرج .. واسيل هذي لعلمج تراني اكرهها وايد لأني احس انها مغروره ..
‎بيشو: بجد ..؟!
‎غيدا: اكيد ..
‎بيشو: بس هم انا ابي اشوفها ..
‎غيدا: ههههه من عيوني ..
‎بيشو: هي صف جم ..؟!
‎غيدا: اولى ..
‎بيشو: يعني اصغر مني ..
‎غيدا: يعني بزره .. يالله خلينا نغير السالفه لأني ما احب اتكلم عنها ..
‎بيشو: اوكي .. طيب وين سامي ..؟!
‎غيدا: مدري .. من ايام الاختبارات وهو مختفي .. وكل ما اسأل اصحابه يصرفوني وما يياوبون ..
‎بيشو: طيب بهذلتيه زي ما قلتي ولا لا ..؟!
‎غيدا بقهر: لا ..
‎بيشو: اوووف قهر .. طيب هو وينه .. ابي اشوفه ..
‎غيدا: هههههههه اقولج مختفي ..
‎بيشو: يوووه نسيت ههههه صج اني خبله .. بس بجد ودي اشوفه لأنو ما عمري شفته ..
‎غيدا: شفيج مصره انج تشوفينه ..؟!
‎بيشو: ابي اشوف الشخص اللي حبيتيه في يوم من الايام .. ابي اعرف شنو المميز فيه عشان تحبينه .. بجد انا حاقده عليه ..
‎غيدا: خلاص حبيبتي بيشو انسي السالفه .. عشاني ..
‎بيشو بإبتسامه: اوكي عشانج بس ..
‎تذكرت شي ونطت بحماس وقالت: ياااااي نسيت .. حبيبي وين شلة سامي ..؟! ابي اشوف اللي اسمها دانا وتسوي نفسها ولد .. متحممممسه اشوفها ..
‎غيدا: اوكي امشي لأني اعرف وين يجلسون ..
‎بيشو بحماس: ياللا ..
‎فمشيوا لين قربوا من مكان الشله ..
‎غيدا: مو مويوده ..
‎بيشو بإحباط: لاااا ..
‎غيدا: يمكن غايبه .. خلاص باجر اوريج هيه ..
‎بيشو: كان نفسي اشوفها ..
‎غيدا: هههه خيرها في غيرها ..
‎بيشو: اووووف ما لقيت تغيب غير اليوم .. بجد قهر ..
‎غيدا: ههههه خلاص افردي ويهج .. مو حلو عليج وانتي مكشره ..
‎ابتسمت وقالت: من عيوني .. جم حموود عندي ..؟!
‎غيدا: ههههههههههههه ..
‎بيشو: يا حبني لج وانتي تضحكين ..
‎غيدا: ياللا امشي اوريج على الجامعه ..
‎بيشو: ياللا .. ووريني هذاك اللي اسمه راشد الشعلان .. ابي اشوف هو ليش مهايطي ..
‎غيدا: غايب هو وشلته ..
‎بيشو: اووووف شفيهم غايبين اليوم ..؟!
‎غيدا: حضوض ..
‎بيشو: طيب وريني ذاك اللي في كلاسكم .. اللي اسمه طارق على ما اتوقع ..
‎وكملت بسرعه: لا تقولين غايب ..
‎غيدا: هههههههه لا مو غايب .. اذا شفته اوريج ..
‎بيشو: اوكي ..
‎فلفوا الجامعه وورتها كل شي .. بس ما قابلت في طريقها لا اسيل ولا غيره ..
===========================
‎في الظهر وفي غرفة ريما ..
‎كانت فاتحه الدولاب تختار لها لبس ..
‎ريما: الساعه خمس راح نتقابل في مطعم جراند كافيه ..
‎تنهدت وقالت: ازمه وبتعدي ان شالله .. بس مدري ليش انا خايفه ..
‎طلعت لها لبس ورمته عالسرير ..
‎مشيت وجلست عالسرير وغاصت في افكارها ..
‎فتــــــــــــــــــــــــــــره طويلــــــــــــــــــــــــــــه مــــــــــــــن الصمــــــــــــــــــــــــــــت ..
‎ساعــــــــــــــــــــــــــــه ..
‎ساعتيــــــــــــــــــــــــــــــــــــــــــن ..
‎ثــــــــــــــلاث ساعــــــــــــــــــــــــــــات ..
‎مرت ثلاث ساعات وهي ساكته وجالسه بصمت وتفكر ..
‎رفعت راسها بهدوء وطالعت في الساعه الجداريه ..
‎كانت تشير عالساعه ١٣ : ٤ ..
‎تنهدت للمره الثانيه واخذت ملابسها وبدلت هدومها ..
‎بعد ما خلصت وقفت قدام المرايه وبدت تصلح شعرها ومكياجها واكتسواراتها ..
‎كشخت نفسها عالآخر جدا ..
‎طالعت في شكلها وابتسمت برضى ..
‎ريما: كل شي تمام ..
‎اخذت شنطتها وسحبت نظارتها الشمسيه ولبستها ..
‎خرجت من غرفتها ونزلت من الدرج فكان الاب وفارس واسيل موجودين ..
‎ريما: هاااااي ..
‎الاب: وعليكم السلام ..
‎ريما: بابا لا تفشلني ..
‎فارس: اخسس ياذي الكشخه .. وين رايحه ..؟!
‎الاب: شفيكم اليوم ..؟! فيصل من اذان العصر راح لحفلة اخوياه .. وانتي بعد وين بتروحين ..؟!
‎ريما: رايحه لرفيجتي شذى .. اليوم عيد ميلادها ..
‎اسيل: خذيني انا وفارس ..
‎فارس: ايه نفسي اروح ..
‎ريما: مع نفسكم ..
‎اسيل+فارس: ههههههههههههههههههههههه ..
‎الاب: عيل انتبهي على نفسج ولا تتأخرين ..
‎ريما: من عيوني .. بااااي ..
‎خرجت من البيت وركبت سيارتها ..
‎ريما: اوووووف احس بصداع .. نسيت آخذ حبه .. خلاص لمن ارجع ان شالله لأني ما راح اتأخر ..
‎حركت السياره وراحت لمصيرها اللي بيغير حياتها ١٨٠ درجه ..
‎بعد ثلث ساعه وقفت السياره قدام باب المطعم ..
‎نزلت .. دخلت المطعم من هنا .. وجاء واحد عند سيارتها من هنا ..
‎طلع سكين وشق الكفره من تحت بحيث انه محد يلاحظ ..
‎ابتسم وقال: حلو ..
‎دخلت ريما المطعم وراحت للطاوله اللي اتفقوا عليها ..
‎جلست وبعد خمس دقايق لاحظت واحد جاي لناحيتها ..
‎ريما في نفسها: "هذا هو ياسر .. ياربي شفيني خايفه ..؟! انا ريما الرملي والمفروض ما اخاف من اي احد" ..
‎جاء ياسر بكشخته ورزته واول ما شافها ابتسم وقال في نفسه: "آخ آخ تهببببل" ..
‎ياسر: اهلا ريما ..
‎ريما: اهلين ..
‎جلس وقال: كيفج ..؟!
‎ريما: تمام ..
‎ياسر: تبين تشربين شي ..؟!
‎ريما: عصير برتقال ..
‎نادى ياسر النادل وطلب منه اثنين عصير برتقال ..
‎ياسر: كيف الجامعه وياج ..؟!
‎ريما: الحمد لله تمام ..
‎ياسر: انتي وش تخصصج ..؟!
‎ريما: جغرافيا ..
‎ياسر: كيف هو معاج .. صعب ولا سهل ..؟!
‎ريما: هو كلامه كثير بس انا احبه ..
‎ياسر: اهم شي انج مرتاحه فيه ..
‎جاء النادل وحط العصيرات وريما تطالع في ياسر بتفكير ..
‎ريما: "غريبه .. احس اسلوبه تغير شوي .. احسه هادي ومحترم .. وش قصته" ..
‎ياسر: اشربي عصيرج ..
‎ابتسمت واخذت العصير وشربت منه شوي ..
‎كانوا هادين والصمت هو سيد الموقف ..
‎كل واحد فيهم يطالع في الثاني ويفكر ..
‎كل واحد فيهم يرتب افكاره اللي في مخه ..
‎ياسر كان متوتر جدا وريما لاحظت توتره واستغربت ..
‎ياسر بتردد: ر ريما ..
‎ريما: نعم ..
‎سكت ياسر فتره طويله بعدين قال: انا طلبت اشوفج لسببين بس ..
‎طالعت ريما فيه بإهتمام ..
‎ياسر: السبب الاول هو ....
‎وسكت فقالت ريما: تكلم شفيك ..؟!
‎ياسر: طيب .. السبب الاول هو لأني ابغى اقول لج شي .. ريما انا .. انا ....
‎سكت فتره قصيره بعدين قال: ريما انا آسف ..
‎عقدت ريما حواجبها بإستغراب ..
‎ياسر بإرتباك: انا آسف على كل شي سويته لج .. ريما انا اعترف .. انا اذيتج كثير .. انا بهذلتج كثير .. انا عذبتج كثير .. انا بجد اعتذر .. كنت اناني .. حطيتج في بالي وقلت اني بوصل للي ابغاه مهما كان .. ادمنتج مخدرات عشان تنصاعين لأوامري .. كنت جشع واناني وحمار .. كل تفكيري كان جشع .. الشيطان سيطر علي بشكل مو طبيعي .. ريما انا بجد آسف ..
‎ابتسمت ريما بإستهزاء وقالت: التمثليه هذه ما تمشي علي فاهم ..
‎نزل راسه وقال: لا تصدقيني .. بس ابيج تحلليني وتسامحيني .. ابيج تسامحيني على كل شي .. ومن بعد هذا فراح نفترق .. انتي في حالج وانا في حالي .. كنت بصراحه ناوي اذلج وانزل اسم اهلج في الارض .. كان عندي مليون طريجه وسوسها لي الشيطان عشان أأذيج ..
‎كمل بهدوء: بس انا صحيت ووعيت .. شفته .. شفته .. شفت اللي ناوي اسويه فيج باقرب الناس لي .. اختي .. اختي يا ريما في المستشفى .. اختي مدمنه وحامل كمان ..
‎انصدمت ريما من كلامه ..
‎ياسر بهدوء: انصدمت .. كأن احد صفقني كف صحاني من الضياع اللي كنت فيه .. نفس الخطه الحقيره اللي حبكتها لج .. حبكها واحد غيري في اختي .. ندمت وندمت قد شعر راسي واكثر كمان .. بس وقت الندم راح .. اختي يا ريما .. بجد حسيت بحرقة القلب وحرقة الدم .. حسيت بشعور اهالي البنات اللي كنت أأذيهم .. حسيت في الوقت الضايع ..
‎رفع راسه .. هنا عاد .. انصدمــــــــــــــــــــــــــــــــــــــــــت ريما ..
‎كل شعر جسمها وقف من الصدمه ..
‎اول مره بحياتها تشوف شي زي كذا ..
‎اول مره بحياتها تشوف ولد يبكي ..
‎كانت عيون ياسر حمرا والدموع متجمعه فيها ..
‎حست بقشعريره تمر بجسمها ..
‎كلامه .. صوته .. عيونه .. دموعه .. كل هذا اثر فيها ..
‎كل هذا قلب موازينها وكيانها ..
‎كل هذا لخبطها بقوه ولخبط شعورها ..
‎تحسه مكسور ومجروح وضعييف ..
‎ما تعودت انها تشوفه كذا ..
‎حست ان قلبها حن عليه وعلى شكله ..
‎كسر خاطرها وبقوووه ..
‎ياسر بهدوء وهمس: ريما بلييز سامحيني .. مستعد اسوي كل اللي تبينه بس سامحيني .. ذنوبي كثيره وابي اكفرها .. ريما انتي اكثر وحده اذيتها .. ادمنتج مخدرات يا ريما .. والله اني مستعد لأي شي تطلبينه بس المهم تسامحيني ..
‎ارتبكت مره منه .. ما تدري وش تسوي ..
‎تفاجأت .. ما توقعت ان مقابلتهم بتكون كذا ..
‎تذكرت كل شي .. ادمنها مخدرات ..
‎ذاقت العذاب الوان ..
‎اعتزلت الناس ..
‎تدهورت في دراستها ..
‎شكوا الناس فيها ..
‎حست بالعبره تخنقها .. هي اللحين مــــدمــــنــــه .. وش بيفيدها اسفه ..
‎ريما بضعف: بس انت اذيتني كثير و.....
‎ياسر بترجي: آسف .. اعرف اسفي ما راح يفيدج بس اعذريني .. انا محتاج لشي يكفر ذنوبي .. انا تبت يا ريما والله الشاهد على كلامي .. ريما انتي مسامحتني ..؟!
‎طالعت فيه وحست نفسها عاجزه قدام شكله ..
‎دموعه تنزل ويترجاها انها تسامحه ..
‎عقلها رافض .. هو ما يستحق ان الناس تسامحه .. كبريائها ما يسمح انها تسامحه ..
‎بس قلبها وآه من هالقلب .. قلبها يقول سامحيه .. انسان ندم وتاب لله فليش نحقد عليه ..
‎عايشه في صراع ما بين عقلها وقلبها ..
‎مو داريه تطيع مين ..
‎نزل ياسر راسه واخذ منديل ومسح دموعه بإيد واضح انها ترتجف ..
‎هنا عاد .. قلبها طغى على عقلها ..
‎ريما: انا .. انا مسامحتك ..
‎رفع راسه لها بحركه سريعه وقال: ايش ..؟!!
‎ريما: انا سامحتك ..
‎ابتسم بشكر وقال: مشكوره يا ريما مشكوره وايد .. والله مو عارف وش اقول .. انتي اسديتي لي خدمه ما انساها طول عمري ..
‎ريما بحزن: وانت وش اسديت لي ..؟! الادمــــان ..
‎ياسر بهدوء: آسف ..
‎طالع فيها وقال: طيب محتاجه مساعدتي بشي ..؟!
‎ريما: لا ..
‎ياسر: اسمعي .. اقرأي القرآن وتقربي من ربج واكيد راح يساعدج .. استعيني بالطب بالاعشاب والطب القديم وراح تطلعي من هالورطه باذن الله ..
‎طالعت ريما فيه وابتسمت وقالت: مشكور ..
‎ابتسم وقال: العفو ..
‎وكمل في نفسه: "والله انج خبله يا استاذه" ..
‎شربت شوي من العصير بعدين قالت: وش السبب الثاني ..؟! انت طلبت تشوفي لسببين صح ..؟!
‎ياسر: ايوه ..
‎سكت شوي بعدين قال: خدمه .. ابيج تسوين لي خدمه .. انتي بكيفج اذا تبغين او لا ..
‎ريما: شنهي ..؟!
‎ياسر: اختي .. اختي هيفا .. اللي ادمنت مخدرات ..
‎ريما: شفيها ..؟!
‎ياسر: من يوم ما طلعت من المستشفى وهي جالسه في استراحة العائله .. قافله حياتها على نفسها .. صايره كئيبه وما ترد على احد .. امي واخواتي عندها يحاولون يخرجونها من اللي هي فيه .. بس هي صنم ولا حياة لمن تنادي .. تحسب ان اللي صار لها هو نهاية العالم .. ولد خالي خطبها بس هي رافضه .. ولد خالي عارف بكل شي وراضي فيها لأنه يحبها ويشوف ان اللي صار لها مو بإيدها .. بس هي رافضه ..
‎ريما: مينونه ..
‎ياسر: فعلا .. قلنا لها ابدأي حياة يديده بس هم رافضه .. اخواتي وخالاتي وامي إلى الآن وهم عندها يقنعونها بس ما غيرت رايها .. ريما انتي شخصيتج قويه .. ممكن خدمه اذا ما عليج امر ..
‎ريما: وشهي ..؟!
‎ياسر: تكلمين اختي وتقنعينها .. اهلي كلهم عندها وما قدروا .. تقدري تروحي معهم وتحاجين اختي .. اذا ما تبغين فأنا ما راح اغصبج ..
‎طالعت ريما فيه فتره وقالت: اوكي ..
‎تفاجأ .. ما توقع انها بتوافق بسرعه ..
‎ياسر: مشكوره .. مشكوره .. مشكوره وايد يا ريما ..
‎قامت وقالت: وين عنوان استراحتكم ..؟!
‎قام وقال: امشي ..
‎حاسب وطلع فقال: الحقيني بسيارتج ..
‎ريما: اوكي ..
‎راح لسيارته وركبها ..
‎ياسر: قلت لكم اني اقدر عليها .. البنات يبغالهم واحد يبجي جدامهم عشان يصدقون ويحنون هههههه ..
‎شغل سيارته وقال: ثواني بس وتيي ..
‎فأنفتح باب السياره اللي جنبه وقالت: سوري بروح معاج .. سيارتي خربانه شوي ..
‎ياسر بإرتباك: بس .. بس اخاف من نقاط التفتيش ..
‎ركبت وقفلت الباب وهي تقول: احنا في العصر وكمان انا راكبه جنبك مو ورى عشان نكون في محل شبهه ..
‎ياسر: خلاص براحتج ..
‎حرك السياره واتجه للاستراحه وتتلاعب على شفتيه ابتسامه ماكره