Words and Feelings

Mabuting Mamamayan

Ni: A.M. Ferrer
08.27.2010

Tayong mga Pilipino'y mababait at magagalang,
Po at opo ay ginagamit nang palagian.
Tayo ay maingat sa ating pananalita,
Upang di makasakit ng ating kapwa.

Tayo ay mapagparaya sa mga nakababata,
At tumulong sa may sakit at matatanda.
Nagmamano tayo pag-alis at pagbalik,
At pabaon naman sa atin ay matamis na halik.

Tayo ay likas na uliran at huwaran,
Maging sa pagkilos tayo ay dahan-dahan.
Magalang sa pananalita'y di dapat kalimutan,
Kapag kinakausap tayo ng kung sinuman.

(OUTPUT IN VALUES - III)