Words and Feelings

ANG AKING PAG-IBIG

Ang Aking Pag-Ibig

Ito’y isang liham mula sa Ama
Patungkol sa pag-ibig Niya
Sa lahat ng Kanyang nilikha

Para sa aking pinakamamahal,
Anak natatandaan mo ba?
Nang Aking likhain ang sanlibutan
Aking nadama’y lubos na kagalakan
Nang ika’y aking masilayan.

Kaya’t ibinigay sa’yo ang pamamahala
Sa paraisong Aking nilikha
Nang Ika’y magkasala 
Ako’y lubhang nag-alala

Kaya’t ika’y pinarusahan 
Upang iyong matutunan
Ang tunay na pagsunod sa Aking kalooban

Ngunit patuloy kang nalugmok sa pagkakasala
Kaya’t bugtong Kong anak ay Aking sinugo
Upang magligtas sa kasalanan ng mundo

Gayon na lamang ang Aking pag-ibig sa’yo
Kaya’t kahit na patuloy kang nadarapa
Di Ako mapapagod na Ika’y itayo

Sa t’wing ika’y malungkot
Ako’y Narito upang magdulot ng kasiyahan
Upang ang iyong ngiti sa mata ay umabot
At sa mundo’y magdulot ng kagalakan

Ano man ang iyong katayuan
Patuloy ka mang magkamali at masugatan
Ako ay laging naririto upang ika’y samahan
At patuloy na tanggapin sa Aking kaharian

Pagka’t ang nais ko’y makasama ka
Sa Aking paraiso’y manahan ka.

Lubos na Nagmamahal,
Ang Iyong Ama sa Langit.