#قصة_هوانا
nada hs
الجزء9
سويت نفسي مستمره اكل ودموعي تصب هو اجه لزم وجهي ورفعه ومكدرت اباوع بوجهه...
-شبيج! ليش هيج گطعتي بيه فد مره؟
-عوفني احمد..
-هه وج شنو اعوفج! احجيلي شبيج؟
گعد ع كرسي كبالي ومنتظرني احجي! زين شحجي شگول!
وبالاخير حجيتله وانگلب احمد ثاني... كام ولزم الكرسي الي كاعد علي فلشه وكلب الطاوله وصار يصيح بعالي صوته!
-وج ليش قبلتي! وج احجي ليش!
والتم البيت كله بالمطبخ واحمد نار وشرار ومحد يكدر يحاجي..
-موبيدي اسأل الي كدامك هنه الي رتبن كل شي! وبديت اعيط وابجي...
هو وكف كبال امه وكلله اتمني شوفتي بعد! وصعد لغرفته اخذ جنطه وطلع...
يارب اخذ روحي وخلصني... احمد ميستاهل هيج يصير بي...
طبعا امه رجعت عليه وغلط وحته سبت امي بس بيبي عاطت بيها وطردتها من الغرفه من سمعت المسبه ع امي...
اني كلت هو ضاج وعصب ممعقوله بعد ميرجع .. بس سواهه وماعاد اجه ولاشفته... ومرن اسابيع وصار يوم العرس ... طبعا كل شي تكفلت بي كريمه بس حته تخلص مني وحته خلتلي فلوس بجنطتي وبقت توصي من يجي اضحكي ولتظلين هيج وجانت حته تجيبلي اكل للغرفه وبيوم العرس هيه اخذتني للصالون واختارت البدله هي واني مثل اللعبه بديهم يجيبوني منا ويودوني منا... رجعنا خالي رحيم وشفت عيونه دمعت عليه وگال لوامج موجوده! هو كال هيج واني احس روحي انثلمت...
وكريمه تكله ياخويه وقتهه هسه تذكرها...
المهم نزلنا وجنت اودع ذاك البيت بنظراتي ومادري شنو الناس الي راح اعيش وياهم ... كعدت بغرفتنا بين ميجون صادق واهله
جنت صافنه وبيه بجيه اذا اطلعها تهد جبال...
ماحسيت اله الباب انركعت وانقفلت... ومنو جان؟ احمد!
وكفت ع حيلي وشفت بيده مسدس.. خفت بالبدايه وبعدين كلت خلي يخلصني من هل حياه...
جان وجهه احمر من العصبيه وعيونه مورمه وحالته حاله..
-اشوفج مكيفه؟
-احمد.. لتتهور كل شي انتهى بعد..
صرخ بعالي صوته:اشششش ولاكلمه! لواطلعين هسه ويايه وتنسين لذاك النذل.. لو يطلعونا اثنينا ع المگبره...
اني فقدت من گال هيج عبالي يقتلني الي.. ميخالف اموت اني بس هو لا...
سمعو صياحه والتمو ع الغرفه وطبعا هو قفلها وامه تعيط راح يروح مني ابني وابو يصيح وكلها تضرب ع الباب.. وبعدين دفعه خالي رحيم وكسر الباب...
-يله! اختاري!
ام احمد:احمد يمه! فدوه اروح...
احمد:انتي اسكتي لتسمعيني صوتج !
وبيبي تعيط وابو يحجي علي واني كلتله...
-مو نصيبنا لبعض افهمها! صادق هو صار زوجي انت ابن خالي وبس!
-هيج تجازيني شهد؟! التفت ع ابو وكله ادفنونا قريبين ع بعض ورجع رفع المسدس بوجهي صار جسمي كله يوجعني اتخيل بـأي مكان تجي الطلقه وسديت عيوني كل قوتي... وسمعت صوت الطلقه وصوت ابو يعيط جيبه لك حيوان!
عبالي اجت بيه باوعت ع نفسي مبيه شي باوعت علي هم مبي شي وطلعت بالسگف خالي جر منه المسدس...
يبوووو بذاك اليوم! شحجي وشوصف! متت ورجعت للحياه وطلعو احمد من الغرفه وانهد حيلي من سمعته يبجي بصوت وابو يغلط عليه يگله جبان تبجي ع مره! واجت تماضر عدلت مكياجي لان هم ع جيه وكالت انسي الي صار هنا بعد حياتج يم صادق وانتي مثل اختي واتمنالج حياه حلوة...
ياحياة ... ياحياة الي خلصت صدمه ورا صدمه وجع ازيد من وجع...
اجه صادق ومشيت خطواتي ويا ومن قبل لتحرك السياره شفت احمد يباوع من فوك! ماعندي جرأه اعوف كل شي وارجع اني وحدة جبانه !
