غلط حبك غلط
رح أخسر كثير إذا حبيتك
لازم أكرهك
وانتقم منك
احقد عليك
بس ، أحبك ؟
مو من ضمن القائمة
أحبك ..
رح تخسرني كل اشي
كل اشي بنيته بإيدي لمصلحتي
كل اشي بنيته من سنين رح يتدمر
إذا حبيتك ..
كلشي حيضيع مني
كلشي حيروح
إلا إنت ،
قلبي ما عم بسمحلك تبعد
بس عقلي عم بحكي رووح
رووح يلا رووح
لإنه قدامك بضعف
قدام عيونك بخسر كل ثقتي بحالي
بلف وجهي وبعمل مو عاجبني
مع إني بشتعل من جوا
كإني بنزين ،
ونظرتك الشرارة الي حرقتني
إذا بحبك رح أخسر حالي ..
وصاحباتي ..
وديني ..
وأهلي ..
وآخرتي ..
لإنه حبك غلط ،
سامعني ،، غلط
بس الغلط هاد هو ..
هو الغلط الوحيد الي عقلي ،
مش قادر يقنع قلبي فيه
الغلط الوحيد الي ما بدي ياه يتصلّح
أحلى غلطة بحياتي انت
وحبك ..
بس مشان الله خلص ..
خلص ..
انت قاعد تتحكم بقلبي من بعيد
قاعد تسرق تفكيري مني
بطل حدآ يهمني الا انت
بطلت اهتم إلا لأخبارك
قال دمار قال
ولا أزمة مالية
ولا حرب ..
#يزم ينصر دينك ..
#يزم مافي خبر بعد سلامتك
#يزم مافي دمار بعد دمارك لقلبي
ومافي حب زي حبك الي
ومافي غلط زيّك
ومافي خربطة ووجع زي الي عيشتني ياهم
كلك ع بعضك غلط حلوو
ما في زيه ..
ولك حبيت الدنيا عشانك
مع إنه غلط ..
ولك شو عملت فيني
رجعلي قلبي وتفكيري
ياللي سكنتني ..
#يزم_بحبك
•°•°•
