يآ محلى حروف إسمي منك
ويآ محلى عيوني الي تشتاقلها
تمنيت أكون رماد أو دخان
من لما سمعت حروفك تداعب همساتي
بتعرف ليش ؟!
ولا أنا بعرف
يمكن استحيت ويمكن سرحت
بس مستحيل أكون زعلت أو تضايقت
يمكن مثلت قدامهم انه مو عاجبني
بس ، وشرفي ..
ما حدآ دخل قلبي قبل عقلي غيرك
يمكن ما حسستك اني مهتمة
ويمكن طنشتك
بس صدقني غصب عني
مو بكيفي
نفسي تحس لحالك اني بدي ياك
نفسي تعرف لحالك نبضاتي الي الك
نفسي يوصلك خبر اني بضل أسأل عنك
وأدور عليك واستناك
نفسي أحكيلك كل الي فيني
ونفسي أحكيك للكل واحكي مشاعري للعالم
بس غلط ..
ما بصير ..
خطأ ..
مستحيل ،
وما لازم يصير
ولا حتى أحس فيه
لازم تطلع من رأسي لإنه حبك غلط
لازم ابطل أفكر فيك لإنه خطأ
خطأ ..
وربي خطأ
بس قلبي بيرفض
قلبي بدو ياك وبحبك
قلبي بدور عليك
وبستناك ،
وبستنى عيونك ..
حكيتلي بحبك ،،
لاحترامك وادبك وتفهمك
وكان قلبي بصرخ ( وأنااا بحبك )
حبيتك بدون سبب
وحبيتك لأني بحبك
لإنك إنت
لإنك سحرتني وسرقت قلبي
حبيتك ونسيت كل الماضي تبعك
رح أخبيك وادفن حبك لحتى أنساه
أو أتناساه ..
ما رح أقلك عن حبي
لحتى ما أتعذب وأعذبك
ولا رح أحكي لحدا
حتى ما يحكوا عني هبلة
او بينضحك علي
وصح أنا ما بسمح لحد يضحك علي
وبحطه براسي وعقلي
قبل ما أدخله قلبي ، وأحبه
بس إنت غير
أنت كسرت كل قواعدي وقوانيني
•°•°•
