انتي لازم #تتجوزي..!!
خلص لازم تختاري حد تكملي حياتك في #بيتو ،
اهلك مو دايمينلك طول العمر .. ؛؛!!
-لا مش لازم ..
أنا ما بدي اعيش مع واحد بس بيفكر
كيف وشو ياكل و يشرب
وكل احلامه ملخصها ومخلصها
وبيستنى يصيرلو ولاد وأحفاد ويموت ..
في. اعتراض صغير مني وبس...
انا ما بدي الزلمة الي يجي يطلبني ويخطبني
يجي بس عشان شافني حلوة ورح اربي ولاده منيح ..
صح يمكن هاد اشي مهم ...
بس انا بدي أتجوز حد بحبه
حد انا حابة اكون موجودة معاه وإله ...
حد بيحلم يسافر ويلف الدنيا وينبسط
ويستغل عمرو لأشياء يمكن مو ضرورية
بس بيعملها ليبسط حالو ...
حد يناقشني في كتاب وياخد رأي في قرار مهم
، ويمكن يتهبل معاي ونلعب سوا ..
يحسسني اني شئ مهم في حياتو
يفهم سكوتي ولما اغلط ما يطلب مني ابررله الي عملته ..
حد يقدر يحتويني علشان يطمني
ويكون عون الي
مش يحضني علشان اضل معاه
أو عشان حالو ونفسو وشهوتو ..
انا محتاجة اتجوز حد فاهم انا كيف بفكر وبحلم بشو ،
حد يكون صاحبي وفاهمني
واخوي وابوي قبل ما يكون جوزي ..
زلمة ما يخليني انام زعلانة ،
وما يعتبر مساعدته الي بشغل البيت اشي بينقض من رجولته ،
ويكون فاهم انو مش لانو رجل البيت
يعني كلمتو الي لازم تمشي ،
لانو احنا ببيت واحد ولازم نتحاور
ونوصل لحل وسط #يرضينا الاتنين
أما زواج التقاليد ..
يعني اتجوز عشان انا مش متجوزة ، هاد صفقة تجارية ..
.. مصاري ..
أو عشان ما اعنس ، وهاد عادة وتقليد بيخليني اتدمر ..
وانا مش حقبل اني اكون صفقة
بس لانه قرايبي بناتهم تجوزو وما ضل غيري ..
انا انسانه الي مشاعر وعندي احلام ولازم احققها
مع الشخص الي انا بدي ياه ،
بدون صفقات ومصاري ..
انتو كنتو تضلو تحكولي لما اطلب منكم #طلب شو ما كان
" بس تتزوجي زوجك بيعملك " ،،
وانا استنيت زوجي الي حيعملي كلشي طلبتو زمان ،
مو عشان يجي واحد بس يرميني امسح وانضف واربي ولادو
لحتى أموت من التعب ويتجوز هو غيري ..
أنا أنثى .. والأنثى بتحتاج حد يسندها ،،
لأنها بتضل ضعيفة قد ما تظهر القوة ..
فأعذروني إذا انتو شايفين انو لازم أتجوز ،
لأنه الزواج حياة جديدة ومستقبل كبير ،
وحلم ...
وحلمي يكون الي زوج #يحقللي_كل_احلامي ❤
حلمي يكون الي زوج #يحبني_لإني_أنا ❤
