طفوله (مكتمله)

١/ معاناة

اسيل طفله حلوه ومحبوبه بسمتها على وجهها دائماً وعمرها ٤ سنوات عايشه بالعراق بالموصل ويه امها وابوها واختها مريم ١٢ سنه
اسيل حياتها كلش حلوه اهلها واختها يحبوها وهي تحبهم البسمه مجانت تفارق وجهها وضحكتها ماليه البيت
لحد فد يوم الظهر جانوا كاعدين وره الغده ملتمين واسيل دتلعب فطفت الكهرباء كلشي وكف صار هدوء مو طبيعي وميطمن ووره ثواني صار صوت الصياح والخبصه بالشارع كلش واضح وصوت الرمي والطلق وتنكلب الامه
الاب (صاح على عائلته ولمهم بمكان بعيد عن شبابيك البيت حتى يحميهم من الطلق)
اسيل (جانت خايفه وكامت تبجي)
جان يوكع صاروخ يم البيوت وبيتهم اتضرر وبده ينهدم والانقاض وكعت عليهم بس الام والاب ضحوا بروحهم وحموا مريم واسيل
مريم (معرفت شتسوي ظلت شابكه اسيل وتبجي هي وياها)
اسيل (تحاجي امها وابوها تريدهم يجاوبوها بس ماكو جواب منهم)
وره مده هدئت المنطقه ووكف صوت الرمي والصياح
الام (كوه تحجي): مريم
مريم (بدموع ومتشوف شي ظلمه): ماما ماما
اسيل : مااااامااااا اني اخاف من الظلمه شنو صار طلعونه منا😭😭
الام (بتعب): مريم انتبهي لاسيل اسيل امانه يمج
مريم : ماما
الام (بتعب): بعد ماوصيج بنتي .... انتي حريصه حبيبتي ... اني وبابا نحبكم
اسيل : ماماااا😭باباا
مريم : ماما ماما😭
مرت فتره وهم جوه الانقاض وصارت الدنيه ليل
اسيل : اني جوعانه😭اريد ماما مدا اكدر اتنفس
مريم : اسيل عفيه حبابه ماعندي اكل هسه ولا نكدر نتحرك عفيه انتظري ماعرف شراح يصير بَـس اهدئي واتنفسي على كيف
اسيل : شنو راح نموت هنا شلون راح نطلع😢
مريم : والله مادري شوكت او شلون راح نطلع
اسيل : اريد ماما😭خل تحاجيني
مريم (متعرف تصبر روحها لو تصبر هالطفله اليمها مابيدها شي غير تبجي وياها)
مر الوقت وصارت صبح بس هم ميدرون لان ميوصللهم ضوه كوه يتنفسون بس سمعوا صوت واحد يصيح
جندي : اكو احد عايش اكو احد هنا جاوبوني حتى نطلعكم
مريم (سمعت الصوت وظلت تصيح): ساعدونه ساعدونه
الجندي (ياسر) : تعالوا سمعت صوت طفل منا (صاح لباقي الجنود وراح باتجاه الصوت) انت وين
مريم : ساعدونه
ياسر (اندل مكانهم وراح يشيل بالانقاض واجو ويا جنود هم يساعدوا): عمو ابقي حاجيني حتى اوصللكم
مريم : اي احنه هنا طلعونه عفيه😢
اسيل (ظلت تبجي)
ياسر : اكو اطفال انتبهوا على كيفكم
جندي ٢: شويه شويه شباب
ياسر : انتو شكم واحد جوه
مريم : احنه اربعه😢
ياسر : كلكم عايشين
مريم : اني واختي اي بس اهلي مادري 😭
ياسر : هسه نطلعكم عمو لتخافون وصلنه
الجنود طلعوا الاب والام متوفين حيل متاذين كل الضغط عليهم ومن طلعوهم لكوا مريم وطلعوها واسيل مجلبه بيها متقبل تعوفها مريم مكدرت تمشي رجلها متأذيه عدها رضوض واسيل مابيها شي خدوش بسيطه
ياسر : تعاي عمو اختج متاذيه ديردون يعالجوها
اسيل (مجلبه برقبة مريم وتبجي): مااا اول شي ماما راحت وهسه بقت بس مريم ماعوفها ماخليها تروح ماريد ابقه وحدي😭
جندي (اجه يركض وهو يصيح): اخلوا المنطقه بسرعه اجو دواعش بسرعه اخذوا الجرحى والمصابين طلعوهم
الجنود اخذوا كل الناس العايشين الي طلعوهم من جوه الانقاض وصعدوهم بالدبابات واخذوهم بعيد عن هالمنطقه
مريم (صعدوها هي واسيل ودزوا ياسر وياهم لان اطفال)
اسيل : لعد وماما وبابا😭
ياسر : حبيبتي هسه اهم شي انتوا
مريم : بعد ماكو ماما وبابا😔
اسيل (ظلت تبجي لحد مانامت)
ياسر (عالج رجل مريم والجروح الي عدها هي واسيل)
مريم : هسه وين يودونه😔
ياسر : البصره ابعد منطقه عن الخطر يمكن يودوكم هناك
مريم : وشلون راح نعيش ووين
ياسر : بالملجئ 🙁 ويه باقي الاطفال
مريم 😞
(مر وقت طويل واسيل نايمه هالكد ما تعبت من البجي وحتى مريم نامت وره ٦ ساعات كعدت )
اسيل (فتحت عيونها شافت بعدها بنفس المكان والي صار مو مجرد حلم مزعج عبالها جانت دتحلم ومن تكعد تروح تركض لحضن امها تحجيلها الي شافته وامها تحضنها وتبوسها وتكللها هي مراح تعوفها بس من شافتها حقيقه دمعت عيونها)
ياسر (انتبهلها فشالها وحطها بحظنه ومسح دموعها ظل يلعبها ويحاجيها يحاول يضحكها بَـس بدون فائده)
مريم (كعدت وشافت اسيل يم الجندي ديحاول يضحكها بَس ماكو فائده): اسيل
اسيل (من سمعت مريم كعدت راحتلها حضنتها وبجت): مريم بعد ماكو ماما ليش ماما ماتت وبابا ليش هم راح وياها ليش عافونه وحدنه وراحوا بعد منو يسويلنه اكل منو يوديني للملاعيب ويشتريلي حاجات😭منو يدير باله علينه بعد محد يهتم بينه لان ماما وبابا عافونه
مريم (حضنتها ودموعها بعينها): كافي حبيتي كافي اني يمج مراح اعوفج اني ادير بالي عليج
اسيل : هسه وين راح نروح حتى بيتنه تفلش😭
مريم : حبيبتي راح نروح لمكان بي جهال حلوين ويصير عندج اصدقاء هوايه
اسيل : اني جوعانه😭
ياسر (طلع من المئونه الي عدهم وانطاهم اكل): اسيل مريم هذا اكل اكلوا لان الطريق طويل
اخذوا الاكل منه واكلوا ثنيناتهم جانوا جوعانين كلشي مماكلين وره شويه جان وكفت بيهم الدبابه
ياسر (حاجه الجندي الي يسوق): ليش وكفت
الجندي : المنطقه محاصره راح يلزمونه احنه محاصرين منكدر نكمل بالدبابه راح يعرفونه واسلحتنه متكفي حتى نقاومهم
ياسر : هسه شلون
الجندي (شال سلاحه وغراضه): نكمل مشي
ياسر : شتحجي وهذني الطفلتين شلون
الجندي : يجون ويانه يله بسرعه ليشوفونه
ياسر (لزم سلاحه وغراضه): يله اسيل مريم بسرعه
نزلوا من الدبابه وابتعدوا عنها جانوا ديمشون بسرعه وياسر شايل اسيل وره ثلاث ارباع الساعه
مريم (وكعت ومكدرت تكوم وتكمل ورجلها كامت حيل تاذيها)
ياسر (انتبه مريم ماكو باوع ورا شافها واكعه)
اسيل : مريم 😧 مريم😢
ياسر : اششش اسيل اسكتي خالد اخذ اسيل هسه اجي (انطه اسيل لخالد وراح لمريم) ها مريم
مريم : ماكدر😣 ماكدر اتحرك رجلي حيل تاذيني😢
ياسر (شالها بكل سهوله لان وزنها يادوب ٣٥ وكام راح وره خالد)
مشوا فتره لحد ما لكوا سيارات وركبوا تكسي
خالد كعد كدام ووره ياسر وبحضنه اسيل ويمه مريم وصلوا للبصره بعد معاناة وطريق طويل فخالد راح لاهله بالبصره وياسر ماعنده مكان غير الفندق لان ابو واخو الجبير جانوا بالجيش وماتوا وامه من القهر انجلطت وماتت هو عاش بالميتم واشتغل لحد ما كبر التحق للجيش هو هم
ياسر (هسه شلون هذوله الاطفال وين اوديهم ياربي ساعدني)
اسيل : عمو انته شنو اسمك
ياسر : اني اسمي ياسر
اسيل : عمو ياسر شكراً لان ساعدتنه انته حباب☺️
ياسر : يا حبيبتي تستاهلون والله ممسوي شي ومقصر
مريم : عمو هسه راح تودينه للملجئ😢
ياسر : اي اسف لان ماعندي مكان حتى بيت ماعندي
اسيل : شنو الملجئ ماحبيته اسمه مو حلو ☹️
مريم : حبيبتي حيصير عندج اصدقاء ماكو شي راح يتغير راح نعيش سويه ويه باقي الاطفال
اسيل : يعني بعد منشوف عمو ياسر 😢 هم راح يعوفنه
ياسر (حضنها): لا حبيبتي اجيكم واشوفكم كل ما اكدر بس لازم اروح حتى اساعد الاطفال الباقين شلون ساعدتكم وطلعتكم
اسيل (ظلت تبجي ومقبلت بس ياسر مابيده شي كام وداهم للملجئ وراح رغم جان يريد يساعدهم بس ميكدر يسوي شي مريم واسيل حطوهم بالميتم مرت فتره واسيل ماعاجبها المكان مريم تحاول تقنعها بس ماكو فائده كاعده بس تبجي تريد امها وتريد ترجع لبيتهم القديم وتريد العابها وغراضها الي هناك بس ياريت لو كلشي يريده الانسان يصير)
مريم (جانت شابكه اسيل وتلعب بشعرها): يله حبيبتي شوكت تنامين
اسيل (تذكر امها وتبجي): اريد ماما😭
مريم : يا عمري كافي والله اني هم مشتاقتلها لتبجين كوه داتحمل علمودج ماابجي
اسيل : ابجي منو كلج لتبجين
مريم : اسيلل😢
مر كم يوم وصار العيد
اسيل : مريم باجر عيد😔
مريم : اي حبيبتي شمدريج
اسيل : سمعت الجهال يحجون☹️
مريم : تعالي يمي يا عمري
اسيل (راحت يمها وحطت راسها بحضن مريم): باجر منو يكعدنه الصبح ويسويلنه ريوك نحبه ويفاجئنه وينطينه عيديه😢 منو راح يودينه العصر للالعاب
مريم (تجمعت الدموع بعيونها): يا عمري الله كريم ميخالف الله يمهل ولا يهمل
ثاني يوم اسيل كعدت تباوع من الشباك للحديقه الي بصف الميتم تشوف الجهال يلعبون ولابسين هدوم العيد والي طالعين ويه اهلهم والي رايحين لاقاربهم
مريم (راحت لاسيل ووخرتها من الشباك اخذتها يمها)
اسيل : ليش هيج صارلنه اني اريد احتفل بالعيد ويه ماما وبابا😭اريد هدوم جديده مثل هذوله البنات اريد العب واريد هدايا هم مثل قبل
مريم : يا حبيبتي والله اسويلج كلشي تردي بس انطيني وقت
اسيل (ظلت تبجي)
(وره شهر تقريباً من زادت الاعداد بالميتم قرروا يفصلون الي اعمارهم اقل من ١٠ سنوات عن الي اكبر من١٠ سنوات يعني حينقلون مريم لغير مكان بعيد عن اسيل واجو دياخذوهم)
اسيل : اريد اختي😭😭مااا عوفوها اريد اختي
مريم : اسيل حبيبتي لتبجين
اسيل (صاحت): مااا مااا ليش ياخذوج ميصير هيج اريدج يمي انتي امي ماعندي بعد غيرج😭
مريم (فلتت ايدها من المربيه الي لازمتها وراحت شبكت اسيل): حياتي يا عمري انتي صيري حبابه وقويه اني احبج وماما هم تحبج تموت عليج وبابا هم يحبج اكثر علمودي اذا تحبيني لتبجين
اسيل (صاحت وهي تبجي): مااااا معليه ابقي يمي لترحين
مريم : مو بيدي والله😭محد يسمعنه هنا اذا حجينه
المربيه اجت وبعدت اسيل عن مريم ولزمتها وثانيه جرت مريم بره واخذوها
مريم (حاولت تقاوم وتبقه بس ماكدرت وانصاعت للامر الواقع رغم صعب عليها تعوف اخر شخص بقالها من عائلتها بس انجبرت)
اسيل (صوتها انبح من البجي والصياح): هاي امي ليش اخذتوها شلون اعيش بدونها😭😭
المربيه (صاحت على اسيل): كافي اسكتي ماريد اسمع صوتج ذبحتينه
اسيل (كاموا يخوفون بيها ومرات يضربوها صار عمرها ٧ سنوات مخلوها تفوت للمدرسه اسيل صارت معزوله عن العالم الخارجي عايشه بالقبو مال الميتم دائماً يحبسوها بي لان متسمع كلام وبس تبجي كامت متحجي ويه احد نست شلون تحجي اصلاً اسيل كلش حلوه شعرها اصفر ذهبي وعيونها رماديه تخبل بالشمس وبشرتها بيضه اسيل صارت جلد على عظم ضعيفه حيل كلشي متاكل او همه مينطوها اكل كل يومين يله يتذكروها اسيل عاشت مأساة بهذا الميتم دائماً تتذكر مريم وشلون جانت تخاف عليها وتعاملها بالشهر الي بقت بي يمها مريم جانت تنطي اكلها لاسيل لان الوجبه الي ينطوها الهم قليله ومتكفي فجانت تنطي الها حتى تشبع ومن تسوي شي غلط هي تدافع عنها وتكول هي سوته وتتعاقب بدالها اسيل صح انكسرت من توفوا اهلها بس كسرتها الحقيقيه من بعدوا مريم عنها من اخذوها منها انتهت اسيل صارت مجرد جسم بدون روح اختفت ضحكتها الي جان صوتها يصدح بالبيت وجهها شاحب وجوه عينها اسود شفتها يابسه طفله صغيره شنو ذنبها بالي صار كله وطوال هاي السنوات ياسر مكدر يرجع جان بس يدز فلوس للميتم باسم مريم واسيل معرف بالي صار بيهم حتى الفلوس مصرفوها علمود اسيل لا همه ياخذوها المربيات)