طفوله (مكتمله)

النهايه

حسن : ها شنو اختاريتي
مريم : لاماريد
حسن : شنو معجبج الاكل عادي كولي اي شي يسوون
مريم : اختار انت
حسن : زين باعي اختاري اي شي
مريم (رجعت لزمت القائمه وتباوع جهة الاسعار وهي خجلانه)
حسن (شافها وعرف بسبب الاسعار مدتاخذ شي): خلص اني اعرف شتحبين اني اطلبلج بدون نقاش (اشر للنادل وطلب منه وراح)
حسن : مريم
مريم (جانت لازمه ايديها جوه الطاوله حيل ومدنكه راسها من حاجاها باوعتله): نعم
حسن : لَيـش مرتبكه شبيج مضايقه من شي
مريم : لابالعكس
حسن : لعد شكو
مريم (حست بالذنب لان هو حاجزلها بمطعم وجايبلها خاتم وفستان وهي دتنكد عليه فابتسمت وحاولت متبين): ماكو شي اي مكلتلي شنو المفاجأه
حسن : متبقى مفاجأه اذا حجيت
(ظلوا يسولفون نوب اجه الاكل من كملوا طلعوا وجانت الساعه ٨:٠٠م راحوا لغير مكان)
حسن (فتحلها باب السياره): يله تعالي
مريم (نزلت وباوعتله): شكو هنا
حسن (سد الباب واخذ ايدها ومشه): هسه تعرفين
مريم (ظلت تمشي ويا منتبهت للطريق جانت تباوع على ايديهم وره فتره وكف حست عليه): ها
حسن (عاف ايدها): انتظريني
مريم (باوعت داير مدايرها ظلمه وماكو احد): انتظر حسن وين رايح
حسن (ابتعد عنها): انتظريني لاتتحركين
مريم (ظلت تباوعله لحد ماختفه من كدامها ظلت تلتفت يمنى ويسرى تريد تعرف منين اجو بَـس هي مثل الثوله مجانت منتبهه ظلت تقريباً ربع ساعه وهي خايفه وحدها حست انو راح وتركها عافها هنا علمود متعرف ترجع تجمعت الدموع بعينها وظلت تبجي وره شويه شافت ضوه حاولت تهدئ روحها وراحت باتجاهه شافت شموع بالكاع وكفت بنصهن جانت خايفه من الظلمه شافت حسن اجاها راحتله بسرعه وحضنته ونزلت دموعها من جديد): لَيـش رحت وعفتني
حسن (حضنها وهو يبتسم): مرحت هاي اني
مريم : وين رحت
حسن : غير كلتلج اكو مفاجأه حبيبتي المن تبجين
مريم (تمسح بدموعها وينزلن): كلشي ماريد بعد خل نرجع
حسن : شلون وكلهم دينتظرون
مريم (ابتعدت عنه وباوعتله): شنو منو
حسن (صفق بايديه واشتغلت كل الاضويه مال الحديقه الجانو بيها وجانت محضره لحفله وعدد من الناس اكو وياهم اسيل وندى ومحمد ويزن وزيد وياهم وكلهم لابسين ملابس حفله)
ندى ومحمد (راحوا لحسن ومحمد بيده باقة ورد وندى بيدها علبه حلوه انطوهن لحسن)
مريم (تريد تفتهم شكو): هاي شنو
حسن (ابتسملها وبيده الورد والعلبه وكف كدامها): مريم عشنه سوه اكثر من سنه تحملتي مني الحلوه والمره وتعبتي بحياتج هوايه اعرف بس من التقيت بيج تغير كلشي بحياتي للاحسن من دخلتولها انتي واسيل وندى ومحمد ويزن لونتوها وخليتولها غير طعم
المهم اريدج تعرفين بالرغم من الوصيه اني مجنت راح اطلعج من حياتي ولامن بيتي من البدايه ردت اعرض عليج الزواج بَس الظروف المرينه بيها مجانت مناسبه
بَـس اليوم هنا وكدام الكل صح احنه مزوجين بَـس اريد اعرف ردج الحقيقي بعيداً عن الوصيه ولااي شي يجبرج
(فتح العلبه وبيها حلقه وركع كدامها): مريم تقبلين تتزوجيني
مريم (جانت الدموع متجمعه بعينها رادت تجاوبه بس وكفت كدامها مكانتهم بالمجتمع نزلت دموعها ونزلت راسها من حست هو يستحق وحده احسن منها)
حسن (عرف مريم شدتفكر فوكف ورفع راسها ومسح دموعها وهمسلها): مريم لشوكت تبقين هيج تفكرين هاحبيبتي كم مره كتلج انو المظاهر مو مهمه مراح نبقه للابد هيج تخيليني خسران كلشي ومعيشكم بغرفه ويادوب اجيبلكم لقمه ذاك الوقت راح تقبلين تبقين واكفه ويايه
مريم (مسحت دموعها): طبعاً اقبل
حسن (باس راسها): لعد اذا انتي تقبلين بيه باسواء حالاتي مستعد انطيج عمري وحياتي مو بَس اشاركج بيهن
مريم : اسم الله
حسن (ابتسم وانطاها الورد): يله انطيني ايدج (لبسها الحلقه وغمز لاسيل) يله روحي تحضري
مريم : لَيـش
اسيل (لزمت ايد مريم): اختي حبيبتي واخيراً راح اشوفج عروسه
مريم : شنو عروسه
حسن : اخذيها اسيل راح تظل تسال لباجر
اسيل (جرت مريم واخذتها لغرفه مال تبديل): يله تعالي منلحك
مريم : لَيـش شكو بعد (باوعت بالغرفه شافت بدله بيضه تخبل وحذاء واكسسوارات والمسكه مال الورد وكلشي جاهز حطت ايدها على حلكها): هاي شنو اسيل
اسيل : يله لبسي بسرعه شويه وارجعلج لاتظلين مصدومه هوايه بدلي بسرعه
مريم (لبست البدله وحطت مكياج كلش بسيط وطلعت كلش حلوه جانت فرحانه وتباوع للبدله بالمرايه مجانت تتوقع انو حتلبس بدله بيضه فد يوم بس تحقق الي جانت تحلم بي)