طفوله (مكتمله)

٥/وصيه

مريم (من فتحت عيونها رادت تعرف شنو صار شجابها هنا باوعت على يمينها شافت اسيل لازمه ايدها ونايمه ومبين باجيه باوعت من الجهه الثانيه شافت حسن وهم عيونه مورمه): حـ...ـحسن
حسن (لزم ايدها): هششش نامي بعدج تعبانه
مريم (بتعب): شنو .... صار ليش احنه بالمستشفى
حسن : بعدين نحجي شوفي شلون تعبانه كوه تحجين هسه نامي
مريم (هزت راسها وغمضت عيونها وره ثواني انتظمت انفاسها)
(مرت خمس ساعات ومريم بعدها نايمه حسن اخذلها اذن خروج على انو هو يهتم بيها وطلعها وهي بسابع نومه صارلها اشهر منايمه هيج)
مريم (وره فتره كعدت فتحت عيونها شافت روحها بغرفه لا مو غرفة المستشفى ولاغرفتها جانت بمكان معرفته كامت رغم حست بدوخه بس كملت طريقها للباب وفتحته من طلعت مكدرت تمشي خطوتين وداخت رادت توكع وره ثواني محست بنفسها بالكاع لا اكو احد شايلها فتحت عيونها شافت حسن ووجهها صار يذب الوان)
حسن : تؤتؤتؤتؤ همزين جنت جاي داشوفج مو كتلج لازم ترتاحين ليش كمتي ها يله راح ارجعج ونامي ماريد تكومين دقايق وتصير الشوربه حتى تاكلين
مريم : اااا... ببس هاي شجابني هنا مو جنت بالمستشفى واذا طلعوني ليش مرجعتني لبيتي وماريد اكل ماشتهي ووين اسيل ووو (صار وجهها احمر) ونزلني ليش شايلني
حسن : اولاً اني طلعتج على مسؤليتي وثانياً جبتج لبيتي حتى ادير بالي عليج لان مثل مكلت طلعتج على مسؤليتي وثالثاً لازم تاكلين والا استخدم غير طرق ورابعاً اسيل جانت تنتظرج لحد مانامت وخامساً شلتج لان ردتي توكعين واصلاً نسيت انو اني شايلج لان مابيج وزن هالكد ما ضعفانه وتعبانه مستحيل ترحين لأي مكان قبل مترجعين دبدوبه
مريم : عاااااا ولي اني مجنت دبدوبه
حسن : ميهم صيري دبدوبه (رجعها للغرفه حطها على الفراش) ولا حركه اجيب الاكل واجي مفهوم
مريم (هزت راسها اي بدون ولا كلمه)
حسن : عفيه هيج صيري شطوره سمعي الكلام
مريم (عصبت): عاااااا اني مو طفله
حسن : ماشي ماشي (راح جاب الاكل واجه كعد كدام مريم وانطاها الاكل) يله اكلي
مريم (دارت وجهها عنه): مااا ماريد😒
حسن : وتكلي مو طفله لعد هاي التصرفات شنو مال كبار مثلاً
مريم (باوعتله معصبه): اي طبعاً لعد شنو
حسن (حط اصبعه على كصتها ودفعها): لا انتي طفله واصغر من اسيل هم
مريم : مااااا انت الطفل (عصبت نوب بدت تنزل دموعها)
حسن : 😦يووؤ مريم
مريم : ما لتحاجيني
حسن (وخر الاكل وتقرب يمها مسح دموعها): ليش ليش هيج ليش دموع
مريم : انت تحجي عليه
حسن (حضنها): اوك اسف بعد ماعيدها ماشي هسه اوك
مريم : هههههه شفت شلون خليتك تعتذر خدعتك
حسن (عافها وباوعلها بطرف عينه): لاوالله
مريم : اوك سكتت😶
حسن (حط الاكل كدامها): يله اكلي
مريم : بس ماشتهي
حسن : تاكلين لو اوكلج صار كومه مماكله صار ساعه نتفاهم راح يبرد الاكل
مريم : ماريد☹️
حسن (قرب الخاشوكه يم حلكها): يله لتعاندين هذا كله تخلصي معدتج متقلصه من قلة الاكل ونوب نزفتي من وكعتي اكلي يله
مريم (اكلت): مممم هذا منو طبخه
حسن : اني😌
مريم : ااااااا😖😣 مو طيب
حسن : صدك معجبج عادي هسه اسوي غيره (شال الاكل راد يكوم)
مريم (لزمته): لا اشاقه وياك كلش طيب
حسن : لج هسه وكت شقه كافي صار ساعه يله لكمه وحده
مريم : اوك (بدت تاكل لحد ما حست حسن ديباوعلها من بدت للان حاجته بدون متباوعله): شنو اني تلفزيون مثلا
حسن (جان صافن عليها لحد ماحس على روحه من حاجته دار وجهه): احم لا هيج جنت دافكر اشوف اسيل واجي كملي اكلج
مريم (كملت وحسن بعده ماكو كامت وشالت الصحون وياها دتريد تطلع اجه حسن)
حسن (اخذ منها الصحون): ليش كمتي وين رايحه
مريم : كملت داريد اغسل المواعين
حسن : لا بعدج ستوج طالعه من المستشفى عوفي المواعين هسه يله رجعي نامي
مريم : شلون ميصير
حسن (حط الصحون على الميز ودفع مريم رجعها للجربايه نومها وغطاها): اذا اجيت لكيتج متحركه تتعاقبين ماشي (اخذ الصحون وطلع)
(مرت فتره نوب اجت يمها اسيل فرحت حيل من شافتها تحجي ونزلت دموع الفرح من عينها نوب مرت ايام ومريم واسيل بقوا يم حسن مخلاهم يرجعون وحدهم هو اهتم بيهم وراقب الجرح مال مريم الي براسها اول ايام مخلاها تطلع للدوام جانت بس اسيل يوديها ويرجعها بعدين بدت تداوم بالجامعه عرف بسالفة الشغل مالتها ومنعها انو تشتغل بي بعد ومخلاها تقره اي شي ولا تسوي اي عمل ينرادله تركيز كل هذا علمود عيونها)
مريم : اوف تره باجر عندي امتحان شلون خل اقره
حسن : ماكو اني اقرالج غير هالكلام ماكو قرايه
مريم : اوووك يله ابده احجيلي خل اسمع (اتمددت على القنفه وهو كاعد كدامها بده يقرالها وهي كلساع تكله مسمعت مفتهمت عيد)
حسن : مريم هالشي مراح يخليني ابطل وانما راح اصر اكثر
مريم : اووووف ماشي اسفه
حسن (ظل يشرحلها لحد ما خلصوا): هسه ماشي
مريم : اي
حسن (سد الكتاب وكام حطه على الطاوله): يله هسه شنو
مريم (كعدت عدل وحجت): حسن😔
حسن (باوعلها): شنو
مريم : امممم يعني ماعرف شكول بَس صار فتره افكر بهالشي
حسن : شنو احجي
مريم : بالنسبه لكعدتنه اني واسيل يمك
حسن (كعد كدامها): شنو اكو شي مضايقكم او تـ..
مريم (قاطعته): لالا بالعكس ماكو شي مضايقنه
حسن : لعد شنو
مريم : احنه دنضغط عليك دتتحمل مصاريف زايده بسببنه ومحمليك مسؤوليه وانت متربطك علاقه بينه واعرف كلام الناس الدينحجي عليك لان احنه وياك بالبيت فـ...
حسن (قاطعها): مريم اني كل هذا ميهمني اهم شي راحتكم انتو
مريم : بس لشوكت راح نبقه حمل عليك ميصير هيج
حسن : بس مريم انتو متكدرون وحدكم شلون اعوفكم نسيتي الي صار
مريم : اي بس اني جنت وبعدني اكدر اعيش وحدي واتحمل مسؤوليتي ومسؤلية اختي
حسن : اعرف ومحد كال انتي متكدرين بس ماريدج تتعبين ا.....
مريم (قاطعته بابتسامه): اعرف انت مهتم وخايف علينه وتريد مصلحتنه بس احنه نكدر نعيش وحدنه مثل مجنه
حسن : ا...(قاطعه صوت التلفون رقم ياسر) بس لحظه
مريم : اوك
حسن (جاوب): الو شلونك عمي
جندي : الو ألسَلامُ عَلَيِكمُ
حسن (تفاجأ مو ياسر الي جاوبه ظل باله): وعليكم السلام نعم اخي صاير شي وين صاحب التلفون
الجندي (بأسف): ابني الاعمار بيد الله واليوم الملازم ياسر استشهد ويه الفرقه مالته
حسن (انصدم): نعم؟؟؟
الجندي : ابني اذكر الله
حسن (استوعب الي ديصير وحط ايده على وجهه نزلت دموعه): انا لله وانا الله راجعون
مريم (مرتاحت وحست اكو شي)
الجندي : ابني حسن ياسر ترك وصيه ومكتوب بيها رقمك واسمك علمود نوصلها الك ويصير عندك علم دزلي عنوانك بالتفصيل برساله علمود يجيبولك الوصيه
حسن : ان شاء الله شكراً (سد الاتصال دز العنوان نوب ذب التلفون حط ايديه على وجهه واخذ نفس عميق)
مريم (بخوف): شصار حسن منو توفه
حسن (وخر ايديه وحجه بخنكه): استشهد يا مريم استشهد
مريم (حطت ايديها على حلكها وتجمعت دموعها): لاتكول
حسن : كالي الاعمار بيد الله واليوم الملازم ياسر استشهد
مريم (ظلت تبجي هذا الانسان الي ساعدهم هي واختها ورغم هذا من راح ظل يفكر بيهم ويدزلهم فلوسه ورجع ساعدهم من جديد ولوما هو جان معرفوا حسن ومتحسنت اسيل ومحد وكف وياهم مريم جان ماتت من وكت مانزفت لو ماهو جاي محد جان اهتملهم)
حسن (دمعت عيونه وهو يحجي): اني جنت الوحيد لاهلي امي توفت وره ولادتي وابويه استشهد جان ياسر صديقه هو تكفلني وره والدي ورباني بفضله صرت دكتور هو ساعدني لو ماهو جان انتهيت بالميتم مجنت اعرف شلون اردله جميله ملحكت اعتني بي مثل مااعتنه بيه مكدرت اردله ذره من السواليا
(اندك الباب)
حسن (مسح دموعه وراح فتح الباب وره شويه دخل وبيده ظرف): هاي الوصيه
مريم : اذا تريد تردله الجميل مثل متكول معناها لازم تنفذله الوصيه لان الظاهر هو تاركها الك
حسن (تردد اول شي انتظر فتره يفكر قبل لا يفتح الظرف ويقره الوصيه بصوت):
بسم الله الرحمن الرحيم
ابني حسن هالرساله راح توصلك من الله ياخذ امانته واموت لو استشهد
اني ربيتك وحبيتك مثل ابني الي ماحصلت عليه ابوك جان غالي عليه ومات بين ايديه استشهد بدون ميوصيني عليك اني اخذتك يمي وربيتك لحد ماكبرت وتخرجت والله وفقك
هسه انت كبرت وتكدر تتحمل مسؤوليه ولازم تعرف انو اني متكفل باكثر من طفل مثلك ومثل مريم بس انت اكبر واحد بيهم وبعدك مريم والبقيه اصغر منكم بنيه وولدين اتمنى اذا مكدرتوا تداروهم تنطوهم ولو مبلغ بسيط من الفلوس حتى يهتمون بيهم هذا طلبي الوحيد منكم انت ومريم وطبعاً مريم واسيل امانه يمك انتبهلهم زين.
ندى ٨ سنوات
محمد ٥ سنوات
يزن سنه
العنوان.......
مريم : بعدهم صغار
حسن (كعد وحط وجهه بين ايديه): مريم احتاج مساعدتج
مريم (كعدت يمه وحطت ايدها على ظهره): عمو ياسر مثل ما اله فضل عليكم فاني لو ما هو جان متت من عمري ١٢ سنه وبنفس الوقت مساعدتك الي مااكدر اردلكم جميلكم ويايه بأي ثمن فاكيد اني واكفه وياك
حسن (باوعلها): شكراً مريم (باوع للساعه) تاخر الوقت باجر عندج امتحان
مريم : اوك تصبح على خير
حسن : وانتي بخير
(ثاني يوم راحت مريم امتحنت وخلصت فترة امتحاناتها واجت العطله العصر راحت تحجي ويه حسن)
مريم : ها فكرت بالاطفال
حسن : اي
مريم : وشنو قرارك
حسن : راح اتبناهم اليوم تكدرين تجين ويايه
مريم (فرحت لان حينفذ الوصيه): اي اكيد
حسن : يله بدلي خل اصيح لاسيل
(بدلوا وراحوا بالسياره للعنوان ووياهم الوصيه بما انو ياسر جان متكفلهم فبالوصيه يكدرون يتكفلون الاطفال مكانه وصلوا وراحوا للمكتب)
المديره : ألسَلامُ عَلَيِكمُ تفضلوا
حسن : وعليكم السلام اكو ثلاث اطفال ندى ومحمد ويزن عمي ياسر الله يرحمه جان متكفلهم ويرسللهم مبلغ مالي مثل مكتب بوصيته وهسه احنه جايين نريد نتبناهم مثل ماتركلنه بالوصيه
المديره : ممكن اقره الوصيه
حسن (انطاها الوصيه): نعم تفضلي
المديره (تاكدت من الخط من الرسائل الي جان يدزها ويه الفلوس للاطفال وكالت للمربيه تجيب الاطفال)
المربيه (اجت شايله طفل وولد وبينه يمشون وياها)
مريم (راحت لندى ومحمد بابتسامه نزلت لمستواهم): هلو شلونكم
ندى : زينين
محمد : انتي ماما الجديده !؟
ندى : يعني راح يصير عدنه بيت مثل قبل!
محمد : اريد اروحله
مريم (حظنتهم من حجيهم تذكرت الي صار بيها هي واسيل فمحبت يصير بيهذوله الاطفال مثل الصار بيها قررت ترعاهم لو شيصير شنو ذنبهم): اي اني ماما وراح يصير عدكم بيت جديد حلو نعيش بي سويه ونتونس باعوا هاي اسيل مثل اختكم الجبيره راح تحبكم وتلعبكم