طفوله (مكتمله)

٨/عائلتي❤️

حسن : اول شي انتو مو مجرد نفرات واحسبكم عدد لا انتو جزء من روحي هسه صرتوا عائلتي الي اول مره احس بطعمها بفضلكم فمستحيل اسوي شي ياذيكم ولاتخافين مو حرام هذا البيت ملك عائلتي جنت عايش بي بصغري امي توفت من جنت صغير ووره فتره مثل ماكلت ابويه توفه فامي هي الوحيده لاهلها فمن توفوا اهلها ورثهم صار الي وابويه كذلك فعمي الله يذكره بالخير طمع بهالشي واخذني صار وصي عليه وره فتره تركني بميتم وراح وره فتره تعرفت على عمو ياسر رعاني بعدين لحدما كبرت ودرست واشتغلت وقبل اسبوع من ما ياسر يعرفني عليكم وصلني خبر عمي توفه جان طمعان بالفلوس حتى متزوج علمود ليصرف فلس وكل الي اخذه مني رجعلي سبحان الله يمكن هالشي جان مقسوم وحتى ما اصرف الفلوس واخلصهن استثمرت قسم منهن بمشروع مولات ونجح والحمدلله وهذا البيت هم من دخلتله من جديد جان هادئ مابي صوت وماله طعم بَـس هسه بوجودكم رجعتله الحياة داحس انو الله انطاني هالفلوس علمود اكدر اعوضكم عن الي مر ولو بشي بسيط (حط ايده على راسها) وهسه تطمنتي
مريم (معرفت ليش بس جانت كوه لازمه دموعها وهو يحجي اخر شي حضنته وبجت)
حسن (عرف جوابها فحضنها وظل يمسح على ظهرها علمود تهدئ)
يزن (فتح الباب ويباوع عليهم من شاف مريم تبجي هو هم بجه وراح حضنهم)
حسن (شاله): ليش تبجي حبيبي
مريم (ابتعدت عنه وتحاول تهدي روحها)
يزن (وهو يبجي): لان ماما تبجي
مريم (مسحت دموعها): حبيبي مابيه شي شو تعال (اخذته وحضنته سكتته)
يزن : اني جوعان
حسن (شاله): يله نروح ناكل (باس راسها) غلسي وتعاي ماريد بعد دموع ماشي
مريم (هزت راسها اي)
حسن (طلع هو ويزن)
مريم (غسلت وابتسمت بينت كلشي طبيعي وطلعتلهم)
حسن : وهاي اجت ماما يله خل ناكل
اكلوا سويه تريكوا بعدين كعدوا سويه يلعبون لحد ما صار وقت الحفله مال مدرسه ندى ومحمد بدلوا وراحوا ووره الحفله راحوا مطعم اكلوا ورجعوا للبيت متونسين
مريم (صعدت وياهم فوك عدلت غراضهم ونزلت راحت للغرفه)
اسيل (نزلت راحت وره مريم وسدت الباب)
مريم (باوعتلها): ها اسيل
اسيل (كعدت على الجربايه): تعالي كعدي كدامي
مريم (كعدت كدامها): هاشصار
اسيل (لزمت ايدها): مريم تره اني بعد مو صغيره فلاتعتقدين انو تقشمرين عليه مثل قبل اصدك ابتسامتج الي كوه راسمتها شنو مضوجج
مريم : هاي شنو عيني صايره شيخه واني مادري لامو ضايجه
اسيل : حسن اله علاقه؟؟
مريم : حسن شعليه
اسيل : اكثر من مره نزلت الكا نايم بالاستقبال مو خطيه كل هالمده ظهره متاذي ها ليش متحسين
مريم : حسن من ينام يحضن اليمه خو شفتي اليوم ذيج المره ندى وهسه يزن بعد انتي ومحمد مشرفتونه
اسيل : اي شفت كلش حلوين 😍
مريم : لامو حلو مارتاح
اسيل : مبين مو اني الجنت حاضنته ونايمه وانتي ساعه تحاجيني ماجاوب فاصله من الرئيسي
مريم (خجلتها فصاحت عليها): ولج كافي يله امشي طلعي بره بعدني منطيتج مجال اكلتيني
اسيل (طلعت ركض وهي تضحك لان مريم شمرت عليها المخدات وكفت تاخذ نفس من الضحك)
حسن : هاشبيج اسيل
اسيل (فكرت شويه بما انو الدنيه بارده ومغيمه يعني راح تمطر مريم بالمطر تموت خوف): حسن تدري فد شي
حسن : شنو
اسيل : دير بالك على مريم لان مبين راح تمطر وهي كلش تخاف من المطر يعني متتخيل شكد تخاف
حسن : زين شسوي
اسيل : اذا مطرت روح يمها😕
حسن : اوك يله من تصعدين تاكدي من التدفئه والجهال متغطين زين قبل لاتنامين
اسيل : ماشي (صعدت)
حسن (راح للغرفه بدل هدومه ورجع كعد يم التلفزيون وره نص ساعه بده المطر حس حركه باوع شاف مريم): ها مريم
مريم : دتمطر
حسن : اي عادي طبيعي
مريم : اوك اوك رايحه
حسن : اذا تردين تعالي نباوع الفلم سوه
مريم : لا اريد انام
حسن : ماشي براحتج (راحت ووره شويه زاد المطر وطفت الكهرباء ومريم مالها صوت فاخذ ضوه وكام رايح للغرفه فصار صوت رعد قوي محس اله مريم طلعت من الغرفه وطفرت عليه)
مريم (بَـس صار صوت قوي صاحت من الخوف كامت تريد تطلع من الغرفه ركض شافت حسن كدامها طفرت عليه حضنته بايديها مجلبه برقبته ورجليها داير مداير خصره): حسن رعد ودتمطر
حسن (ابتسم عاف الضوه على صفحه وحط ايديه على ظهرها لتوكع): ماكو شي مريم اني هنا يمج
مريم (ظلت حاضنته): لاتعوفني حباب والله اخاف
حسن (سند ظهرها علمود لاتوكع): اوك باقي (ظل واكف شويه وهي متحركت نفس الطفره بعدها مجلبه صار هدوء شويه بس صوت المطر مستمر)
حسن : بس مريم تره ماكدر ابقه هوايه شايلج هيج
مريم (حست شويه على نفسها شافت روحها هيج مجلبه بي عافته ودفعت روحها)
حسن (لزمها): على كيفج جان وكعتي
(رجع صوت الرعد)
مريم (غمضت عيونها وحضنته بس هالمره بدون متطفر عليه)
حسن (مسح بايده على شعرها): مريم لاتخافين
مريم : ليش ماكو كهرباء
حسن : لان دتمطر فيطفوها علمود الاسلاك تعالي خل نشوف الجهال
مريم : اي خطيه هسه اكيد ميتين خوف
حسن (لزم ايدها وراحوا يصعدون): ديله خل نشوف منو الخايف
(راحوا لاسيل وندى شافوهم نايمين ومحمد ويزن هم بسابع نومه عافوهم ونزلوا)
حسن : شفتي اصلاً محاسين بسابع نومه
مريم : يعني شعليه
حسن : يله هسه تاخر الوقت بعد روحي نامي (راد يروح)
مريم (بقت لازمه ايده): لالا عفيه
حسن : شنو
مريم (دمعت عيونها): ماريد ابقه وحدي ابقه يمي لاتروح
حسن (مسح دموعها): اوك اوك بدون بجي هسه وين رايح هاي يمج
(راحوا بالغرفه كل واحد نام بصفحه)
مريم (بقت خايفه من الاصوات بَس استحت تقترب من عنده بعد ظلت مغمضه عيونها حيل وترجف)
حسن (اندار عليها حس بيها جرها يمه وحضنها)
مريم (محجت شي اصلاً محست شي وراها)
مريم (كعدت الصبح قبلهم الجو صار حلو فتحت الشبابيك ديتغير هوه البيت وراحت حاجت الجهال علمود يكعدون نوب نزلت بدت تحضر الريوك وتحط على الميز جانت دتقطع خيار وطماطه)
ندى (نزلت قبلهم)
مريم : ندى حبيبتي روحي شوفي بابا كعد لو بعده كعدي
ندى : ماشي (راحتله)
اسيل (وره شويه نزلت تفرك بعيونها وتباوع لمريم)
مريم (انتبهتلها): شكو اكو شي بوجهي
اسيل : شنو هالطاقه من الصبح شلون كدرتي تنامين البارحه
مريم (من تذكرت صار وجهها احمر ووكفت عن التقطيع باوعت لاسيل جان شافت حسن موجود)
حسن (اجه شايل ندى)
ندى : ماما طلع بابا كاعد
حسن : شبيها مريم
اسيل : كلتلها شعجب كدرتي تنامين البارحه صارت حمره
حسن : اها خوش وين يزن ومحمد نزليهم خل نتريك
اسيل : ماشي
ندى : اني هم اجي
(راحوا فوك)
حسن (ساعد مريم وكملوا السفره)
حسن (راح لمريم باس خدودها وقرصهن): ليش خدودج حمر
مريم (تجمدت بمكانها من الخجل وخدودها صارن حمر اكثر من قبل)
حسن : تنفسي مريم
مريم (جانت قاطعه نفسها جرت نفس من كللها)
حسن (لزم ايديها): مريم اريد اكلج شي
مريم (باوعتله)
حسن : مريم اني ا....
محمد وندى (قاطعوهم وهمه يصيحون بفرح ويصفكون): بابا يحب ماما
مريم (باوعتلهم): ها؟؟
حسن (دارها عنهم حضنها وهمس باذنها): معليج بيهم خربوا اللحظه اعوضها بعدين ماشي
مريم (مفهمت قصده)
حسن (عافها وراحلهم): وليش ماحبها يعني (شال يزن وكعده على كرسيه) يله تعالو خل ناكل
(كعدوا كلهم واكلوا مر الوقت وتغدوا وصارت عصر مريم انسحبت شويه للغرفه حسن شويه شويه انسحب منهم وراح وراها)
مريم (من دخل للغرفه باوعتله)
حسن : نكدر نحجي شويه
مريم : اي طبعاً
حسن : راح احجي واريدج تفكرين زين بالي اكوله انتي حره ومن حقج تعيشين مثل باقي البنات تطبين وتطلعين وتفترين وتعرفين اصدقاء بس انتي من الركض وره البيت والجهال مدتكدرين تسوين باقي الاشياء براحتج ....
مريم (قاطعته): بس ا...
حسن (قاطعها ولزم ايدها): مريم اسمعيني للنهايه تره داحس بيج واشوف التعب مبين عليج خصوصا بالدوام مابين دراستج والي تسوي كل يوم دتتعبين حيل ٣اطفال تره مو سهلين اذا اعتبرنه اسيل تعتمد على نفسها اني ماريد ااذيج ولانكون ثقل عليج وفكرت كلش زين قبل هالكلام اذا تردين ترحين فاني ما اكدر امنعج وانتي هاي حريتج
لاتعتبيرين من كلامي انو داتخلى عنج لابالعكس اني رايد مصلحتج والي يفيدج والي انتي تردين تختاري فما اجبرج (فتح ايدها وحط علبه صغيره بيدها وسد اصابعها عليها) راح انتظر اليوم لنهاية الليل يبقى الخيار يمج بعد (وصل للباب وباوعلها) راح اودي الجهال لبيت زيد امه تريد تتعرف عليهم
مريم (جاوبت وعيونها على العلبه): اوك
حسن (شافها شلون تباوع محتاره عافها تفكر وراح)
مريم (فتحت العلبه شافت الخاتم فكرت شويه نوب لبسته باصبعها وباوعت لايدها شلون تعبانه من الشغل والتنظيف نست روحها هالفتره ابد مهتمت بنفسها)

مريم (كامت فتحت الكنتور لكت كدامها الفستان)

مريم : الله شكد حلو هذا بكدي (لكت ويا ورقه"اذا وافقتي اتمنى تلبسين الفستان وتجيلي بره" فكرت شويه واتخذت قرارها)
(بعد ساعه)
مريم (طلعت لابسه الفستان وعافت شعرها مفتوح لان معرفت تسويله شي وشويه مكياج صارت كلش حلوه وصلت للباب الي يطلع على الحديقه شافت حسن لابس بدله رسميه وواكف منتجي على السياره اخذت نفس وفتحت الباب)
حسن (من سمع صوت الباب باوع شاف مريم لابسه الفستان فرح): مريم !!
مريم (ارتبكت): ها موحلو عليه عرفت والله خلص راح اروح انزعه (رادت تدخل)
حسن (وكفها لزمها من ايدها وفرها عليه): انتظري مريم بعدني محجيت شي
مريم (تجمعت الدموع بعينها): عوفني خل اروح محلو عليه
حسن (لزم وجهها بايديه): حبيبتي منو كلج محلو مجنت ادري الفستان حيصير هيج حلو لان انتي لابسته
مريم (نزلت دموعها): يعني بَـس الفستان حلو
حسن (ابتسم ومسح دموعها): لاطبعاً انتي الي محليته بس ماريد دموع اليوم اريد اشوف ابتسامتج الحلوه
مريم (ابتسمت)
حسن (ابتسم): اي عفيه (لزم ايدها واخذها ويا فتحلها الباب الي يم السايق) يله خل نروح اريد اشوفج فد شي
مريم (استحت من فتحلها الباب وخجلت رغم هو كل مره هيج يسويلها): اوك
(صعدت وسدلها الباب وراح صعد وحرك بالسياره لحدما وصل لمطعم راقي)
مريم : حسن شنسوي هنا
حسن (ابتسم نوب نزل وفتحلها الباب): تعالي ويايه وتعرفين
مريم (نزلت وسدلها الباب واخذ ايدها بايده ودخلوا للمطعم جان كله ورد وشموع والجو فد شي والنادل وداهم لطاولتهم)
حسن (سحبلها الكرسي حتى تكعد وراح كعد كدامها): هاعجبج
مريم : اكيد عجبني
حسن : تستاهلين هوايه اشياء احلى بَـس هذا الفكرت بي
مريم : لَيش هم اكو احلى من هيج
حسن : اكو وعلمود عيونج كلشي اسوي بس حتى اشوف بسمتج الحلوه
مريم (خجلت ودنكت راسها)
النادل (اجه قدملهم القائمه مال الطعام وراح)
حسن : شوفي شنو تاكلين لان اكو ورانه بعد مفاجأه
مريم : اوك (باوعت للقائمه شبعت بس شافت الاسعار كلها غاليه انصدمت حتى السلطه الطبق غاليه وعافت القائمه)