طفوله (مكتمله)

٦/حياة جديده

ندى ومحمد (انرسمت البسمه على وجههم)
مريم (شالت الطفل يزن وهي تلعبه)
المديره : هاي الطفله بتكم
مريم : لا هاي اختي اسيل
المديره : وانتي حضرتج زوجته صح ؟؟
مريم : لا احنه مثل هذوله الاطفال عمو ياسر جان متكفلنه
المديره (ظلت تتناقش وياهم لحد ما توصلت لنتيجه): ما ممكن تتكفلون هذوله الاطفال الا اذا تزوجتوا
مريم : بس ليش
المديره : بكل بساطه لان اذا واحد منكم صار وحده مراح يكدر يداري الاطفال ثلاثتهم الا اذا جنتوا سوه احنه لازم نضمن صحت البيئه الي حيعيشون بيها الاطفال ومستحيل تكون بدون ام واب حنونين حتى لو توفر البيت والمصرف الطفل من صغير هسه يحتاج لام بَـس من يكبر لازم يكون وياه اب يسنده بينما البنيه اكيد تحتاج امها ومتتخلا عنها ابد ماكو شي مثل الام وبتها واعتقد حضرتج حسيتي هالشي ويه اختج
مريم : اي طبعاً اوافقج الراي ست
حسن : ممكن بَـس لحظه نحجي بره على انفراد
المديره : عادي تفضل
حسن (كام واخذ مريم ويا وبعدها بيدها الطفل طلع بالحديقه): مريم انتي مامجبوره
مريم : اعرف (باوعت ليزن) بس هالاطفال شنو ذنبهم (انطته لحسن) هاك باوع بعيونه وشوف شتحس
حسن (كوه كدر يلزمه علمود ليوكع اول مره يشيل طفل صغير): صحيح ماله ذنب
مريم : مو بس هو حتى ندى ومحمد احنه كلش زين نعرف شنو يعني طفل يكبر بدون ابو وامه وهالشي ابداً مو حلو ماريد يحسون بالي حسينه بي ثانياً هي مجرد ورقه مراح تغير شي
حسن : اذا انتي حبيتيهم وموافقه اني ماعندي مانع
مريم (ابتسمت واخذت يزن وحضنته): اكو احد ميحب هالكائنات الحلوه
(دخلوا واتفقوا ويه المديره يكملون الاوراق علمود ياخذوهم ووره اسبوعين كملوا الفحوصات والمحكمه والشيخ والاوراق وجابوا الاطفال وراحوا لبيت حسن)
حسن : وهذا هو بيتكم الجديد عجبكم
ندى : حلو وجبير
محمد : يعني بعد راح نعيش هنا
حسن : اي طبعاً
ندى (حجت وهي مستحيه): زين عادي نكوللكم ماما وبابا
حسن : اي حياتي بكيفكم كلشي يعجبكم سوو
مريم (ابتسمت): اكيد عادي حبيبتي
محمد وندى (حضنوا مريم وحسن سوه): شكراً
حسن : يله شوفوا البيت علمود تختارون وين تنامون
(البيت طابقين جوه حديقه وكراج ومطبخ واستقبال وغرفه وفوك غرفتين وبالطابقين اكو حمامات)
اسيل : اني ندى تنام يمي فوك
حسن : لعد ومحمد يزن بالغرفه الثانيه
ندى : واكيد ماما وبابا بالغرفه الجوه
حسن ومريم (واحد باوع للثاني)
مريم (بيدها يزن): هسه يله خل نصعد نشوف الغرف علمود تبدلون وترتاحون
مريم (اخذتهم وصعدت فوك)
اسيل (بقت جوه هي وحسن) : هسه انت ومريم متزوجين صح
حسن : اي
اسيل : حسن عفيه لتزعل مريم تره هي تاذت هوايه من الي صار ومني فعفيه ماريد اشوفها زعلانه بعد
حسن (باس كصتها): احنه كلنه تاذينه هوايه ان شاء الله بعد نرتاح
اسيل : ان شاء الله
حسن : هسه انتي حافظي على دراستج زين فاتتج هوايه سنين اذا تحسين تكدرين تسرعين كوليلي علمود اساعدج
اسيل : خوش خل اصعد اشوفهم
حسن : ماشي
اسيل (صعدت)
حسن (كعد وحط ايديه على وجهه يفكر)
(الاطفال غيروا ملابسهم وكعدوا يسولفون شويه واجت اسيل اخذت يزن وكعدت يمهم)
مريم : اسيل ابقي يمهم خل ينامون شويه خل اشوف شنسوي غده
اسيل : تعوفيني وحدي يمهم
مريم : لج عمرج ١٥ سنه شكبرج تصيرين بعد هوه اني جوه اي شي صيحيلي
اسيل : ههههههه ديله خوش
مريم (نزلت): حسن
حسن (رفع راسه باوعلها): نعم
مريم (فركت ايديها متعرف شلون تطلب منه): اا محتاجين هوايه اشياء للاطفال شنو رايك نبيع الشقه علمود نـ...
حسن (وكف قاطعها): ماكو داعي نبيع الشقه هاي حقج انتي تعبتي بيها شنو محتاجين كوليلي مو بس للاطفال حتى انتي واسيل اني مستعد اوفرلكم احتياجاتكم
مريم : بس انت هم هذا تعبك ميصير كله عليك زين بما انو عطله خل اشتغل اني هم
حسن : اذا اني رحت للدوام وانتي هم رحتي منو يبقى يم الاطفال اسيل مستحيل تسيطر عليهم هسه مو مهم كلنه واحد
مريم : ا...
محمد (قاطعها وهو ينزل الدرج): بابا
حسن (راح شاله من وصل): هاحبيبي
محمد : اني جوعان
مريم : هسه اسويلكم اكل
حسن : خوش لعد شوفي شنو اكو نقص حتى اني وحمودي نروح نجيبه
محمد : اييييي
مريم : ماشي هسه اشوف (راحت للمطبخ وكتبت شنو تريد بورقه وانطتها لحسن)
حسن : بس هذا مناسيه شي
مريم : اي دير بالك على محمد بالشارع
حسن : ماشي يله نروح (لزم ايد محمد وطلعوا)
مريم (بدت تطبخ وره شويه رجع حسن انطاها الغراض )
مريم : وين محمد
حسن : صعد فوك محتاجه شي
مريم : لا لاروح اكعد يمهم شويه
حسن : خوش
مريم (من خلصت الغده صبت السفره وصاحتهم ومن كملوا اكل راحوا كل واحد لغرفته بس مريم معرفت وين تروح فبقت تباوع للتلفزيون وره شويه نامت بدون متحس )
حسن (طلع رايح للحمام جان سمع صوت التلفزيون باوع شاف مريم نايمه نسه تماماً انوا الاطفال اخذو مكانها فوك فشالها وداها بغرفته وكعد هو يم التلفزيون وره ساعه سمع صوت بجي صعد ليزن نزله يمه جوه يحاول يسكته بدون فائده)
مريم (سمعت الصوت وكعدت لكت روحها بغرفة حسن استغربت عدلت الفراش وطلعت): ها ليش يبجي
حسن : ماعرف ليش مايسكت
مريم (اخذته من عنده وسكت)
حسن : هاي شنو شسويتي
مريم : جنت لازمه حيل مأذي
حسن : غير اخاف يوكع
مريم : ههههه مولهل درجه
حسن : يله خوش هسه شوفي شنو محتاجين غراض الكم وللمطبخ خل نطلع نجيبهن
مريم : ماشي
راحت مريم بدلت للاطفال نفس الهدوم الاجو بيها لان هسه حيشترولهم هدوم وحطت مميه حليب ليزن بجنطتها وشالته ونزلت ووياها اسيل وندى ومحمد شافت حسن جاهز دينتظرهم لابس