طفوله (مكتمله)

٧/حلال ام حرام؟؟

وره اسبوع اضطر حسن يداوم لان صار فتره مرايح للعياده
حسن : صباح الخير
زيد : صباح النور وين هالغيبه عايف كل الشغل عليه
حسن : هوايه اشياء صارت يازيد
زيد : احجيلي
حسن : اذا احجيلك معناها اليوم هم مراح اشتغل باختصار صار عندي زوجه واربع اطفال
زيد (انصدم): شنو لك عمرك ٢٨ وبسبوعين تختفي ترجع عندك اربع اطفال ومتزوج من ورايه
حسن : عمي ياسر استشهد وعافهم امانه عندي بوصيته
زيد : انا لله وانا اليه راجعون البقيه بحياتك والله ماعرف شحجي
حسن : يمعود لتحجي شي
زيد : ان شاء الله امرلك للبيت
حسن : هله بيك
(من خلص المرضه العنده طلع وبالطريق جاب كم حاجه وياه ورجع للبيت بالاستقبال من دخل ملكه احد البيت هادئ راح حط الغراض بالمطبخ وبالغرفه ملكه احد استغرب وصعد فوك بسرعه فتح غرفة الولد شاف يزن واكف بالجربايه ومريم جانت نايمه على الكرسي بصف يزن فراحلها)
حسن (وكف يمها باوعلها ووخر شعرها عن وجهها وهمس): مريم مريم
مريم : ها ها كاعده ها حسن شوكت اجيت
حسن : هسه اجيت ليش نايمه هنا
مريم : يزن حرارته مرتفعه
يزن (ابتسم وصفك بايديه)
حسن (حط ايده على راسه): مبين مابي شي هسه ليش هيج مضوج ماما
يزن (ضحك)
مريم : من رحت هو بَـس يبجي وافتر بي حرارته جانت مرتفعه سويتله كمادات معرفت شسوي بعد
حسن : ليش مخابرتيني جان اجيت
مريم : غير عندك شغل
حسن : ميهم على الاقل يصير عندي علم بس وين البقيه
مريم : بالغرفه الثانيه يمكن ناموا هالكد ملعبوا
حسن : خوش يله تعالي جوه ارتاحي بين مانسوي اكل
مريم : لا مسويه الاكل جاهز معرفت شوكت تجي فحضرته من وكت
حسن (شال يزن): خوش يله لعد
كعدوا الجهال ونزلوا اكلوا وهمه دياكلون
ندى : ماما انتي ليش غراضج بغرفتنه فوك
حسن : فد مره احتاجتهن فوك ونستهن لان عدها غراض جوه
ندى : اها زين ليش البارحه من كعدت لكيت بابا نايم على القنفه وقبلها هم شفته
حسن : لان متعود انام على القنفه عادي
اسيل : حبيبتي من ناكل ميصير نحجي
ندى : خوش
(بالليل من ناموا الجهال ونزلت مريم شافت حسن)
حسن : مريم مو افضل تنزلين غراضج بعد جوه
مريم : ماعرف انت شتكول بَس شعليها واذا بقن
حسن : هذوله اطفال باجر عكبه كدام اي احد يحجون
مريم : ماشي
(صعدت جابت غراضها ورتبتهن بالغرفه طبعاً اخذت مساحه كلش صغيره محبت تحتل الغرفه اصلاً هي ماعدها لامكياج ولاغراض زايده بس اشياء بسيطه)
(وره يومين حسن بالشغل خابر لمريم كللها راح يجيهم زيد على العشه فهي حضرت اشكال والوان مقبلات واكل وحلويات وبالليل)
حسن (فتح الباب): اهلا وسهلاً
زيد : اهلا بيك (سلم عليه ودخل شاف بنيه انبهر بيها)
مريم (بخجل): ألسَلامُ عَلَيِكمُ اني مريم