قصة حياتي

حكاية الساحر 3

توقفت معك سيدي القارئ عندما أصبحت إذهب للشيخ محمد الرفاعي كل يوم نصف ساعة و علاجه لميمون ثم توبتي ثم حكاية الساحر غبرا و كفر النور و حكايته التي قال جزء منها بعد فقدانه للذاكرة .
ذهبت للشيخ محمد الرفاعي بعد أذان المغرب
قلت له : كمل يا شيخنا حكايتك
قال لي : حاضر
كلام محمد
--------------
قال عوضين : لا ما اتعودت علي كده، قصتي مليانه ماسئ و صعاب مش مهم عندك خالص يا باشا ، مسالتش نفسيك مين اللي بيجيب الأكل والشرب و الفلوس ، اكيد هما ، واكيد هما نفسهيم اللي سايبيني اقعد في المكان ده علشان أي حد يجيي أقوله الكلمتين دول و في دوره يعلي و يسخن و ينخرب علي خراب عشه و في الآخر تيجي عليا
قلت له : بص انت قولت المكان ده ليه حدوتة طيب ما تحكيها أنا عايز إسمع الحدوتة دي
قال لي : ماشي يا باشا صلي على الحبيب
قلنا : عليه الصلاة والسلام
قال عوضين : المكان ده يا بيه صاحبه واحد اسمه غبرا كان عايش هو و أسرته هنا بس هو ليه أسماء و أماكن كتير، سموه غبرا لأن أي مكان بيسكنه كان يدمره بسحره و عمولاته و بجنه، كان مخاوي، مكنش في حياته أي حاجة غير كده ، هو و مراته بيدمروا أي حاجة تقف قدامهم، دي حياتهم و ده دورهم نسل شيطان طالعين كده ياذوا خلق الله و خلاص، راحوا كذا مكان، و كل مكان يروحه ليه يجيبوا  عليه واطيه
مشهورين جدا و معروفين وأي مكان بكل مشاكله لسه منزلوش عليه يعتبر في نعيم
علشان لو راحوا ليه هيبقى جهنم
سموه غبرا علشان أي مكان بيروحه بتبقي ليلته غبرا، إسمه الحقيقي محدش يعرفه
قلت له : طيب و انت عرفت منين أنه عايش هنا؟
قال لي : هاحكيلك عرفت إزاي، يتقال أن الراجل ده شاف بلاوي و صعوبات كتير في حياته خلقت منه الشيطان ده، شيطان بمعني الكلمة بيعمل كل تقاليد الشيطان، كل حاجة قريت أو سمعت عنها ليها علاقة بالسحر و الأعمال السفلية و الحاجات الغريبه دي بيعملها و هي دي حياته، كان يأخد من الناس اتاوه علشان يسيبهم في حالهم لكن كان يحرق القرية و يموت الناس،  عامل زي دجالين ياما سمعنا عنيهم، لحد ما راحوا كفر صغير علشان يدمروه كان في الكفر ده شيخ هو اللي دمر غبرا و أسرته و موت ولده بقوة القرآن، بقوة ربنا ،الله أعلم، و قرر ميموتشي غبرا و قدر يجمع جيش من أهل البلد و مشوه من عندهم بعد ما ولده مات زي ما بيقولوا مات وسط العركه و اخد جته إبنه معاه و بدء يسخر على جته ولده السحر الاسود و الشعوذة و حط جواه روح شيطان ،الله أعلم إزاي ده يحصل لكن اهو حصل، و ياما جاب ناس و قعدوا معايا نفس القعدة دي لكن كلهم مستحملوش جبروته و مقدروش ينفذوا طلباته، و كانت اخرتهم هلاك، هما و كل اسرتهم و معارفهم .
قال الشيخ محمد : يلا روح و تعالي بكرة
قلت له : كمل يا شيخنا الله يبارك لك الحته دي
كلام محمد
--------------
كمل عوضين كلامه :يعني من الاخر مش مكدبك لأني شوفت زيك بالضبط بس انا دوري احكي اللي أنا بحكيه و خلاص و بعديها معاك عقلك و أكيد انت هتقابله تاني سواء رضيت أو لا
قلت له : ماشي بس كمل، يعني أنت عايز تقول لي أن الحاجة الوحيدة اللي بجد هي الولد؟
قال عوضين : بالضبط كده لأن الراجل ده مات هو و مراته مش بيقدروا يتواصلوا إلا عن طريق الطفل ده بس، سميهم من أصحاب الأرواح المعلقة، ليهم كذا إسم، بس ده مش موضوعنا خالص ، موضوعنا أن أنا فهمتك أن اللي أنت شوفته ده حقيقي، و اللي شفته ده بداية لأن الأسوأ جاي لسه، أنت مشفتش حاجة وممكن متشوفنيش تاني
قلت له : ليه بقى كده؟ ليه مش هشوفك أنت تاني
قال لي : لأن أنا نفسي مش ضامن حياتي هنا
قلت له : ما تسيبه و تمشي
قال لي : فكرك محاولتش، و يا ريتني ما حاولت، أنا هنا في أمان عن أي مكان تاني، هادمر، هتجنن، هاموت انا و كل حبايبي و أصحابي و كل اللي أعرفهم، قررت أعيش هنا و امري لله لحد ما يجيي فرج الله أو تيجي معجزة، هي دي قصة الراجل ده، غبرا صاحب المكان، أنا معرفش شفت الواد أزاي في شقة معينة بس يمكن، معرفش اكتر من اللي قولته و حتي لو أعرف، كل واحد ليه مساحة من التبليغ، انا مقدرش اقول اكتر من كده يا باشا
بصيت لعلاء و قلت له :اقتنعت؟
قال علاء : لا مؤاخذة يعني، أنا اقتنعت أن في 2 مجانين مش واحد بس
قال عوضين : كدب كدب براحتك، كدب بس في يوم من الأيام هتقول كان في غفير غلبان نصحني و أنا عملت فيها دكر و في النهاية ......خليك أنت تشوف النهاية لوحدك، خليها لك مفاجأة، براحتك، كدب زي ما أنت عايز بس خد بالك اللي بيكدب بيشوف أسرع و أكتر بكتييير من اللي بيصدق
قال علاء : تصدق أنا خفت ، لا خفت قوي
قال لي : دلوقتي يا باشا معنديش كلام تاني أقوله، اتكل علي الله، اهيك عرفت حكاية المكان و صاحبه، لو قدرت تهرب اهرب، مع أن جابك هنا مرة و قعدت معايا مرة يبقي أنت كدة اتنسيت و يومك قرب أوي أنت و صاحبك اللي مش بيعمل حاجة غير أنه بيكدب و بيتريق
قلت له : طيب يا عم متشكرين
قال لي : لا شكر علي واجب، علي فكره انتم مشربتوش الشاي
قلت له : أه لا خليها المرة الجاية
قال لي : المرة الجاية دي أنا اللي هشرب الشاي عندكم لو ربنا أراد
قلت له : يعني ايه تشرب الشاي عندنا؟
قال لي : خليها لك برده مفاجأة، بس افتكر الكلمة دي
قلت له : ماشي يا عم الحاج
رجعت أنا و علاء مش فاهم حاجة خالص ، مصدق كل حاجة للأسف بس ده معناه إيه و الحكاية دي اللي بيحكيلي عليها عن دجال أو نصاب ياما قريت و سمعت عنهم ، و بالصدفة البحتة أن إجازتي بعد يومين
اليومين دول محصلسش أي حاجة و ابتديت أنا أنسي الموضوع واحدة واحدة و اعتبرتها حدوتة زي اللي بتتحكي مع أصحابك
نزلت إجازتي
للمعلومة أنا عايش لوحدي، مقطوع من شجرة عيلتي ماتوا ورا بعض و مطلق و معنديش ولاد
روحت بيتنا
سكت الشيخ محمد قليلا ثم قال لي : يلا روح اخرت علي بيتكم
خرجت من البيت لاذهب الي منزلي