توقفت معك سيدي القارئ الكريم عندما جاء الشيخ محمد في بيتنا و الحلم الذي حلم به ابي . و العهد الذي نقض .و قصة ميمون بن الملك الأحمر مع بنت إبليس و ذهابي لعالم الجان ثم مبيت الشيخ محمد عندنا و إخباري بأنه سيكمل قصته مع مبني ناد 6
( اقرأ الحلقات من الخامسة حتي الحادية عشر من الجزء الثاني من قصة حياتي )
أكمل الشيخ محمد كلامه ولكن بصوت مخنوق كأنه علي وشك البكاء
ريحتهم زي بني آدمين ميته
و قربوا مني و كل واحد مسك جزء من جسمي
صوابعهم طويلة عاملة زي المخالب
بدء واحد يمسكني من رجلي و التاني من أيدي و التالت من أيدي و الرابع من رأسي
و بدأوا كلهم يغرزوا أيديهم و يشدوا بعنف شديد جدا علشان يخلعوا جسمي من بعضه
مش ماسكني أي مسكه ده ماسكني بأحكام
عايز اصرخ بقي مفتوح لكن لساني مش متحرك من مكانه و حاسس بألم رهيب
لكن هما فصلوا دراعاتي و رجلي و رأسي
بقيت عبارة عن 5قطع
بقيت رأس بس ماموتش، وأنا رأس ماموتش، انا لسه شايف كل حاجة
جسمي بينزف المفروض اني بموت
انا مش حاسس بنفسي لكن لسه ماموتش
قربت انا باسم من الشيخ محمد و ربت علي ظهره و هو بيبكي و قلت له : خلاص خلاص مش لازم تكمل
قال لي :لا يا وليدي انا هكمل عايز افضفض مع حد
كمل الشيخ محمد كلامه
صدقوني انا اللي بحكيه ده ،انا عارف محدش فيكم مصدقني
بعد كده بدأوا ياكلوا في رجلي و دراعاتي و بعد كده بدأوا ياكلوا في جسمي و بعد كده بدأوا يتلموا علي رأسي و ياكلوا في رأسي و كنت حاسس باسنان في رأسي
و دي كانت اللحظة الوحيدة اللي قدرت اصرخ فيها
ااااااه اااااه اااااه
لما طلعت الصرخة دي
لقيت كل حاجة انتهت، اه كل حاجة انتهت
لقيت نفسي في مكان ضلمه، انا مكنتش نايم و صحيت
لا انا روحت مكان تاني، مكنتش قادر أقوم جسمي تقيل بس جسمي موجود
جسمي موجود و رأسي موجوده
يبقي انا اكيد بحلم يا أما أنا مت و بتحاسب
و ريحة بني آدمين ميته في المكان ده، هو أنا في قبر ولا إيه؟
قومت و حاولت أقف لقيت دماغي خبطت في سقف ،من ملمس الحيطان و من ملمس الأرضية و من ملمس جثة لقيتها جنبي
انا في قبر و حسيت بنمل يمشي على رجلي
لا ده سوس و سامع صوت ذباب
اكيد ده ذباب الميتين الأخضر
بدأت أحسس في السقف لحد ما لقيت حاجة خشب
بدأت اخبط فيها و انا اصرخ من قرص السوس و الذباب
اقعدت ادفع لحد ما اتفتحت
خرجت من التربة دي و انا ببعد السوس و الذباب
المكان ده منور بنور القمر،وشي و جسمي في عضات و عليه آثار أسنان و جسمي زي المحروق
قالت امي : موجودة العضات دي يا شيخ ولا راحت
شمر الشيخ كم الجلابية و بانت عضات في دراعاته
قال الشيخ بنفس الصوت باكي : أنا مش بكدب عليكم
كمل الشيخ محمد كلامه
انا في اوضة، انا كنت مدفون تحت اوضة، الباب اتفتح و الكائنات دي تدخل منه بإعداد كبيرة
الأشخاص الطوال السود اللي شكلهم يفزع
بدأوا يجروا عليا عايزين ياكلوني
مسكت في الشباك و أكتشفت انهم لما يقربوا من نور القمر بيرجعوا لوراء كأنهم اتلسعوا وانا سامع ضربات قلبي من الخوف
لكن اللي حصل نور القمر بعد عن الشباك و الكائنات دي قربت
ااااااه اااااه صرخت رعبا
و فجأة ظهر الطفل اللي شوفته في الصحراء و جانبه راجل عجوز مخيف شيطان متجسد في شكل انسان و ريحته وحشه جدا و معاه ست تخينه لازقين فيه ورا بعض
حست الكائنات دي بوجوده ،وقفوا في جانبين زي التماثيل
قرب الطفل مني وقال بصوت رجل عجوز: في قبلك كتير جه هنا متهيا لي انت شفت واحد منهم ، ده واحد من اتباعي استخدموك كوجبه و ممكن يحصل لكل واحد انت بتحبه و يموت بأبشع طريقة انه يتاكل ولا تخليك قنوع و تسمع كلامي
قلت له :اسمع كلامك؟ انت مين اصلا ؟ و انا فين؟ أنا المفروض أعمل إيه؟ أنا أحم اكيد بحلم و هاصحي من الحلم ده
اخدت بالي ان كلهم شفايفهم بتتحرك و لكن الولد هو اللي بيتطلع منه الصوت
قال الطفل : لا ده مش حلم ده حقيقة، اتكتب عليك لازم تكون طوع ليا احسن لك بدل ما تكون نهايتك عفشه (وحشه ) متهيا لي متحبش النهاية دي، متهيالي قدرت توصل لحد كبير لمدي قوتي و اللي ممكن اعملوا فيك و في اللي بتحبهم مش كده يا محمد بن الشيخ محمود الرفاعي
قلت له :انا معملتش حاجة ، انا مليش ذنب في أي حاجة، انا اصلا معرفكش، و ماذتكش في أي حاجة
سكت الشيخ محمد قليلا و اخد نفسه و بق شاي و مسح دموعه بمنديل قماش في جلابيته
منتظر تعليقاتكم و نقدكم
أنت تقرأ
قصة حياتي
Hororهذه قصة شاب عاش حياه صعبة للغاية قرر اخبارك بها حتي تتعظ .. شاب تعرف على عالم المخفي من الجان بأنواعه المختلفة و الأساطير الحقيقية و غير الحقيقية . أتمني أن تنول اعجابك سيدتي و سيدي الذي تقرأ منتظر تعليقاتكم و نقدكم #افضل_كاتب_عربي_للرواية_2
