اني اسمي مريم مواليد١٩٦٠ خريجه معهد معلمات اني حلوة كلش جانو يشبهوني بالممثلات الانكليزيات اني احلى وحدة بخواتي اني عندي خوات تلاثه ويايه اربعه وعندي اخ واحد هو اصغر واحد بينا احنا مثل ميكلون ولد بشاوات ولد خير ابن عن جد جدي الله يرحمه جان اكبرتجار الاخشاب بغداد بوكت مجانت العالم ماعدها احنا الخير مالينه جانو يسمون بيت جدي بيت سعيد باشا
المهم انو احنا عائله متمكنه جدا خواتي اثنين ازوجين بقت وحدة واني اصغر وحدة بالبنات واخويه الي هو صغير البيت والدي يمارس نفس تجارت جدي الله يرحمه
والدتي ربت بيت
بدايت الاحداث
بدت قصتي من عمري ١٥سنه احنا جنه ساكنين بيت كلش جبير وجانت عدنا وحدة تنظفنه ورجلها وابنها هم وياها رجلها يشتغل فلاح بالحديقه مالتنه وابنها ينظف وياابووو بالبدايه مجنت اشوف الولد ولكن مرة مرتين شفته ولد صغير يطلع اكبر مني بشويه جان حلو بس جان ضعيف ومهتلف والتعب والفكر مبين عليه وصادفت دورات اطلع للحديقه اشوفه وصار بينا سلام وبعدين صرنه اصدقاء بس بلا مااحد من اهلي يعرف لان اهلي كانو من الناس الي يحبون المستويات الراقيه ويفضلون دائما انو اذا اتعرف على اشخاص يكونون نفس مستوانه الاجتماعي ولكن اني كلش حبيت جمال حبيته كصديق طبعا وهو كان جدا محترم ومؤدب وعرفت كلشي عنه
رح اتكلم عن جمال
اسمه جمال امه تشتغل يمنه وهو وابو همين هو طالب صف سادس اعدادي من الطلاب الي متميزين
وجان كلما اسولف وياه يكلي اتمنى اصير دكتور او مهندس حتى انتشل اهلي من الفقر الي عايشي وهو انسان نفسه كلش ابيه وصاحب كرامه دورات جان ماعده فلوس يروح للمدرسه لان بعيدا ولازم يطلع من وكت كلش حتى يلحك يروح مشي واني جنت اعرف جنت اكله هاك هاي فلوس روح بالسيارة جان يحجي عليه ويكلي عيب المراة تصرف على رجال المهم انو مرة عن مرة كامت علاقتي تقوة بجمال ودائما جنت التقي بي بالحديقه مالتنه ولكن احنا جان عدنا حديقه ورة البيت صغيرة صايرة مثل الختله جنه نكعد بيها ونسولف ونشاقه واني جنت اشوف بي صديق ماجنت احبه بي جنت احس بنظراته انو هو يحبني اومعجب ومرت سنتين جمال صار بالكليه مرحله ثانيه ودخل كليه طب وجان دائما يكلي تحقق حلمي
انو ادخل كليه زينه وسنتين واني اشوف انو احنا اصدقاء بس هو يحبني وعدت مرات كلي بس اني جنت اسوي نفسي ماافتهم عود او اغير الموضوع وجان جمال اول ميجي من الكليه واني جنت اجي من المعهد يجيني يشوفني
المهم انو بهاي الفترة ابن عمي رادني واتقدم لوالدي والدي بوكتها سئلني واني جنت مترددة بين اوافق وبين مااوافق وبيومها كتله لجمال وتخبل كال اني اجي اخطبج صحيح اني وضعي ميسمحً هسه بس اني لازم اخطبج خاف ابوج ينطيج لاابن عمج صراحه اني من كلي اخطبج فكرت بيني وبين نفسي معقوله انو اني اكدر اعيش مثل حياته واني مااحبه صحيح ادورة بكل مكان وتعودت على وجودة بس مومعناته ازوجه هو مو الانسان الي احلم بي وبرغم هذا تفكيري مكدرت اكله اني مااريد ازوجك ولكن هو كان متصور انو اني احبه واريد ازوجه
وبعدها كلي اني لازم اطلبج من ابوج وحتى اذا رقض وطردني مومشكله بس هو اكيد من رح يشوفج تريدين تزوجيني رح يقبل لان هو يحبج وميرفضلج طلب اني سكتت وحاولت اتهرب من الموضوع وكتله تعبانه اريد اروح ارتاح وفعلا عفته وصعدت لغرفتي ونمت وساعه بالخمسه العصر سمعت ابويه يصيحني ولكن بعصبيه عرفت انو اكو شي ونزلت وجان كاعد بالصاله وجان جمال وامه وابو واكفين والدي اول مشافني كلي تعاي مريم كتله نعم بابا
اتقربت ودرت وجهي وباوعت على جمال
وجهه جان مايتفسر واول متقربت كلي والدي
مريم رح اسئلج سؤال وراح جاوبني بصراحه كلي انتي تقبلين تزوجين جمال ولكن قبل مجاوبين خلي بالج انو بيوم الي تقبلين اني هذاك الوكت اسحب نفسي من كلشي وانتي شلعي شوكج بيدج وفكري انو انتي هل ادكدرين تتخلين عن كلشي وتتخلين عن حياتج والقرار بعد الج اني سكتت باوعت على جمال جان واكف على اعصابه يريد يسمع جوابي وام جمال جانت عيونها مخوركه وابو جمال مدنك راسه
وجان اسمع والدي يصيح بيه يكلي يله جاوبي
دنكت راسي وكتله لا مااقبل والدي كله لجمال سمعت ومرة ثانيه لتباع على الي اعلى منك رفعت وجهي وباوعت على جمال وشفت فد نظرة بعينه عمري كلها ماانساها نظرت استحقار نظرت خذلان ماادري ولكن نظرة جانت تحمل الم
وهو باوع على والدي وكله كلمه هم مانسيتها كله والخلق الخلق والي خله النفس بيه لايجي يوم واوكفك انت وبنتك كدامي وهذاك الوكت لااخليكم تريدولي الرضه ارضه واني دائما اباوع على الي اعلى مني لان احنا كلنا ولد تسعه
وبتك خليها يمك لو زوجها لواحد مثلك وطلع هو وامه وابو والدي كلش ضاج وباوع عليه كلي صعدي لغرفتج وحسابج بعدين
وفعلا ظل والدي فترة طويله ميحجي ويايه ولكن بعدين نست السالفه ومرت سنتين على اخر مرة شفت بيها جمال وبعد لاعرفت عنه شي ولاشفته ولكن من راح جمال ولحد الان اني ادورة بكل مكان جمال ترك بيه فراغ جبير وشعور ماجنت احسه بس من فقدت وجودة بحياتي يله حسيت
