وبعد ماخلص جمال كلامه راح وظلت عيوني تتبعه خطوة بخطوة حسيت صوت الكاع الي يمشي عليها دك بكلبي وايضا
جنت مصدومه من كل هالتصرفات الي ديسويها جمال بس الشي الوحيد الي كنت مستغربته انو ليش ديسوي كل هذا هو يكدر ينساني وبكل بساطه واني اعرف جمال
جمال انسان مو سيئ اني متاكدة جمال يحبني وديسوي هيج لان مستحيل هو بعد ٨سنوات جاي يفكر ينتقم مني الا اذا كان يحبني بس هو مزوج وعندة ولد شنو الي يخلي يريد يزوجني حبه او انتقامه وليش يكلي انتي اخذج تعتنين باامي وليش مو مرته تعتني باامه اني مدافتهم الي ديصير بس اني لازم اكول لوالدتي على الي صار وفعلا دخلت وكلت لوالدتي على كل الي ديسوي جمال وكان الذهول الي على وجه امي مخيف كالت متصورت هذا جمال برغم كلي اني دكتور جمال هيجي لدنيه غيرته لجمال وصار بهالشخصيه وبهالقسوة كتلها اي الي صار قبل خله جمال يتغير بهالشكل باوعت على امي كتلها تذكرين من اجيتج من بعد ماابويه طرد جمال واهله من بيتنه من كتلج اني كلبي يوجعني على جمال وكتلج شكو بيها اذا ازوجته تذكرين شكتيلي كتيلي هذاك الوكت رح تنسين عندج اهل
وبعدها بسنتين وقبل ماازوج كتلج اني بعدني ادور على جمال بكل مكان كتيلي اي هسه تزوجين وتنسين جمال واهل جمال واني ماكدرت انساة بس اتاريني جنت اكذب على نفسي جان المفروض اتبع كلبي من هذاك الوكت جان المفروض مااقبل بكلام ابويه من كلي من تزوجين جمال بعد معليه بيج وشلعي شوكج بيدج جان لازم مااسمع كلامكم لان اني هسه تندمت هوايه وسكتت وامي ظلت تباوع عليه كلتلي اني ماادري شكلج مريم بس احنا هوايه سوينه شغلات موصحيحه ومن ظمنها جمال بس اني مااعرف هسه شرح نسوي كتلها ماادري حايرة شنو الي اكدر اسوي بس اني فكرت انو نروح لغير منطقه نكعد
عد والدتي جان دكلي شنو صعب عليه يعرف بمكانج ودوامج وشلون راح نعيش كتلها ماادري كلتلي هذا مو حل انو نشيل من البيت وهسه لو رحتى لغير محافظه هم يدور عليج ويلكيج مبين هو انتي صايرة شغلته الوحيدة بالحياة
كتلها امي ليش داحس بيج تريدين دكوليلي قبلي وزوجي جان دكول لا بس مااعرف شنو الي راح يصير وانتي بلسانج كلتي اني احبه شنو الي يفرق كتلها الي يفرق انو هو يريدني خدامه لاامه ويريدني زوجه ثانيه ويريدني جسد بلا روح كلتلي اني مااعرف شكلج بس الي متاكدةمنه انو هو مرح يعوفج لو وين متروحين وهو بعد نلزك بيج الدنيا كلها هسه تصور هذا زوجج فشنو الي دكدرين اسوي كلتلي انتي ليش متقبلين تزوجي بس بشروط كتلها انتو دائما تريدوني ضحيه كلتلي اني وابوج المريض
واخوج الصغير كتلها قصدج اخويه الفاسد الي انتي طلعتي عينه وسويتي حاله حال النسوان مو ظلت ساكته كالت بكيفج بتي القرار الج بعد منكدر احنا نضغط عليج اكثر هم زين منج انتي ماصرتي مثل خواتج وتخليتي عنه
جان هسه احنا ميتين من الجوع باوعت على امي
وكلت بكلبي انتي امي بس انانيه مع الاسف بس رغم هذا مااكدر اتخلى عنهم ووظليت افكر شنو الي اكدر اسوي واكتشفت فعلا انو كلام امي صحيح مرح يعوفني ولكن الي بداخلي هو الي ديخليني ابقه كاانما اكو شي بداخلي ديمنعني ابتعد عن جمال ويخليني ارضه بنارة وبعد تفكير طويل ماطلع بيدي غير قرار واحد انو اني اقبل ازوج جمال ولحد الا ن ماعرفت ليش قبلت كان السبب مجهول وثاني يوم الصبح اجاني جمال وكف بالحديقه ماقبل يدخل جوة وبدون اي سلام ولااي مقدمات كتله اني اقبل ازوجك بس بشروط ضحك كلي اي شنو شروطج بت الباشا الي هسه كام يلعب بالخرخاشه ههههههههه
كتله مااسمحلك تحجي على والدي كلي اي حقج هذا الولد المحترم كتله اول شي اداوم وراتبي انطي لااهلي
وثاني شي انت معليك بيه يعني ماكو بينا علاقه زوجه ابتسم وجان يرفع حاجبه كال اي كملي ست
كتله واني موخدامه مااخدم احد جان يضحك بصوت عالي كلي ليش مااخذج اخليج بفندق خمس نجوم
سمعي شروطي لعد اول شي مداومين مومشكله كل شهر اني انطيج الراتب انطي لااهلج وثاني شي اني كلما اريدج اجيج واخذ منج الي اريدة ولتخافين رح اخليج انتي تريديني وغمزلي وثالث شي رح تعيشين وياامي وهي وحدها بالبيت وهي مو شلل لو مقعدة متكدر تتحرك بس هي كبرت ولازم احد وياها يعتني بيها ها شكلتي وترة غير هاي الحلول ماعندي وافقي وخلص لطولين السالفه باوعت عليه كتله اني اكدر اروح لغير محافظه ومتلكيني كلي والله لوصعدين للسما هم اجيبج كتله هيجي تكرهني جمال مجاوب جان يكول حضري نفسج باجر اجيج الصبح نروح للمحكمه
