اني ظليت مصدومه من تصرفات جمال بس صراحه نظرات الخوف الي بعينه انطتني سكون خلتني اسكت واني جنت كاعدة يمه علااساس هو يفحصني
وكل شويه يخلي يدة على وجهي بس عيونه القاسيه تنطي ومضات حنيه غريبه واني صدك انسانه ضعيفه كدام جمال اني عمري مجنت ضعيفه ليش داضعف بهالشكل وياة شنو الي ديصير ويايه دكات كلبي من هو موجود ادك بالثانيه مليون دكه اني صحيح جنت مزوجه بس ابد مافد يوم زوجي السابق حرك شي بيه حتى بدايت زواجنه لمن مجانت اكو بينة مشاكل هم مجنت احس بشي ا
ومجان يفرق ويايه ولكن لااول مرة قرب رجال مني هيجي يسوي بيه يمكن اني جنت احب جمال من البدايه ويمكن من ابتعد جمال وكمت ادورة وحسيت فراغ جنت احبه بس معترفت لنفسي بهذا الشي ويمكن انو ايضا سبب فشل زواجي حبي الدفين لجمال المهم انو جمال طلب من والدتي بكل ادب انو يتكلم ويايه وجان يعرف انو والدتي انسانه متحررة فجان واثق انو هي تسمحلنه وايضا لان هو عرف شلون يتكلم ويا والدتي بااسلوب جميل ومكللها انو هو جمال ابن المراة الي جانت تشتغل عدها المهم انو والدتي كتله اي دكتور تفضل احجي ويا مريم براحتك وكلي ممكن نطلع بالحديقه كتله اي ممكن اني مجنت اريد ازيد الطين بله جنت اريد اكسبه بلكي الله يعوفني مجنت اريد اخلي يحقد عليه اكثر اشرلي على الكراسي يعني خلي نكعد وكعدنا وظل ساكت يمكن فوك الربع ساعه بعدين جان يكلي مشتاق لمكان اتمنى هسه اتواجد بي لااول مرة اعرف جمال شيقصد وشنو المكان الي مشتاقله كان يقصد الحديقه الي كنه نلتقي بيها اني وياه وبعدين باوع عليه وكال حرامات الوكت صعب يرجع بينا وصعب نصلح ماضينه شوفي مريم اني اريد ازوجج بس لاتظنين حبن بيج لا انتي غلطانه اريدج تجين ادارين امي لان امي كبرت ومحتاجه احد يعتني بيها واما بالنسبه لااهلج فااني رح اخصصلهم راتب شهري حالهم حال اي فقير ننطي وجان يباوعلي نظرة جانبيه وجان يكلي ها ونسيت اكلج ترة اني مزوج وعندي ولد بس زوجتي متكدر اداري امي لااسباب صحيه
اني تخبلت كمت وكفت كتله مااقبل ازوجك لوتنكلب الدنيا سمعت واهلي مومجادي حتى تصدق عليهم بفلوسك ويله اطلع من بيتنه وشسوي سوي اني مااخاف منك مع الاسف جمال مصورتك وصلت لهاي المرحله
جنت اتمنى يجي يوم والتقي بيك بس نلتقي على انو احنا اصدقاء سابقين جان يضحك كلي احنا عمرنا ماجنه اصدقاء ولا رح تجمعنه يوم من الايام صداقه ولاكنه قبل اصدقاء اني دائما كنت اشوف بيج حبيبيبه وحتى لمن زوجت وجبت انسانه وحاولت توصل لااحاسيسي مكدرت لان للاسف كنت محطم من داخلي تعرفين انتي شنو جنتي بالنسبه الي جنتي كلشي جنت اشوف بيج الدنيا الي صعب املاكه جنت اشوف بيج الحياة الحلوة الي تنتظرني جنت اشوف بيج وردة تفتح حياتي من تركتيني اوبلااحرى اهنتيني وكسرتيني ظليت اشهر احلم بيج
وبعدها حلمي تحول كابوس وبعدها كمت اشتغل مثل المخبل جرت ششتغل وجنت ادرس وصلت لمرحله انو اني اصير مجنون كل هذا في سبيل انو اثبتلج اني بااستطاعتي اكون افضل منج ومن اهلج وضربات رب العالمين كانت اقوى انتو نزلتو واني صعدت
بس ماجنت ناسيج ولارحتي عن بالي وهسه اجه وقت تصفيت الحساب اني تعلمت شي واحد منج ومن ابوج انو مااتنزل عن حقي بدمعه نزلت من عيني واخذها بدال دموعي دم سمعيني زين رح تزوجيني لان ماعندج غير حل انتي نفضحتي بالمنطقه وكلهم كامو يصورون انو اني رجلج ونفس الحاله بالمدرسه والشي الثاني اني وهمت امج انج انتي تحبيني والشي الاهم اذا ماوافقتي على الزواج مني راح اظل اسببلج مشاكل وراح اظل اطلعلح بكل مكان تروحي فوافقي احسن من مااسوي شي اخليج تندمين ندم مصاير واتصور انو انتي اتاكدتي انو اني كلشي اكدر اسوي وكل فنون الخباثه والاذيه اعرفها وها ترة بعدني ممستخدم فلوسي ولانفوذي اني رح اخليج منا لباجر وللعلم بعد مكدرين اداومين للمدرسه لان اني تكلمت ويا المديرة وكتلها مريم بعد متكدر اداوم لان رح نزوج اني فتحت عيني كتله انت شكد حقير مستحيل ارتبط بواحد ماعندة ضمير مثلك سمعتني ومااريد بعد اشوفك كلي للاسف رح تشوفيني هوايه ومنا لباجر ترديلي خبر واكيد رح توافقين لان انتي موكدي ولاكد الي اكدر اسوي بيج
