صراحه حجي جمال تعب كلبي وجعني كلش وحسسني فعلا اني استاهل كل الي ديصير بيه وذكرني بماضي لو يرجع بس حرامات الي يروح عمرة ميرجع وطول مجان جمال يحجي جنت اني خاله يدي على كلبي لان حسيته رح يطلع من مكانه ولكن لمن كلي جمال الجرح الي خليتي بكلبي اكبر من حبج رفعت عيني وباوعت عليه وحسيت الدنيا اخذتني وجابتني وحسيت اني بدنيا غير الدنيا
حسيت من كلامه انو بعدة يحبني ولكن مو بس هو الي انتقامه خلاة يكرهني اكثر من ميحبني اني همين الدنيا خلتني اكرة الناس كلها لان لمن طحنه محد كال اسم الله كلها اشمتت بينا
بس برغم هذا اكو شعور بداخلي يخليني انجذب لكلامه حتى وهو كلامه جارحه لاااول مرة احس نفسي انو اني ضعيفه لدرجه كبيرة امام رجل جان غروري ومستوايه وجمالي يخليني اشوف الرجل موكلشي بالحياة وماجنت اشوف انو الحياة بدون رجل تتوقف ولكن وكفت جمال كدامي وكبريائه وثقته بنفسه ونظراته الحادة وملامحه القاسيه الي للاسف اني صنعتها بي كل هاي الامور خلتني انجذب اله وتمنيت قربه وتمنيت لو اسد عيني وافتحها وارجع مريم بنت ال١٥سنه الي حبها جمال ولي مكانت تعترف بهذاالحب ولو يرجع الوكت كان ماضحيت بجمال لان لااول مرة كلبي يدك لرجال ويرفله
كلمه وحدة كالها جمال رجعتني لماضي وحنين
وذكريات
وبعدين رجع بيه الوكت لجمال الي واكف كدامي وجان يتمعن بملامحي وللاسف الي لحد الان يعرفني ويعرف بشنو افكر بدون مااحجي
كلي ها شذكرتي مريم سكتت مجاوبته كلي استغربتي تغيرت اني هلكد استغربتي تصرفاتي لعد شعبالج من اجرحين شخص يظل يحبج الانسان مو بس بحبه الانسان بتضحيته بصبرة بكافحه ويا الشخص الي يحبه
مريم اتمنى تكونين اتعضتي من الي صار بس اني بعدني كلبي مابرد وثلج الدنيا كله ميبردة كلي يله خوما نظل واكفين بالشارع يله تمشي وجعي للبيت
وضحك كال عبالج اوصلج عادي اذا تريدين اوصلج بس مااصور اوديج للبيت اوديج لغير مكان اوديج لمكان الي مثلج يعتبرو شي طبيعي الهم كتله شتقصد جمال
كال بعدين تعرفين شااقصد كلي ونسيت اكلج اذا تريدين فلوس فااني هسه هوايه عندي فلوس واكدر انتشلج من الحياة الي عايشته بس بشرط تكونين تحت تصرفي بااي وقت كتله انت شدتحجي كلي اوضحلج يعني تكونين الي
شوكت مايعجبني اجيج وعادي ادفعلج فلوس انصدمت من كلي هيج معقوله كام ينظر الي بهذا الشكل معقوله نزلت من نظر جمال بهاي الطريقه معقوله ينظرلي هاي النظرة المهينه
باوعت كتله يامتستحي انت صدك بعدك نفس مستواك حتى الفلوس ماغيرتك بقيت انت
هذاك جمال الي جان يشتغل بيت ابويه
واني بقيت اني يكلون ابن الخير يظل ابن خير
ياجمال ابن ام جمال
وجان يضحك ضحكه هالكد ماخوفتني وزعجتني حسيت نفسي كمت ارجف وردت اوكع بالكاع مااعرف شلون سيطرت على نفسي ومشيت عالسريع واني امشي واسمع صوته يكلي نتلاكه لاعبالج رح اجوز منج صارلي هوايه داتحضرلج وكامت خطواتي تسرع ردت ابتعد اكثر وكمت اتنفس بسرعه لان جان مشية عبالك داركض ودخلت للبيت وجان لوني مخطوف وماحجيت شي وحتى لمن اجيت اتغدة ماكدرت اكل ظليت العب بلااكل وعفته وكمت وماادري شنو الي جنت داحس بس كلش اتألمت من كلامه لجمال مجنت مصورة انو حقدة وصله لهل المرحله جان قبل عندي امل انو ارجع التقي بجمال بس نرجع نلتقي على انو احنا اصدقاء
المهم حاولت اتناسه الي صار كله لان جنت مجرد مااذكر كلام جمال اعصابي تتعب وجسمي كله يرجف ولكن جمال مانساني وخلاني باله وجان ناويلي نيه سودة واليوم من طلعت من الدوام هم شفته واكف باب المدرسه ولكن هالمرة الي سواة فاق كل التوقعات
