جمال طلع من الغرفه واني كلبي جان يدك ماادري ليش هيجي اخاف منه معقوله مريم على تالي وكت جبنت صارت جبانه ورها بشويه جاب الجنط وهم رد طلع وسد الباب واني خايفه شرح اسوي شنو الي اكدر اسوي شنو الي اكدر اخلي يتغير بجمال المهم شفت اكو حمام بالغرفه مال نوم دخلت غسلت ولبست دشداشه كصيرة وخليت عطر وكلت هذا رجلي وهو هيجي هيجي هو مااخذ حقوقه مني
ارضه لو ماارضه وصدك شويه واجه ودخل وجان يشوفني وجان يجي عليه وكعدني على الجربايه
كلي اي لازم كتله شنو جان يكول لا كتله جمال كال نعم كتله انت تكرهني اندار عليه كلي انتي شدكولين اكوهج لا كتله اني اكول انت متكرهني كلي شنو هالثقه الزايدة كتله لامو شغلت ثقه بس اني اعرفك انت انسان جيد كلي يعني انتي دشوفيني انسان جيد برغم كل الي صار كتله اي كلي دتقشمريني كتله لا مداقشمرك كلي كافي مريم مااريد اضوج ودار وجه عني مديت يدي ودرت وجه عليه كتله ليش تتهرب من عيوني ظل يباوع عليه كلي انتي تعرفين اتي احبج كتله اي اعرف ببيم كلي بس اني مااحبج كتله كذاب كلي لدكوليلي كذاب كتله لاانك مدتحجي الصدق انت مانسيتني كلي سد الموضوع ومااريد تحجين وجان يجرني عليه وباسني واجه وبدة يتقربلي وجان يكوم وظل يروح ويجي ويكول اني فكرت انو كان اكو احد قبلي لمسج تخبلني اني لمن عرفت بيج ازوجتي جنت اموت باليوم الف موته جنت اكول شلون هذا القذر يكمش مريم
شلون مريم راح تنام بحضن واحد غيري وجان يطلع ويعوفني وسمعت صوت الدرج مانزلت كلت خلي يرتاح شويه وبعد ماصعد جمال فوك واني انتظرته وبعدين تعبت ونمت وحسيت على صوت بالغرفه باوعت شفت جمال ديبدل كتله صباح الخير مجاوبني كلي يله نزلي لظلين نايمه امي كاعدة وحدها كتله اي ميخالف
وخله وطلع واني نزلت شفت ام جمال كاعدة اجيت يمها كعدت كلتلي تعاي خاله اريد احجي وياج كلتلي اني ترة اعرف بكلشي واعرف شنو الي جان يسوي جمال حتى يزوجج بس صدكي جمال يحبج يس يابنيتي لزعلين مني انتو الي سويتو مو قليل وابوج مااحترمنه شافنه مثل الحشرات وجان يريد يدوسنه وجمال رجال شافها صعبه هيج يصير بي وباامه و وابو وانتي هم كسرتي كلبه اني ماالومج اعرف جنتي صغيرة ومدللة وابوج جان قوي فخفتي كلتلي بس هسه انتي صرتي بنيتي والي اريدة منج طولين بالج على جمال لان لوتفترين الدنيا متلكين واحد يحبج مثل جمال ومتلكين مثل كلب جمال الجبير
كتلها خاله اني اسفه على الي صار قبل كالت ماكو داعي يابنتي احنا ولد اليوم حاولي ازرعين الطيب يابنتي عمر الحقد والانتقام والبغض مجاب نتيجه وانتي يابنتي بيدج تخلين نار جمال جنه اني كبرت ويامه دك على الراس طبول والي عرفته من هالدنيا انو عمرها متناخذ بحيل الصدر واذيت الناس وعذابهم وتاليتها الكلوب تصافه وكلمن يلكه طريقه اني مااريد منج شي يابنتي ولااريد من جمال يس اريد الله يسعدكم لان جمال وصل لهل العمر ومامرتاح وحتى هيام زوجته الي عندة ولد من عدها طلكها
