جمال كلي حضري نفسج باجر نروح للمحكمه وبعدين باوع عليه وجان يكول
تعرفين شي مريم كتله شنو .........وسكت كال ماكو شي
وصعد بسيارته وراح وصار عندي الفضول قاتل جنت اريد اعرف شنو الي جان يريد يكلياه المهم انو اني فهمت والدتي على الي صار واكيد هي ماهتمت لان اهمشي عدها الفلوس الي كتلها رح تجيج كل نهايت شهر واني شفت والدي كاعد يباوع على الشباك رحت كعدت يمه اني اعرف بي هو مو بدنيتنه بغير دنيا لان حالته كامت يوم عن يوم تسوء ومدنعرف شنو السبب المهم كعدت يمه كلت خلي اسولفله لان يمكن محتاجه احجي لشخص يسمعني يس ميجادلني او يحاسبني او يغير افكاري كتله هلو بابا شلونك اليوم زين ماجاوبني كالعادة جان بس يباوعلي كتله بابا تذكر جمال الي جان يشتغل بيتنه هو واهله والي يوم من الايام اجه خطبني وانت طرته والي هو مانساها لحد الان ادك بكلبه هسه هذا جمال صاير دكتور وحالته زينه و
هسه رح يزوجني بس مااعرف لويش وشنو السبب كل الي اعرفه انو هو يكلي اريد انتقم منج بس تعرف شي بابا اني احسه كذاب احسه عندة فدشعور اتجاهي
وهذا يمكن احد الاسباب الي خلتني اقبل بجمال ولان اني متاكدة انوجمال انسان جيد بس هو الانتقام عمه عيونه يمكن لان صعب الانسان ينجرح بهالشكل بالذات هو خله اهله بموقف صعب
باوعت على والدي كتله اني حزوج جمال ورح اخلي يحبني لان هذا الي اريدة برغم هو يجرحني بس اكتشفت انو اني احبه ومانسيته ولا كدرت المصايب الي حلت على راسي تخليني انسى وجودة كتله او ل ماكعدت جنت اريد واحد يسمعني بلا ميجاوبني هسه اتمنى تكدر اجاوبني
ودكلي الي سويته انت قبل صح والي راح اسوي هسه صح وظل يباوع وبسته من راسه وكمت ومشه اليوم كلش طبيعي وبعدين صارت تقريبا ساعه بالتسعه نمت وحسيت ويا طلعت الشمس وجنت على اعصابي ومتوترة بدلت ونزلت جوة وطبعا قبل مكان اكو التزام بالملابس والحجاب مجان مثل هسه فااني كنت البس تنانير كصار وجنت كلش انيقه لان اني جنت متعلمه من قبل ومن اول ماشويه وضعنه تعب اشتريت مكينه مال خياطه وكمت شويه شويه اتعلم اخيط وكمت اخيط ملابسي وجان الي يشوف ملابس يصور انو اني جايببتها من الخارج بس اني جان ذوقي كلش حلو وجان قبل عندي طموح اصير مصممه مال ملابس هاي الطموح جانت عندي قبل ماوالدي يخسر فلوسه والي صار انو اني استمريت اخيط ملابسي بيدي ومااقتنع الي بالي جنت اخيطه وصارلي كم سنه اني اخيط بس الي لهذا السبب كنت انيقه جدا
المهم انو كان لبسي انيق جدا وجنت مطوله شعري لان سابقا كنت اكصه كصير هسه صاير طويل
المهم ظليت انتظر جمال شو تااخر وجان بالعشرة وشويه يله اجه ودكلي هورن واني طلعت واول ماصعدت باوع عليه كلي يله انتي جاهزة كتله اي ورحنه للمحكمه وكلشي ماحجه ويايه ودخلنه وعقدنه وطلعنه وبعدها وداني لصايغ اشترالي حلقه واشترالي سوار يس هو اختارة حتى مااخذ رائيه وبعدها رجعني للبيت كلي اليوم بالليل اجي اخذج حضري غراضج وملابسج يله مع السلامه ونزلت من السيارة وجنت كلش مخنوكه وضايجه بسبب برودة لان اليوم لاجان ينتقد لاجان يحجي عليه جان عبالك باله مشغول وجان يتهرب مني بنظرات عيونه المهم رجعت هم الوم بنفسي على اني ليش قبلت ازوجه ماادري اني احس نفسي راح اصيرمخبله السالفه كلما دتتقدم كلما دتكبر وتتعقد المهم غراضي لميتهن وخليتهن بالجنط
مال ملابس ونزلتهن جوة وحجيت ويا والدتي وسمعت الباب تندك عرفت جمال طلعتله شايله جنطه اخذها خلاها بالصندوك مال سيارة واخويه طلع الجنطه الثانيه
واني رجعت دخلت سلمت على اهلي عد من داطلع من البيت مال اهلي جان ينطيني ظرف كلي هذا راتبج مال هذا الشهر انطي لااهلج طبعا مصر يزعجني ويخليني اخس بالاستحقار اني اخذته وانطيته لاامي ورجعت صعدت بالسيارة وهم طول الطريق ماحجه شي ومشينه وصلنه لبيت حلو وشكله فخم
فتح باب الكراج ودخل السيارة وكلي يله نزلي واني نزلت وهو نزل الجنط وطلع مفتاح من جيبه وفتح الباب ولمن دخلت جان البيت حلو من جوة بس يرادله تغيرات يصير لوحه فنيه وكلي تعاي دخلني لفد غرفه جانت بيها مرة جبيرة بسرعه عرفتها ورحت كعدت على الجربايه كتلها هلو خاله شلونج جان دكلي مريم مو كتلها اي كالت شلونج بنتي صايرة احلى من قبل حجت ويايه بكل طيبه وحنيه
بعكس ابنها وكلت بكلبي الحمدلله امه مومثله وهو اجه باس يد امه وكللها شربتي دواج كلتله اي كللها زين هسه نامي ارتاحي وباجر الصبح نحجي زين كلتله ان شاءالله كللها تصبحين على خير واني هم كتلها واشرلي انو اصعد فوك وصعدت ورجلي ترجف وهو ورايه وصلت يم باب غرفه وكلي هاي الغرفه ولمن دخلت جانت الغرفه الضوة مالها احمر وعبالك مال عرسان وحلوة دخلت للغرفه وهو هم دخل وجان يجي عليه ولزكني بالكنتور كلي يله اني اريد حقوقي كتله جمال الله يخليك انطيني مجال بعدنه هستونه اجينه كلي اوكي رح اغسل واصعد الجنط مالتج حتى اريدج تلبسيلي شي مغري واريدج تركصيلي كتله شنو عيني كلي اي الي سمعتي تركصيلي اني رجال احب مرتي تركصلي كتله انت شدتحجي كلي شبيج شنو متعرفين تركصين ترة اطلكج اذا متعرفين بس اني حسيته جان ناصب عليه كلي يله هسه شويه واجيج يامريم
