الي صار فاق كل توقعاتي معتقدت انو الحقد الي بكلب جمال يوصل لهل المرحله
الي سواه جمال صعب كلش وحتى لو كنت اني غلطانه بحقه ميصير هيجي يعاقبني بهالشكل الفضيع
بعد ماخلص دوامي شفت جمال واكف باب المدرسه بسيارته دكلي هورن اني مهتميت ومشيت كام يمشي ورايه على كيفه ويدكلي هورن واني كل شويه التفت لان اكو ناس بالشارع واكيد رح ياخذون عني نظرة سيئه
وجان بيتنه قريب من المدرسه فلمن وصلت لنص الشارع الي بي بيتنه جان ينزل جمال من السيارة وجان يجرني من يدي وجان اكو عالم موجودين بالشارع واني اجر بنفسي وهو يجرني وجان يريد يصعدني بالسيارة وبعدين شافه ابن جوارينه جان واكف هو وكم ولد بابهم بسرعه اجه وجان يكله موعيب عليك اتسوي هيج ويريد يتعارك ويا جمال
وجان يكله جمال انت شعليك مرتي وداريد اخذها الولد بسرعه باوع عليه كلي اني اسف بس اعرف حضرتج ممزوجه
اني اسف اعتذر وجان يكول لجمال ويااخي رغم هذا ميصير هيجي تتعامل وياها بالشارع ترة عيب جان يكله جمال وانت تعلمني بالعيب لتدخل زين والولد باوع عليه وجان يروح بس شنو على الصوت والعياط المنطقه كلها طلعت والدنيا كلها شافتنه انفضحت فضيحه مابعدها فضيحه وهو جان غايته انو يفضحي بالمنطقه واني بوكوة جريت نفسي منه وركضت دخلت للبيت وماادري بعد شصار بس وصلت للبيت ودخلت لنص المطبخ وبعد ماحسيت على نفسي اغمى عليه وحسيت على نفسي بالسيارة مااعرف علما وصلت للمستشفى كالو صاعد الضغط مالتها كلش كالو همزين مامات لان الضغط لمن يصعد عند الشباب موزين
يقتلهم مااعرف جنت احس نفسي كلشي بيه يوجعني
عد فحصوني وخلصت ورجعت للبيت امي رادت تعرف شنو السالفه ماكدرت بس لمن طالعه للشارع ودصعدني بالسيارة شافت العالم يتحاجون ومبينه السالفه علينه لان من رجعت من المستشفى كلتلي هيجي وهيجي السالفه واني ماحجيتلها شي لان مابيه حيل
اخذ وانطي المهم جنت تعبانه ونمت وحسيت المغرب لمن طلعت من الغرفه اسمع احد يحجي وصوته موغريب نزلت وجان اشوف جمال كاعد بالهول مالتنه ويمه باقه مال ورد وانيق وريحت العطر ماله اني بس شفته وذكرت الي صار رحت ركض عليه كتله شتريد مكفاك الي صار
والدتي متعرف شنو الموضوع وليش داحجي هيج وطلعت اصلن متعرف هذا منو واني ظليت احجي وهم حسيت نفسي دخت وهو شافني كمت اروح واجي بوكفتي مال وحدة تريد توكع وعالسويع كام كمشني وكعدني على الكرسي وجابلي مي والغريب جانت نظراته بيها خوف عليه نظراته مثل الشخص الي يخاف على انسان يحبه ويباوع بلهفه معقوله اكو انسان هيجي يتصرف شنو هالتكوينه الغريبه شخص يكدر يحب وياذي بنفس الوقت
والي فاجئني اكثر انو هو اجاي ديخطبني
المشكله ماعرفت شحجي او مااعرف لازم شلون اتصرف
يعني الي مريت بيه من الصدمات المتتاليه محد مر بيها
صارله٨سنوات من صدمه لصدمه وانما القشه الي كسرت ظهري هي ظهور جمال ومحاربته الي عجيب هذا الانسان اول شي كلي احبج بس اكرهج اكثر من مااحبج بعدين كلي اني اكدر اشتريج بفلوسي وانطيج فلوس بس تكونين تحت امري يعني قصدة يشتري جسدي
وبعدين فضحني كدام الناس وخلاني انصدم لان بعد الي صار لباب البيت استحي اطلع على الفضيحه الي فصحنياها وهسه اجاي خاطبني هذا اكيد يريد يخبلني واني شلون رح اخلص من هذا الكابوس شلون رح اخلص من جمال وانتقامه وحقدة
