يا بعد كل معاناتي

البارت الثامن عشر

حكموه 12 سنه بقيت ابجي ليش هيج سلام ليش ضيعت عمرك شستفاديت لا انته الرضيت اامي وابويه ولا انته النجيت بنفسك

ليش هيج ورطت نفسك بهلسم ابجي واحاجيه وهوه منزل راسه ويبجي اخذوه رحت وراه ما قبلو اتقربله

رحت للمحامي علمقابله انتضرنه نص ساعه كال تعالو رحنا اني وعلي للغرفه مال المقابلات شفته كاعد

ركضتله وحضنته وابجي سلام حبيبي والله مشتاقتلك واباوع بعيونه واتلمس بوجها واحاجيه وهوه حاضني وحاط عله خدي ويبوس براسي

سلام.. لج شهوده ما استاهل دموعج والله لج اني ضيعتج وكسرتج فوك يتمج لج اني الكلب اشرف مني لان ما حويت اختي والتهيت بلذاتي

شهد.. لا تحجي هيج يروح اخيتك انته والله مسامحتكم وبكل يوم ادعيلكم والله لك اوووووف بيك ريحة اهلي سلام وحضنته وابجي

سلام.. لج شهوده دتعذبيني بهاي ادموعج لج باعيلي وين رحتي والله كلبنه الدنيا عليج وماكو انتبهت اكو رجال بعدتها وكتلها هذا منو

علي.. اباوعلها تتحاضن وتتباوس ويه اخوها ولا جني موجود اوف بدي ادفرها وعلي😠 كالها منو هذا الرجال اتقدمت وكتله اني زوجها ومديت ايدي

سلام.. عقدت حاجبي وباوعت لشهد زوجج من شوكت اتزوجتي

شهد.. من لما شردت وختلت بشاحنة هلولد وبالغلط طلعت التركيا وهوه خطيه اتكفلني ورجعني من لما رجعت وما لكيت احد اخذني لبيته وعقدنا .اتزوجنا

سلام.. مديت ايدي للولد كتله اشكرا جدا ما اعرف شلون اعبرلك عن امتناني حويت اختي وحميتها اكثر مني الله يبارك بيك

علي.. هذا واجبي وشهوده روحي من الدنيا لتخاف

سلام.. الله يديمكم البعض

شهد.. سلام تعرف شصار بيه بذاك اليوم تعرف صديقك شسوه بيه

سلام.. اعرف شهوده اعرف بيومها فزيت عله صوتج وانتي تعيطين حاولت اكوم ما اكدر الشرب طاك براسي باوعت شفتج فتحتي الباب وانهزمتي وبعدين شفته طلع وراج

كعدت حسام كتله كوم كوم حسام بسرعه هذا امجد متعرض الشهد الحك بيهم فز بسرعه وراكم واني هم كمت رحت غسلت وجهي بمي وطلعت اركض

اركض ادور عليج ماكو تعبت يمكن دورت المنطقه كلها وما لكيتج حرت اخر شي رجعت لكيت حسام كاتل امجد موت

اتخبلت كتله هذا وين انوديه بقينه نفتر حرنا بيه اخر شي غسلنا الجثه علمود لا تطلع بصمات حسام عليه و خليناه بالعربانه وشمرنه عليه زباله بحجة نريد نشمر زباله واخذناه للساحه الترابيه

ودفناها بسرعه بدون محد يشوف رجعنا اندور عليج ماكو حسام راح بجه واني بجه اخر شي تعبت ورجعت للبيت كتله ما لكيته وهو كال اني هم مالكيتها