(( البارت الأول . ))
سعاد: لا يعني لا... كل واحده خذت لها الي عجبها.. ليه الحين بغيتي حق اختك
أنوار: يمه افهميني انا قصدي أن ميعاد ما تخلي ملابسها معاها واجد.. تلبس مرتين ثلاث وتوزع للمساكين .. وأنا أولى من الغريب وهي صارت دبه .. يعني الفستان اخذه لي أبرك وهي تاخذ لها أي شي واسع..
سعاد: انتي ما تستحين .. دولابك بينفجر من ملابسك وحاقده على خويتك بذا الفستان .. ويا أنوار اختك هي الي اختارت الفستان ذا .. يعني انه عاجبها وأنتي تدرين أنها ما توزع من ملابس الا وربك. رزقها مثلهن واحسن لأن نيتها صافيه مو مثلك حاقده .. ويا ويلك لو خذيتيه غصب عنها .. والله لتشوفين شي ما يسرك .. فاهمه ( وراحت للمطبخ تشوف الغدا اذا جهز او لا )
وأنوار قعدت تفكر بطريقه تاخذ من ميعاد الفستان ... وكل هذا حقد لا غير ......................
ميعاد: سامي لا تتحرك كذا .. ما قدرت امشط شعرك زين ..
سامي : بس انتي مره كسوله ..اقول لك بابا بيسبقني الحين للمسجد أسرعي ..
ميعاد: بس بابا يدري انك رايح معاه واكيد بينتظرك..
سامي : اجل خفي يدك ولا تنسين العطر..
ميعاد : هاذاني خلصت .. روح الحين وانتبه على نفسك..
سامي ويبوس راس اخته : ما ادري ليه احبك كذا .. بااااي
بسام قاعد يحط من ذاك العطر ويعدل عقاله وخلص ونزل وشاف امه وابوه قاعدين في الصاله
بسام: شرايكم فيني .. والله أني مزيووووون .. مارح تتهنى فيني غير رزان .
سعاد : فديتك يا وليدي .. ما كذبت يوم قلت على روحك مزيون .. ومزيون قليله في حقك .. الله يحميك من كل شر.. اقرى على نفسك وانا امك .. اخاف احد يصيبك بالعين
بسام: الله يحفظك يمه ولا يحرمني منك .. أكيد قريت الاذكار .. ويلتفت لأبوه ويقول .. يالله يبه مشينا
ابو بسام : يالله .. وين سامي .. وعلى ذكر سامي ينزل من للدرج ويبوس راس امه وابوه ويروحون المسجد قبل لا تبدا الخطبه
طبعا كل جمعه يجتمعوا العياله في اي بيت اهم شي يجتمعون .. وجو على العصر وقعدو سوالف وضحك وكان كل شله مجتمعه لحالها مثلا الامهات شله ..والبنات شله ثانيه ... عند البنات
هند: كلنا منتظرات العرس عشان نرقص وننهبل ولا احد يقلنا شي .. (طبعا اسرتهم اسره محافظه وما تحب هذي الاشياء والبنات مافي معاهم الا الاعراس يسوون الي يبون فيه )
أفراح: اقول بطلي حركاتك ذي .. انا دايما اقول لك لا تسوي مثل رفيجاتك بس انتي ما تسمعين كلامي ابد
