يا صاحب الوكفات يا معطر هيل...
يا بعد عيني من تشوفك تنسر...
انت الي ما عفتني بوكت عافوني الناس...✊
بكل ثانيه تمر انا احبك اكثر...❤
يا حنين وشايل صبر ام التوم...
الي عنده مثلك حقه من يتكبر اعتذر مني بيوم زعلان عليك وحتى من ازعلك تجي وتتعذر...
تسال عليه هواي من ابعد..وكل ما انام على اتصالك اكعد
تهديلي جمريه بوكت ابرد ونسمت بروده اصيرلي بوقت الحر....
مديت جفك وقت هدمني جفوف يلي وردت وجهي بوقت صار اصفر....
كل ما اطيح بشده الكاك وياي وانا الكاك طايح قبل لا انا اعثر لا تفكر بعيني من تطيح تهون تره كل ما تطيح بعيني كلش تكبر....
كل ما احتاجك عني ما تتأخر ما يوم نخيتك وكلت ما اكدر
يا خبزت امي الطيبه يلي جنك هيل...
انت ابيض لاكن قلبك اسمر...
نصحوك مني الناس نخرب يردون وكالولك على الشين رادك تنجر...
وكالولك هوايه حجي وكالولك تبقه ويه واحد مو كلف ما مضطر بس انت مارديت تدريهم ناس...
وتدري الحجي الي كالو كله مسطر...
انت جمعتني بوكت جنت اتكسر...
يل ما نسيتني بوقت ما اذكر....
انطيك دمي وابقه اوفي وياك...
انت مصفي قلبي بوكت قلبي مكبر....
اتكشخ الخون بدم يصير...
مو عبث ربك خله دمك احمر...
سامحني خاف بيوم قصرت وياك....❤
وسامحني لو قلبي ويه قلبك قصر...❤
