لان بلحق اسولف مني تزعل الناس...
بصراحه بهل وقت مكروه راعيه،،،
ما مجبور اجامل واصبغ انا وجوه''
العوجه احكايته بالقصه اله انطيه!
الورده السولفت طشت عطر علارض!
الورده الي ذبلت ينعاب ساقيها،،،
احط بالساني تربه من احكي وي الناس!!
واصفي حكايتي واحساس احط بيها!!!
واحسب خطوتي من امشي نمله يجوز اتيه بيته واثار رجليها!!
واحسب كلمه كلمه خاف محكيات
انا الما قلت كلمه وغيري حاكيه
من اهز جذع الصدق يوكع بكم كذاب!!
انا امكحل الدنيا وغيري عاميها!!!
ومو قلة دمع ما ابكي عل يرحون...
عل الما يسوى صعب اعيوني ابكيها.
