انتهينه وحتى ما كاتب قصيده عليج...
وانا مواعدج اكتب؟؟
منو الكلج بلكرم ماكو عيب...
تره البنت بشرفه مو حلو تعزب...
ما وقفت بعينج من قشورج ظال...
وادري بغيري ياكل لب🌻
اعلى فلاحج بخلتي وين المجازاة...
وانطيتي العدوي وين المرطب..
اظم حبج بقلبي وينكشف مرات....
وانا لخاطرج كسرت قلوب نسوان...
ولا بنيه اعلى بالي قدرت اتجلب...
يكلولي تحب؟؟؟والشيب هذا منين؟؟
المشيب وهو صغير ويكول ما احب يكذب...
اجي يمج واظيع كل حجي مظموم....
واصير من الخجل مغرب...
انا امي تعرف مو على حالي وياج...
من اشوفني مغندب...
كنت وياج اضحك لو نبي مقتول....
ولا احس بلضحك مذنب...
فارقتج واسولف مبتشر مجبور...
طير الينذبح يرقص ومتعذب...
انا كبال الشماته ما اصير هلال....
ادق خشبه على ضهري حتى لا حدب...
شفت لون برقبتج قلت مستحيه....
(والله كذبت عيوني)
وانا ادري الخجل بخدود البنيه...
قلت لج ينوخذ كلشي بسطح مشرور...
ما خذتي الحجي تصعدين يوميه
لو ما راضيه تصرخين من باكوج...
مو لمعة سنونج كانه قمر
ياريت الحنين اهدوم حتى ارتاح...
اشققها وعلي مهزله الحنيه...
ترة الخنتيني بي ما ينحسب رجال✋
من اشيل شواربه عبالج بنيه...
يم بابي بعد ندمانه لا تلفين✋
دورتي شكل ما ردتي شخصيه....
