ضميت الخجل من سولفت ع الحك...
اليبيد ولفه من السهل ينشك...
وازاني الخجل وصفت كصتك بير...
وانت بضهر صيف البصره ماتعرك...
ترى الما يستحي للشته يظل ممنون...
لان ماكو شمس معذور مايعرك...
كتلك يا شراع الفحم لا تماشي...
ترى بسوك السفن ما يمشي الملثك...
كلي شحصلت لمن صرت بسمار...
تلم شمل الخشب بس انت شابع دك...
شفتهم من اجو كل ضنهم يبوكوك...
خليتك وره وصار الحجي معلك...
كتلي فدوه الخاطري اتركهم تره يأذوك...
وكتلك ع الشرف يتونس الينطك🤚
