روحو كلوله السوالف مالتي...
طبعي تفكه ومااثني حجايتي...
الواكف على النهر لا يحجي بغرور...
الصارن بكونيته من سنارتي...
المو نشيط وماله على الساتر مكان...
خل يكتر ربعه هاي طلابتي✋
الارض عريانه وسترها ابساط ابوي...
الضمت وجوه الغرف طلاكتي...
اجناحي كامل بعد ما اعيش على كاع...
هناك يم النجمه ماخذ راحتي...
طبعي حاجب فوك كل عين انا اصير...
وما احب الريش جفي وساتي...
بيه عفت ذهب ما اخاوي الرخيص...
غالي وبسوق الذهب شرايتي...
انا شابع من عده وي طرت الشفاك...
والاكل من بعدي شبع بفظالتي...
امي من جابتني متنسيه بمضيف...
الماشبع من زادي اشوفه نساوتي...
ما صرت جاهل وانا بكماطي شيخ...
وعمري يومين وبعت لعابتي...
شبيك من تعشك تلبس جنك قميص؟
صير مثلي عكالي يحلى بهامتي
دربي ضاوي من كثر مابيه شيب...
ومن ثكل جفي كسرت عكازتي...
لحكو على الضال انا الكاس الكبير...
الينعدل راسه اليحصل وشالتي...
من ارد اصاحب اركط المتروسه ماي...
والبيها لجعه من الشمس مو مالتي...
الابره ما عافتني جه تدريني خيط...
بيه ينطم كل فتك وبرادتي...
حكهم الناس يشوفوني ضريح!
مطرزه عكدات شافو رايتي...
هي مو حب بجو يم دار ابوي...
حتى ينعرفون اجو لجنازتي...✋
