انا شارع طويل وهواي بي عثرات...
بهيده امشي عليه لا تعثر...
لا دكلي الخناجر تستحي من الناس...
الخناجر من تهد ما تنحسب خنجر...
انا جلدي عبايه وفاظ بي الشيب...
وخايف ع العبايه من الغسل تكصر...
المستر حلو احسن من العريان...
والي بكصته غيره يحب المستر...
من اجلجل عليه والغيم حد الكاع...
وتفرهدني المصايب واكعد اذكر...
واشوفك مو الي بكلشي مو وياي...
وانت هناك واكف واكف مخصر..
والمعبر قريب عليك مو يمي...
اتمنه الفاس بيدي واهدم المعبر...
مثل جامه وطحت من الجبل للكاع...
التدوسه الحادله مو مثل المكسر...
فتحنه ع باب الله من اجانه العوز....
تدري شكد مصايب شايل الجمبر...
بعدني بحيلي ذاك وتدري انا الخيال...
اذا هسه عفتني شلون من اكبر...
