اتأخرتو علي طولتوا يمه...
قلقتوني شنو الشغله المهمه؟
مو مشكله احجولي اشكال ماكال...
اشم بثيابكم ريحة مذمه...
صرت ماضي ونساني وما اهمه؟
انتهى كلشي ويريد ابريله الذمه؟
انا تخوني ذاكرتي مرات...
رحمه لوالديكم هو شسمه؟🤔
حسبالك يجيلي الخبر وانهار...
سبع سنين اظل عايش الصدمه!😋
امشي ع البحر اكضيها صفنات...
احب ضي القمر وتحبني نجمه!
واشخبط ع الرمل وابنيله تمثال...
واظل ابجي وتجي الروجه وتهدمه...
ويملون اهلي من الاطباء يتجهون بيه اعلى الائمه...
خطيه هواي رايح ابعيد!😃
الفرق ابين حلمي وحلمه؟
حلم مره احلمت جني امشي وياه...
ابحلم زرت الحلم قصيت جدمه.....
ناصبله مشانق حتى بلبال...
بس يخطف علي طاريه اعدمه...
انا وثم انا وكان من كان...
اصبعين اعلى روحي مااقدمه...
كلكم عافني ويرجعلي هيهات...
جا شيتاني ميسويله همه...
انا البايق ضواه خليه سنه ايقيب...
وترس ريتي هواه ما حاجه اشمه...
السوه سوه غيره هواي عشاق بس ينتظرون اشرلهم ليعلمه...
بس هو صدك ماكال مشتاق؟؟😔
لا يشتاق مو فد هيه قسمه!
شبيها عيوني يمكن لاحهه تراب...
ماباجي عسى ابهلحظه تعمه...
خابرته شوكت بلغلط دكيت...؟
مرتين وطلع خارج الخدمه...
من يمهم اي يعني وشصار...
حظرته يعني المنطقه مسجله بسمه😄
كعدت ابابهم كولوله غلطان..
وكع من عندي دمع دنكت المه!
ولو طالع مسلم ما احجي وياه...
بس بقلبي اكول الله يسلمه...
تتوقعون اريد اتصالح وياه؟
ابشرفكم تالي عمري اكسرلي كلمه...
اشايف روحه اتنازل واراضيه...
اذا راضيته اكلكم وين اعزمه؟
انا الخوش زلمه وما اطخ راس بس بلعشق مو خوش زلمه...
