شكد حذروني وكالو عنه ذيب...
لكن كذبتكم وكلت دساسه...
دللته دلال النهر للناعور يغرف للصبح وجروفي حراسه
اكص جف الشته وبضلوعي ادفي حيل...
واسويهم حطب لو احس برد جاسه...
واذب هدمي وادثره وارتعش بسكوت...
اغش الروح اكله ادفي بنفاسه...
ذبح قلبي ذبح والدم نزف بروح...
اضحك وما اكله واجرح احساسه...
حط حلكه ع نحري واخذ وذره ويه...
وبحرورت الصواب توقعت باسه...
تدرين انبكت لدكلي هم مبيوك؟
فرق سم المكاسر عن الي براسه...
حراميه اكصطو وجايب امروه وياه...
حرامي صطاني وبيده مكناسه...
احلامي كلش بسيطه ومو حلم بطران يفتح بطن سمجه ويلكه بيها ماسه..
احلم بلامان والليل مابي خوف...
واحلم بزمان الي من صدك ناسه
