حبيتك وادري انت ما تصير الي...
ومو يمي بالك وادري عندك محب...
تشتاقله ويشتاقلك وانا اظل...
مابين احبك وبين احس بالذنب...
بس مو بيديه الحب ترسني ترس جاهل...
وشفتك عيد ينكط لعب...
الوادم شعرها وانت طولك سرح...
والهوى يعطل مشيتك من يهب...
وجهك مثل واحد مجذب علي...
عوف الحجي احلف خاف خدك جذب...
مو ورده بس فارس احلام الندى...
الندى موطنه الغيمه طاحلك مغترب...
النص دينه كامل شافك ورد نقص...
الصايم قبل الاذان حبك ذنب
وما تصد ع الناداك كد ما رزن...
ممنوع والممنوع فد يرغب...
شح الحصاد وخطرت بالشته...
طكيت والوادم بعازه شلب...
بيك من البريسم سحر ملمسك...
وكد ما قوي بسوك الشبج تنطلب...
هنيال ولفك والله شايل بخت👌😔
حاضي بولف بالقصص ما ينكتب...
وما اعرف افرض روحي وتنازلت...✋
وردتك تخونه وياي مو تنسحب...
الحب مو عباده ويا واحد تظل...
ياربي ما ترهم اثنين بقلب...
هذا البصدري يلوكلك والاجو...
طبو قلب عافوه جرح ملتهب...
انت اخذ عطشان ويطرد نهر...
مابي خلل بس ما حضاله بعذب...
مطرود اجى ووجهك ينكط هلا...
ومو صدرك انت حتى ضهرك رحب...
وسولفله كله بكلشي بيك اقتنع...
اخذ كشورك والي وانطي اله لب...
وينطيني نظره وياخذ العين اله...
شوف ودمع ومن الهدم للهدم...
خلوني يمكم ظل وانا ابن الشمس...
وتوسدت بالظلمه من كمت احب...
رجال وابجي بقلبي من انقهر...
واي صفنه هسه تخلي خدي رطب...
شوكك ترك كزله جنح مو جدم...
وذله التوالي على اليقود السرب...
صاير رماد وفتت مثل الهوى...
شي طار مني وشي بعد يي يشب...
وحبيتك......
