شفته وياج وعيونه اخذو طولج..شفته وياج وغمص عينه بملابسج...
يا سمره الشرف صندوق لا تنطين مفتاحه...
مو كل واحد كلج انا ادم نطيتي جفوفه تفاحه...
يبستي ولا ناعور يفزعلج..شجر صرتي وتنام الناس بفيج...
من سترج برد عفتي وكل واحد قال على طولج نهر بي خير شربتي..
مو بيدي من احط بعيوني صم تراب...
ولا بيدي من اقضي الوقت يم قبور......
الي مفارق محب جادر بوجه اشوف...
وتستخلفه اصدقائه من تجيله ازور...
ما يرهم الضحك بشفايف العشاق...
والي فاقد حبيب تلوقله الماجور...
الي ميشرب عشق يقضي العمر عطشان...
تحس بريجه خشبه لو شرب ناعور...
ينزف مرجله من ينجرح العكال...
ينزف مرجله من ينجرح العكال....
والديوان يفه وما يظل مستور...
الي بي غيره ويشوف امامه اخو ممدود يترسه دمع من يخلص الشاجور...
من اشوف الزرع اخضر والحصاد هواي...
متربي بمضيف احلم على الناطور...
البستان الشريف تلكه بوجه مصاب لو شاف الشجر بي غصن مكسور...
الي اشوفه يغني وبصوته ونت ناي هذا مو عصفور هذا وشالت العصفور...
شتحجيلي بعد حتى نعود الكاروك الي يطيح الطفل ما معدول
شوصفلك يتجيلي الهوا وما اطيح...
وعلى الحزن الي بوجهي اتعلك بعاشور...
عفتني بجنح ريشاته تنقط ماء وعليه حتى الحيمي صار فحل طيور...
مجبل على القبله من رحت لليوم وبصفي الجفن والسدر والكافور رحت وهسه الوقت جابك المن جاي مو حتى القبر محفور...
من اسولف على الجوع الحلوك خرسه اصير...
الي يسد الجوع بس حجي التنور...
مو بدوي وحتى للصيد احسب حساب بس وكاحتي تجبرني اصيد صقور...
شحجيلك عليه من طيبتي تأذيت ...
حركوني الناس وكل ضنهم انا بخور............
