حمدي: احجي لاتخافين مني خيتي بلكت واساعدج
زينة بخوف : ابوي يريد يكتلني خلاص وعمامي هربوني
حمدي: اها زين ليش ابوج هيج سوه
زينة تبجي بصريخ
حمدي : اهدأي خيتي وفهميني لاتخافين
وبدت تحجي قصتها بدموع وقهر والم
حمدي: حسبي الله ونعم الوكيل بيهم
زين منو الورطاج بهذا الشي ماتشكين بأحد وهذا الولد ماشايفته انتي كبل
زينة : ماشايفته والله ماعرفه انه مااطلع غير بس للسوك لان مرت ابوي ثكلت وماتكدر تطلع وتدزني بمكانها واروح بدربي واجي بدربي
وفجأة صار صوت بلبستان
حمدي : خاف رجعو يكتلوج كومي ننهزم بسرعه
زينه: وين وين ماخذني عفيه لاتاذيني مامسويه شي اني
حمدي : اشششش لاتحجين ويسمعوج ركضي
وجر ايدها حيل وركض بيها بين الاشجار والبساتين بس شافها رجعت تون ماتكدر تركض بعد كعدو وره شجره لخ ويراقبون من بعيد
لمحو عمامها وبيدهم طلي صغير ذبحو وخلو دمه بلكاع يسيح واخذو وراحو
حمدي: ذوله اكيد رادو اثر دم يقنعون بي ابوج
معناها ابوج فعلا مصمم على ذبحج
باعي خيتي اني مصدكج ونيتي اساعدج ماالي اي غرض وهذا الله يشوفنا ويشهد وانه عندي امي جبيره بلبيت وحدنا ومحتاجه الي تساعدها شني رايج تجين وياي وتظلين يم امي وانا انطيج وعد زلم مااوصلج ولا ااذيج بشي انتي من هاللحظه عرضي وامانة الله ورسوله
زينه سكتت بس ماعدها غير حل
زينة: اتشكر منك خويه بس خاف اسببلك مشاكل وانت ماالك ذنب خلني وروح وانه الي خلقني مايتركني يدريني يتيمة ومظلومه
حمدي: شتحجين خويه تراني غيرتي ماتسمحلي اترك حرمه بهذا الحال امشينا والله كريم يحلها الحلال ومنا وجاي تصير حركه وناس رايحه جايه خلينا نلحك نوصل للبيت مو بعيد منا قريب
وافقت زينه واخذها حمدي لبيتهم وهو يمشي ويفكر بعمامه وشراح يكوللهم
حمدي: وصلنا خوية هذا بيتنا وانتي لاتحجين اي شي خاف انه احجي
زينه: ماشي ساكته
حمدي: صحيح ماعرفت اسمج
زينه: زينه اسمي
حمدي: وانه حمدي
دخلو البيت
ام حمدي : يمه وليدي ظل بالي عليك يمه شلون تتاخر علي ماتدري بكلب امك
وسكتت تباوع لزينه
حمدي: يمه عمامي ونسوانهم راحو
ام حمدي وعينها على زينه: اي يمه بس
حمدي: يمه اصبري هسه احجيلج بس اخذي زينه للحمام وانطيها هدوم منج تلبسها مؤقتا باجر اوديج تشتريلها هدوم وواخذيها لغرفتج تنام واني منتظرج هنا خاطر اسولفلج القصه
ام حمدي : يمه مو هاي تربيتي بيك حمدي احجي ماالي صبر خوفتني
حمدي: يمه صدك جذب تحجين لاتخافين ابنج على ماربيتي اخذي البنيه واحجيلج
ام حمدي: تعاي يمه ربي استر
زينه ساكته ومنصيه راسها
ام حمدي : يمه هذا الحمام بس شو كوه تمشين يوجعج شي ناخذج مشفى
زينه تباوع ساكته وبس دموع تجري منها وتاشر براسها لا
ام حمدي: لاحول ولاقوة الا بالله ربي جيرنا من المصايب غسلي يمه غسلي
كملت زينه غسل وبدلت وتوجهت للغرفه هناك تنتظرها ام حمدي بفارغ صبر
ام حمدي: سبحة العافيه يمه مددي جسمج وارتاحي وانه يمج لاتخافين بس اطلع افهم السالفه وارجعلج نامي يمه نامي
راحت لحمدي لكته صافن ومهموم
ام حمدي: يمه حمدي لاتجذب انت وليدي مااذيك كلي يمه صارحني منو هاي
حمدي: يمه بس لاتستعجلين جايج بلحجي لاتخافين
وحجالها حمدي القصه بتفاصيلها
ام حمدي: لا حول ولاقوة الا بالله يمه بس خاف يعرفون بيك ماخذها ويجون يسوولك مصيبه يايمه وانه ماعندي غيرك
حمدي: يمه انه تربيتج وغيرتي ماسمحتلي اعوفها يمه البنيه مبينه مظلومه وانه سمعت حجي عمها بأذني وهمه ماراح يدورون عليها بعد همه يردون يخلصون منها يايمه
وانتي كبرتي وانه ماريد اتزوج هسه ماالي طاقه زواج ومصاريف خليها عندج تخدمج واحسبيها بتج والله مايتركنا مادام ندور الخير
ام حمدي: اييييه يايمه والله مادري شاكولك وعمامك اذا درو شنكلهم
حمدي : يمه عمامي مايوصلونا غير كل سنه سنتين والله كريم لوكتها نكوللهم جيراننا وجبناها تخدمج ندور الف سالفه لوكتها
وبلمنطقه كوليلهم بت كرابتنا ويتيمه وتكفلنا بيها
يمه والله انه مثلج راسي دايخ بس مابيدي غير حل يايمه ماتحملت اتركها
ام حمدي : الله كريم يمه الله يبارك بيك وبشهامتك ماضاعت تربيتي بيك ياابن بطني
باس راسها وتمدد يمه روحي يمها وديري بالج عليها هاي يتيمه ومظلومه
ام حمدي : صار يمه
نامو للظهر بيومها وكعدت ام حمدي لكت زينه نايمه جنها العيد صلوات ع النبي ربي شني ذنبها هلمسكينه اوووف يادنيا
حمدي : احم احم يمه كاعده ؟؟
ام حمدي : بصوت ناصي اي يمه جايتك
حمدي: ها يمه صبحج الله بالخير
ام حمدي: يمه صباح العافيه عليك البنيه نايمه ماصحيتها روح جيبلنا ريوك ونصحيها
حمدي : امرج يمه
طلع حمدي وطلعت زينه من الغرفه
زينه: صباح الخير خاله
ام حمدي: صبحج الله بالعافيه بنيتي منا وجاي انتي بنيتي حالج حال حمدي صيحيلي يمه ولاتخافين مننا احنا ناس نخاف الله والله شاهد على كلامي اعاملج معاملة الام لبتها واحافظ عليج وان جان على حمدي لاتخافين منه حمدي رجال وشهم ويخاف الله ومايمسج بسوء وان مسج بشي لا اتبره منه واطرده انتي امانتنا يمه
زينه ببجي : رحم الله والديج يمه وحمدي والنعم منه ومن شهامته وانه اسفه خاف راح اسببلكم مشاكل واذيه
ام حمدي: لايمه ولايهمج احنا وحدنا وماعدنا ناس تطب وتطلع علينا وان شافج احد عدنا نكوللهم كرايبنا من بعيد وتشتغل عدنا بس كون هلحجايه ماتضرج وتقهرج بس مجبورين يايمه الناس ماترحم
زينه: خدامتكم اني يمه وانشالله اكون عد حسن ظنكم
حمدي يفتح الباب
احم احم يمه جبت الريوك
ام حمدي : اي يمه تفضل يله يمه زينه وياي نسوي الجاي وانه خابزه من الفجريه
حمدي: زينه شلونج ان شاء الله احسن وره مانمتي
زينه : رحم الله والديك خويه ماعرف شلون اتشكرك والنعم منك ومن اصلك والله يمكنني واردلك معروفك
حمدي: لاخيتي هذا واجبي بس انه فكرت زينه لازم نغيرلج اسمج ومانصيحج بي ونتعود نصيحلج باسم ثاني
زينه : براحتكم خويه
حمدي : انتي كمره
زينه بخجل وابتسامه : ااااا اشكرك خويه من ذوقك
حمدي : لا قصدي نسميج كمره
ام حمدي بضحكه : اي والله ياحمدي ماغلطت وهيه صدك كمره تبارك الرحمن
حمدي: يمه بعد الريوك تاخذينها وياج تشتريلها هدوم وحجابات وبوشيه
ام حمدي : صار يمه بس عليمن تبوشها يمه البوشيه مو واجبه
حمدي: لايمه افضل لا احد يتعرف عليها حد ما الناس تنسى سيرتها
كمره انتم وين ديرتكم
كمره: ب (فلان) منطقه
حمدي : هااا بعيده هواي منا شعجب لعد جابوج هنا
كمره: لجل ابوي مايوصلني يمكن ومحد يشوفهم
حمدي : زين ماسوو هيج انه ارتاحيت اكثر
ام حمدي : يله يمه ناكللنا لكمه ونطلع للسوك
أنت تقرأ
گمرة
Short Story- يابة وداعتك وروح امي ماسويت شي يابة لاتقتلني اني بنتك اخاف يابة - وخرووووها من كبالي جابتلي العار اليوم اموتها بيدية واغسل عارها اليوووووم -----------
