گمرة

٧

بالليل رجع حمدي ومتلهف يسمع الرد من امه
احم احم السلام عليكم
ام حمدي وكمره : عليكم السلام
كمره حطت العشا : يمه تحتاجين مني شي رايحه انام
ام حمدي: لايمه سلامتج
حمدي : وين كمره ماتتعشين
كمره :لا اكلو بالف عافيه انه ماجوعانه
حمدي : خير يمه شو احس كمره مو على بعضها
ام حمدي : يمه تعشه واخبرك
بعد العشا
حمدي : خير يمه شلشتي بالي
ام حمدي: يمه السالفه ومابيها كمرة رفضت طلبك
حمدي انتفض من مكانه بسرعه
شلوووون يمه شتحجين
ام حمدي: يمه كلشي بلقسمه والبنيه مانكدر نغصبها يمكن شايفتك اخوها ومتعلمه عليك
حمدي بين الغضب والقهر بعيونه وترك امه وطلع وطبك الباب بكل قوته
حست كمره ع صوت الباب عرفت بحمدي ضاج من ردها
غطت راسها باللحاف وبجت بقوه وحسره
حمدي .. ليش ترفضني كمره ليش معقوله حجاية امي صحيحه معقوله تحب وباقيه على وعدها لحبيبها
معقول يطلع فحص الممرضه صحيح و ...
لالا اعود بالله مستحيل لا كمرة لا
اااااخ كمره ليش صرتي بحياتي ليش اخذتي كليبي وهسه ترفضيني ليش ليش
الساعه ٣ الفجر كمره تفز من نومها وتصيح
كمره: يمه انتظري احاجيج ...
ام حمدي: يمه اسم الله الرحمن خيرج يمه كمره
كمره بتنفس سريع ودموع : ماكو شي يمه
زارتني امي بالطيف
ام حمدي : خير ان شاء الله يايمه اشربي مي بنيتي واهدي ان شاء الله كل خير
كمرة ظلت تبجي وركضت بحضن ام حمدي
ام حمدي: سوده عليه يابنيتي انه امج وابوج وكل هلج رجعي نامي يايمه وارتاحي والصبح سولفيلي الحلم وان شاء الله كل خير
تمددت كمره وهيه تتذكر صورة امها اشتاقتلها حيل تمنت لو يمها هسه مو بس بلطيف

يمه .. يمه ملهوفه عليج
وينج؟! ارد اموت بين اديج
امي وين ؟! امي وين؟!

.....

الصبح كمرة وام حمدي يحضرون الريوك وحمدي بعده نايم ماكعد مثل عادته

ام حمدي: يمه كمره كلي البيض اروح اشوف حمدي شماله ماكعد
حمدي .. يمه حمدي اكعد يايمه لاتتاخر على دوامك
حمدي: ماروح يمه تعبان
ام حمدي: يمه سوده عليه شبيك ياوليدي
حمدي: يمه مابيه عوفوني نايم

طلعت ام حمدي وتوجهت للمطبخ
ام حمدي : يمه يكول عوفوني نايم تعاي نتريك انه وياج
كمره لمعت دمعه بعينها : صار يمه
الظهر كمره وام حمدي يخبزون بلترك دخلت كمره تجيب صينيه تفرش بيها الخبز وصادفها حمدي توه كاعد عيونه حمر ووجهه تعبان
كمره: ااا حمدي خلاحضرلك لكمه مااكلت ويانه اكيد جوعان
حمدي: مااشتهي اشكرج .. وعافها وتوجه للحمام
كمره : حمدي
حمدي : نعم
كمره : انه ... انه اسفه حمدي .. ودموعها صبت بلا شعور
حمدي : اوووف كمره ممكن اسالج سؤال
كمره امي كالت جايج نصيب كمره توافقين تتزوجين اذا خوش نصيب
كمره : اذا وجودي مايضايقكم لا ماوافق
حمدي بنظرة غضب : كمرة كولي منو هو
كمره : شبيك حمدي شتحجي
حمدي واتقرب عليها بعصبيه : الي تحبي وماترديني ولاتردين اي واحد علموده
كمره بصدمه : شتحجي حمدي ؟!! انت هيج تحجي ليش حمدي ليش حرام عليك
حمدي : لعد ليش ماترديني كمره ليش
كمره بعصبيه وبجي : انه اكلك ليش حمدي
لان ماعندي اهل
لان حالي حال اللقيطه
لان انه مطعونه بشرفي
لان عمامك مارح يقبلون
لان انت الف من تتمناك بت عائله وناس مو انه حمدي مو انه .... وركضت للغرفه تبجي
حمدي ظل صافن ورجع صاحها كمره انتظري احاجيج
بس ماجاوبته وسدت الباب ووكفت وره الباب تبجي
بحركه
جان يوم صعب على كمره وعلى حمدي كمره ظلت لليل حابسه نفسها بالغرفه وتبجي شكد حاولت تهديها ام حمدي ماكدرت
وحمدي طلع من البيت مارجع لليل
بالليل اجه حمدي ويه دخلته شاف كمره طالعه من المطبخ
حمدي : كمره ...
كمره بدون ماتلتفت : نعم حمدي محتاج شي حضرتلك الاكل بلمطبخ كلت خاف تجي جوعان ماماكل انت من الصبح
حمدي : اي محتاج .. محتاجج كمره
ميهمني كل الكلام الكلتي
كمره ميهمني عندج اهل لو ماعندج من يوم شفتج وانتي صرتي بت كلبي
التفتت كمره بخجل : بت كلبك ؟!
حمدي بابتسامه : اييييه كمره اي بت كلبي
كمره معقوله ماحسيتي احبج طول هلسنين
ولج شتحجين كمره شلون اتمنى غيرج
كمره صارلي ٣ سنين متلوع وصابر ماريد اخون الامانه كمره احجيلي انه اسف اذا خنت ثقتج بيه بس صدكيني ماردت منج غير الحلال رايدج حلالي كمره
كمره: لاحمدي لا انت ماخنت الثقه انه لو شماسوي ماردلك فضلك انقذت حياتي وحافظت عليه وداريتني احسن مداراة
حمدي: تردين تردين الفضل كمره
لاترفضين طلبي كمرة
كمره انه ... انه احبج كمره احبج يابت كلبي
كمره بخجل شديد : اااا تصبح على خير حمدي
حمدي: كمره ماسمعت ردج
كمره : انشالله باجر تسمعه
وركضت للغرفه وصارت ام حمدي بوجهها شافتها مرتبكه توقعت حمدي مضوجها او مسويلها شي
ام حمدي : حمدي يمه شبيها البنيه احجيلي خوما ضوجتها يمه طمنني شكتلها
سكوت ...
ام حمدي : حمدي يمه ماتسمع شبيك جامد مكانك ومبتسم
حمدي : ها ها يمه العفو منج ماسمعتج
ام حمدي: العفو مني ؟! لايمه انه العفو منك قطعت عليك الخلوة اروح اشوف البنيه وافهم منها انت مدري شمالك سارح
راحت ام حمدي للغرفه
كمره يمه كمره ياء شبساع نامت اووووف يله الصباح رباح
كمره.. سويت نفسي نايمه خجلانه وماريد اسمع اي احد اريد يظل بس حجي حمدي باذني اوووف فدوه رحت لصوته وحنيته وشهامته وكلشي بي اووووف حمدي سعيدة بخت اصيرن لو جنت نصيبي

خذني يمك بعد ماظل كل عذر لا تعتذر
ليل عمري وعمرك مخلص بعد مابيه صبر
خل نلم احلامنه ونحفظ صورهن كبل لاياخذهن بدربه الفجر
وخل نلم الباقيات اسنيني وسنينك نسويهن عمر
وهنه ميكفن عمر
ونبدي من جده وجديد بواهس اسنين الصغر
ولو وازانه الكبر
خلي تمشي ايامنه بخطوه العاقل من عثر مره ورجع يمشي حذر
خل نعيش الحب ستر
خل نضم اروحنه ابيناتنه ويترابنه ولا نشتهر
وافتخر بيه وي روحك وانا وي روحي اظل بيك افتخر
حبني لتظل تعتذر
خل نسوي العشره ورقه ونصنع من الدمعه والضحكه حبر
حتى كل لحظه التمر بالجاي نكتبه شعر
وخل نكول الماضي غلطه وذنب يسجل ذنب من ينذكر
حبني لتظل تعتذر...