حمدي بغضب : كمرة شتسوين؟؟ احجي جاوبيني ليش هيج تسوين (وجر السجينه شمرها بلكاع)
كمره وصوتها مبحوح ووجها اصفر والخوف ماليها :
خويه اتركني انه ماريد اعيش بعد
حمدي : ولج شمالج كمره شتحجين وين ايمانج وين صلاتج وانه اكول عليج مؤمنه وصابره شجاج؟!
كمرة انهارت بلبجي
موبيدي ياخويه موبيدي مااتحمل بعد هم جايبتلكم الاذيه والحجي فوك مداراتكم الي وجايبه الحجي لروحي وماكدر اسكت الناس اي حقها الوادم من تحجي انه وجودي يمكم غلط وانتو ...
حمدي يقاطعها : اشششش كافي كمره كافي
لاتكملين ارجوج تره انتي ماضربتينا على ايدنا احنا جبناج بارادتنا وماشاكيلج حتى تحجين كل هذا الخريط
انتي صرتي منا وبينا وقسم الي يمسج بكلمه لامسح بي الكاع مسح
وكافي تبجين تره دموعج تاذيني كمره
كمره مسحت دموعها وبين عليها ارتاحت شوي
شلون اردلك افضالك ياخوي والله عاجزه
حمدي: ديري بالج على روحج كمره ولاتشوفيني دموعج هيج تكونين رديتيلي الفضل
ابتسمت كمره
حمدي ويه نفسه : اووووف على هلابتسامه والعيون شلون يذبحنني ذبح
كمره : ااااا يله من رخصتك خويه اكوم انام تحتاج شي
حمدي باقي بصفنته
كمره : حمدي خويه
حمدي: هاا لا سلامتج خويه نومة العافيه انشالله ..
اووووف ولك شلون بيك حمدي ولك اصحى هاي امانه وين وعدك حمدي اووووف
كمره ... مرت ٣ سنين الي ببيت حمدي ماشفت منهم غير الطيب والتسامح والايمان والكرم
٣ سنين ببيت بي رجال عزابي ولامره حاول يمسني بكلمه او فعل موزين انام مطمنه واكعد مطمنه ولافكر حتى يحسسني بمشاعر تجاهي رغم انه جنت احس بي واغلس نسولف هواي ونتشاقه ونوبات يصنف عليه واصنف علي
وام حمدي والنعم منها عاملتني معاملة الام لبتها ويمكن اكثر كلفتره اسمع حجايه من جوارين لو من نسوان عمامه وانقهر بداخلي بس حمدي وام حمدي يردوهم ويعاركون اي احد يمسني ولو بحرف
اهلي بعد ماسمعت اي خبر عنهم بس ماغابو عن بالي ولايوم يوميه اشتاق لخواتي واحن لبيتنا وحتى لابوي احن واتذكر موقفه وياي وابجي لو بس ناطيني مجال اشرحلك يابوي لو بس مصدكني اني بنتك تربيتك
وارجع ادعي ربي اظهرلهم الحق وطلع برائتي يارب واجمعني بخواتي اشتاقيت اسولف وياهم وابوسهم
....
ببيت حمدي الظهر وحمدي وام حمدي يشربون الجاي وكمره راحت تنشر الهدوم
ام حمدي : يمه ماطول وحدنا استشيرك بموضوع اريد
حمدي: ها يمه اامري كولي
ام حمدي: يمه اليوم جوي خطابه لكمرة
حمدي يغص بلجاي
ام حمدي : اسم الله الرحمن يمه شمالك
حمدي: لا يمه ماكو شي احم احم هيج شوي احتركت بلجاي
كملي يمه منو ذوله الخطابه وين شافو كمره
ام حمدي : يمه جارتنا ام قيس تريدها لواحد كرابتهم من بعيد هم يتيم وخوش زلمه وتكول نكسب اجر بيهم ثنينهم ويمه البنيه ماناقصها شي واحنا مادايميلها ليش نوكف قسمتها اذا خوش قسمه
سكوت ...
ام حمدي: حمدي هايمه شكلت
حمدي احاجيك يمه وين سرحت
حمدي: ها يمه اي الله كريم افكر وارجعلج جواب
ام حمدي : يمه لاتطول بتفكيرك الناس ينتظرون وانا ماكلت لكمره كلت استشيرك الك الاول
حمدي : انشالله يمه يله انه طالع
ام حمدي: ياا توك تكول ارد نام وين طالع بهلظهريه
حمدي: شغله يمه شغله جنت ناسيها اكضيها وارجع
ام حمدي : مكضيه يمه انشالله الله وياك
حمدي... طلعت واحس الهوه انعدم ونفسي مخنوك حيل مادري وين اروح بس شفت رجلي توديني للبستان المكان الجمعني بكمره
شبيك حمدي شبيك ليش ترجف شبي كلبك عاصرك
ليش نفسك مخنوك
اي حمدي اي لاتجذب احساسك انت تحبها حمدي
اي احبها احبها من اول ماوكعت عيني عليها احبها وانه اولى بيها انه النقذتها من حلك الموت انه الحافظت عليها ببيتي كمره الي مو لغيري
هاهيه بعد مااصبر اكثر انه صنت الامانه وماخنتها ورايد الحلال وياها مو غير الحلال
رجعت للبيت بسرعه دخلت البيت صنطه ماكو حس
دكيت باب غرفة امي
احم احم يمه تسمعيني
ام حمدي فزت من نومتها جايتك يمه
حمدي: اسف يمه كعدتج من نومتج
ام حمدي: لا يابعد عين امك كول شرايد
حمدي : يمه كمره وين
ام حمدي: نايمه يمه شمالك حمدي شتريد
حمدي: خوش يمه تعالي للمطبخ اريدج
يمه انه ماموافق على زواجة كمره
ام حمدي: ليش يمه خير سمعت شي سالت ع الولد
حمدي : لايمه ماسمعت بس ...
ام حمدي: بس انت تحبها يمه
حمدي : هااا شدراج يمه
ام حمدي: يمه مااكون امك اذا ماحسيت بيك يمه ادريك تحبها من زمان وحاسه بابني وادري شكد متلوع بيها بس ماردت انبهك او اسالك يمه ماردت افتح عينك عليها يجوز غلطانه باحساسي واخاف انيهك وتكوم تنظرلها بغير نظره وهاي امانتنا يمه
بس دامها بنفسك انه احاجيها ونشوف رايها وان جانت موافقه اخطبها الك وماالكه احسن من بنيتي كمره
حمدي يبوس ايد امه : الله يحفظج الي يمه
يمه فدوه اساليها بساع ارد اعرف ردها صبرت هواي على هذا اليوم
ام حمدي : بعيوني يايمه بس تكعد احاجيها
للعصر كعدت كمره
حمدي : يمه انه طالع وياشرلها كوليلها
ام حمدي: اي يمه بلسلامه
يمه كمره احميلنا الجاي وتعاي رايدتج بموضوع
كمره : خير انشالله يمه
ام حمدي : يمه كمره الصراحه وبدون مقدمات حمدي طالب ايدج مني باعتباري امج وانتي بنيتي وغاليه عليه يايمه واريد اطمن عليج ببيت زوجج خاف مادوملج انه ياكمره العمر بيد الله وانا اريد اسمع منج شرايج
كمره بارتباك : هااا حمدي
ام حمدي: اي يمه حمدي كولي بنيتي لاتخافين مني انه هسه امج مو ام حمدي وماجبرج على شي ان موافقه وان رافضه تبقين بنيتنا
كمره وره صفنه طويله
يمه الصراحه انه ... انه اسفه وحمدي يستاهل الاحسن مني
وركضت للغرفه تبجي....
أنت تقرأ
گمرة
Short Story- يابة وداعتك وروح امي ماسويت شي يابة لاتقتلني اني بنتك اخاف يابة - وخرووووها من كبالي جابتلي العار اليوم اموتها بيدية واغسل عارها اليوووووم -----------
