مازن ،،،طول العطلة وسجى تلح علية وتكن فوك راسي حتى نخطب جنت اتهرب منها ومرات اصير عصبي ونتعارك
كامت تلاحكني وتخنكني بكثرة اتصالاتها وحتى من انام لازم تتأكد اني نايم
سجى ،،،بدأ يتهرب مني ويضوج من اقل حجاية احجيها ويا حسيت نفسي ضايعة ومااعرف شلون اتعامل وياه تركتة اسبوع بعد مااتصل ولا اراسلة كلت خلي يحس بقيمتي واشوفة يتصل لولا
مازن،،،استغربت ليش بعد متتصل سجى وشنو الغيرها كمت اشك بيها وكلت اكيد تعرفت ع غيري والشك اكل كلبي من تجاها ورة اسبوع اتصلت بيها هلا عيني وينج شو مختفية
سجى ،،،من ورة خشمي هلا والله زين تذكرتني
وجان الشك ماكلني وجنت متأكدة ماصبر عني هالاسبوع الا اكو بديلة
مازن ،،،اني لو انتي الي اختفيتي فجأة احجيلي سجاوي فلمج شنو جيبيلي من الاخر
سجى ،،،شلون يعني مازن شنو هاللهجة الي تحاجيني بيها
مازن ،،،اني مااحب اكون خيال خضرة جيبيلي من الاخر شنو المغيرج بالفترة الاخيرة حتى اذا اكو شي يفرحج افرحلج اني هم
سجى،،،،شنو هالسوالف هاي مازن انت كل عقلك تسولف
مازن،،،اي حبي اني خوما اريد اوكف بطريقج اذا حبيتي غيري وردتي ترتبطين
سجى ،،،صحت بي واني ابجي بمنو ارتبط مازن وانت تعرف بمصيبتي لو نسيت شصار بيناتنة وبجيت بحركة
مازن،،،لا تبجين هاي اولا وثانيا اني الي اعرف شنو بيناتنة بس لتلعبين بذيلج واذا لعبتي بذيلج من وراية الله يعينج من اليجيج مني
سجى ،،،شبيك مازن شجاك على هالسوالف مو سجى الي تلعب بذيلها وابجي
مازن،،،وين جنتي بهل اسبوع وليش متصلتي بية واتصل بيج بالليل مغلق شنو عندج خط ثاني يعني
سجى ،،،اولا مع الاسف عليك والله ،،،بعدك الظاهر متعرفني
وثانيا اذا جنت فاير والشك ماكل كلبك لان الاسبوع الفات هملتك ومتصلت فردت اعرف مكانتي بكلبك وغلاتي وقيمتي عندك بس للأسف انصدمت بانك حتى مواثق بية ولا تعرفني شنو
سجى ،،،بجيت الى ان تعبت وهداني واعتذر وسديتة بس مانمت الليل كلة
مازن ،،،،سديتة ومااجاني نوم بعدين سمعت صراخ والدي لان جان عندة فشل كلوي وسوينالة عملية وجان لازم محد يدخلة الا بتعقيم كامل كان يصرخ الليل كلة من الالم جنت اباوعلة الليل كلة يتألم وكان شعور صعب انك تشوف اقرب الناس الك يتألم ويعاني ومابيدك شي تكدر تساعدة او تقدمه الة او حتى تخفف عنة
جان موضوع والدي ماخذ كل وكتي ومرات اكره حتى جو البيت لان خواتي ووالدتي بس يخرب او يصرخ من الالم يتكأب البيت والكل يبجي جانت حالة الوالد يوم عن يوم تسوء وكنت سابقا اهرب من جو البيت من جنت الح على سجى واخذها للشقة حتى اطلع من الي اني بي عدت الايام وساءت وضعيتة ووخلينا بالمستشفى تحت العناية المركزة وكنا نتناوب اني ووالدتي يمة ويم البنات بالبيت
سجى ،،،،اتخبلت من حجي مازن بأخر فترة ومن تعذرلي كلي نفسيتي تعبانة بسبب وضعية والدي وحجالي حالة والدة بس ماصدكت بي بعد لا اكل ولا اشرب وكمت ادوخ لحالي ودتني امي لدكتورة وكالتلي عندج ضعف عام
ضعفت كلش وبين علية بعد لا اطلع ولا افوت وتمنيت انتحر واخلص من هالحياة والوضعية الي اني بيها خاصة انو تأخرت علية الدورة وعبالي من الضعف العام الي جان بية بعدين تأخرت اكثر من 3 اسابيع كمت الليل ماانامة من التفكير ومن اتصل بمازن ابجي والح علية يتقدملي يعصب علية ومرات يغلقة بوجهي كمت اخرب لحالي وتلعب نفسي ووجهي صار اصفر وشاحب ورحت للصديلية وجبت شريط فحص الحمل وادعي من ربي كون شكوكي مو بمكانها رحت للشقة وسويت التحليل
