مازن،،،،تزوجنة واهلي حبوها خاصة انها جانت تعتني بسوسن وعبالك بنتها محجينالهم تفاصيل بس فهمناهم انه جنة متزوجين بالسر سابقا وانفصلنا وهسة رجعنة ووطبعا امير ابنة بالبداية جان شوي اكو علامات استفهام واستغراب لكن بعدين تقبلوا الوضعية
مازن،،،جان امير يضوج اذا يشوفني اني وسجى نحجي او كاعدين سوة ويظل مراقبنة حاولت اتقرب منة ونطلع سوة واشتريلة اي شي يعجبة علاقتنى جانت طيبة بس سجى جانت خط احمر بالنسبة الة وميحبني اتقرب منها
سجى،،،حاولت احوطة بحناني واتقرب منة اكثر واهتم بي حتى ميحس بالفرق بعد زواجي ومن يكون موجود نتجنب اني مازن نحتك بعضنا وظلينة ع هالحال 10 ايام حتى حجي منكدر نحجي مرة باليل نومت سوسن واموري هم نام ظليت العب بشعرة واباوعلة هو ونايم فدوة نسخة من ابوه سمعت صوت بالمطبخ كمت ع رؤوس اصابيعي وطلعت لكت مازن شايل كوب جاي ويريد يكعد بالصالة
مازن ،،،همس نامو الصغار
سجى ،،هزيت براسي اي
مازن،،،طلعت سكاير وكمت اشرب
سجى،،،مابطلت التدخين ابد
مازن ،،،هزيت براسي لا شكد حاولت مكدرت
سجى،،،وال،،،،
مازن،،،طلعت الجكارة من حلكي الشرب تقصدين ؟؟
سجى،،،، اي
مازن،،،اي الحمدلله حرمتة على نفسي هو والافلام وسوالف المكسرة من بعد الي صار بية ودنكت
سجى ،،،الحمدلله رب ضارة نافعة
مازن،،،باوعتلها
سجى ،،،كمت كل ماارفع عيني الكي يباوعلي
مازن ،،،شكد مشتاكلج ياسجى والله ماجنت عايش هال12 سنة
سجى،،،ابتسمت ماجنت عايش وتزوجت وخلفت لعد اني شأكول
سجى ،،،مازن شلون جانت سوسن حلوة ؟؟
مازن،،،عقدت حاجبي وهمست زينة بس انتي احلى واصغر
سجى،،،ابتسمت وخجلت
مازن ،،،بس جانت طيبة وفقيرة ولو وحدة غيرها متتحمل
سجى ،،،ضجت وحسيت نفسي غرت من سوالفه عليها وكفت لزم ايدي وكعدني
مازن،، شبيج سجى لدكوليلي تغارين من المرحومة
سجى،،،دنكت ومحجيت
مازن،، رفعت راسها بأيدي انتي تعرفين معزتج ومكانتج بكلبي وبعد كل الي صار لتصدكين نسيتج او شلتج من بالي واذا جنت امدح بيها فهي الي شافتة مني مو سهل تخيلي اناديج سوسن تتحملين حتى وان كانت مموجودة بحياتي
سجى،،،طبعا لا هذا الشي يجرح
مازن ،،،جنت الله يشهد مو بقصدي اجرحها واكثر المرات دكولي ليش تناديني سجى اكوللها مستحيل مانطقت اسم سجى كالت لا بلى كلتلي سجى يعني جان شي لاشعوري لذلك اكولج عنها طيبة الله يرحمها
سجى ،،،الله يرحمها اخذت نفس وكتلة راح نظل نسولف عن مرتك اروح انام لعد
مازن ،،،ابتسمت تغارين
سجى ،،،مو زوجي شلون مااغار
مازن،،،يعني بس لان زوجج تغارين علية
سجى،، باوعت لعيونة اكيد مو بس لان زوجي
مازن ،،،كوليها سجى والله مشتهي اسمعها منج
سجى،، دنكت اوووف يامازن هالكلمة وتحت هالمسمى شكد تأذينا وشكد ضحينا وخسرنا ودمعت عيوني
مازن ،،،خليت راسها ع صدري والله لأعوضج يعمري عن كل هالسنين
سجى ،،،،من خلاني ع صدرة غمضت عطرة انفاسة ودفو صدرة رجعت 12 سنة ليورة
حضنتة قوي اوووووف شكد مشتاقة لعطرك ولحضنك مازن متصورت بعد راح اكون بحضنك
مازن ،،،بعدتها وصار وجهة بوجهي خليت ايدي اثنينها على وجهة سجى اريد اسألج سؤال الله عليج جاوبيني بصدق
سجى ،،،اباوعلة واعرف شنو راح يسأل عيوني غوركت بدمعها مازن اعرف شنو الي يشغل بالك وبشنو تفكر اطمأن مالمسني اي مخلوق غيرك الله يشهد على كل كلمة اكولها
مازن ،،،اووووف سجى الحمدلله حسيت جبل على صدري وانزاح حضنتها وبجيت
سجى ،،،سمعت صوت امير وفزيت بسرعة وكتلة تصبح على خير
مازن ،،،ضحكت على وضعنة وكتلها وانتي من اهل الخير
وللقصة بقية ،،،
