مازن،،،رجعت للبيت وبجيت ع نفسي وع سجى والي صار بيها قررت اطويها من حياتي واعتبرها فعلا ماتت اذن الفجر صليت ودعيت ربي يخلصني من الكابوس واطلعها من حياتي ومن بالي ونمت
سجى،،،،مانمت لصبح واني اتذكر احلى ايامي وياه وذكرياتي وياه وشلون نكرني ونكر الي بطني اتذكر اهلي وابوية الي انجلط ومات بسببي وعائلتي وكسرتهم بسببي تذكرت من طردني وجنت الليل كلة بالشارع افتر وابجي مثل المخبلة مااعرف وين اروح وشنو اسوي وشلون خربت بنص الطريق بعدين تذكرت ولادتي بأمير وجانت عند جدة بالبيت وشلون وصلت للموت وماكو لا ام الي طبطب علية ولا اخت الي تعيني ولا زوج الي يوكفلي ويسندني جانت ايام صعبة ومثل ماحرمتني هذا كلة يا مازن راح احرمك من ابنك طول عمرك مستحيل بعد كل الي عانيتة وشفتة بحياتي اخليك تاخذة مني اني ماطلعت من الدنيا بس بي
انتظرت الصبح يطلع غسلت وجهي من المكياج الي بي وبدلت وطلعت نزلت ع ست فليحة وسمعتني كم حجاية زفرة مثلها وتعاركنة وطلعت اخذت تكسي ورحت للبيت جان امير بعدة مارايح للمدرسة كعدتة وغسلتلة وبدلتلة وخليتلة ريوك تريك وطلع جنت اروح ليلتين بألاسبوع وماابات نادرا الا اذا جانت السهرة لمسؤولين كبار والي يطلبوها حتى تكعدوياهم مترفض لازم فجنة نسايرهم الى ان يتهدهدون من الشرب وينكلعون
مازن،،،كعدت واحس راسي راح ينفجر تريكت ورحت جبت سوسن من بيت اخوية وجانت مبهذلتهم بالليل وممخليتهم ينامون تعذرت منهم وكتلهم راح اشوف مربية او مرة جبيرة تعتني بيها لان طفلة بعدها 3 سنين ونص ويرادلها عناية ومسؤولية ومكدر وحدي واني عندي شغل
مرت الايام وجنت افكر بسجى وماكدرت اشيلها من بالي خاصة بالوضعية الي شفتها بيها كمت افكر لازم اطلعها من البيئة الوسخة الي خلت نفسها بيها مثل ماجنت السبب بدخولها لهل مكان ووصولها لهل مواصيل
بس شلون ووين اخليها ظليت افكر بيها رحت خليت سوسن عند اختي وكمت اروح للكازينو كل يوم ع امل اني اشوفها وماجنت اشوفها كلت بس لا خافت مني وتركت المكان نسيت انها كالتلي يومين بالاسبوع بس اتواجد
كنت بكل مرة اروح وماالكاها اكول بعد ما اجي بس من اشوف الشوفات الي تصير هناك ارجع اجي ثاني يوم
وبمرة من المرات شفتها تركص واني ع اعصابي السهرة كلها وكل مااكوم اريد اكسر الطولات والمكان كلة ع راسها الزم نفسي واتذكر هسة يطردوني ومااحصل شي اظل كاعد كاموا ينزلون البنات وتقدمت عليها جان واحد سكران وجبير بالعمر وكرشة متر ليكدام شمر بنفسة عليها وراد يحضنها ركضت وجريتة وشمرتة
سجى ،،،مازن !!!
مازن ،،،،وج شدتسوين لخاطر الله فهمينة وج سجى ليش هيج رخصتي نفسج واصرخ واني لازم ايدها
سجى ،،،ابجي اخ ايدي اتركني ياابن الناس شنو رايد مني بعد مو كتلي راح اعتبرج متي اتركني ودفعتني وراحت
مازن ،،،،ظليت امشي وراها دخلت من الباب الداخلي للفندق ماسمحولي ادخل وراها طلعت ركض من الكازينو وافتريت ع الفندق رحت لست فليحة
ست فليحة ،،،يبووو هذا انت؟؟
مازن ،،،ماحجيت وياها ولا كلمة ونصيتها شدة بأيدها ظلت تباوعلي وبأستغراب شنو رايد
مازن،،،نفس البنية
ست فليحة ،،،،طلبك غالي شوي وضحكت
مازن،،،بشكد ميكون بس اليوم ماشايل بس هالمبلغ
ست فليحة ادلل ياحلو هاك المفتاح واستعجل راح تطلع عصفورتك لو تلحك لو متلحك
مازن ،،،اخذت المفتاح ورحت بسرعة للغرفة
سجى ،،،خفت من مازن جان مثل المخبل واني من قبل اخاف منة من يعصب بدلت وحضرت اغراضي بسرعة حتى اطلع اتصلت بأموري لان جان بيومها مرتفعة حرارتة كتلة ماما لدكوم من فراشك جاية وجان صوتة مطفي وخفت عليه كلش ماحسيت الا الباب ديفتح من برة خليت ايدي ع حلكي وعرفت هاي دكة ناقصة من فليحة فتح الباب مازن وطب وخلة المفتاح بجيبة واخذ نسختي من المفاتيح وهم خلاها بجيبة وين رايحة خاتون بعد السهرة بأولها
سجى،،،شمرت اغراضي بالكاع وصرخت شجابك علية لخاطر الله شنو تريد مني بعد
مازن،،،تقدمت عليها وجريتها من خصرها علية له له ياسجاوي اني مزونتج لو نسيتي
سجى،،،دنكت ياابن الناس طلعني من راسك شنو رايد مني
مازن ،،،صرخت بوجها اريد الي يريدوا الي جنتي تردحيلهم جوة وبفلوسي هم
سجى ،،،،دنكت وبجيت
مازن ،،،،شمرتها على الجرباية وبوستها وجانت ترافس وتصرخ الله يخليك مازن تركني لازم اطلع
مازن،،،دك تلفونها تركتها وجان المتصل اموري
كتلها ارفعي
سجى ،،،امسح بدموعي ورفعتها همست بصوت ناصي هلا اموري اي جاية هسة
مازن ،،،حلو وعندج كبل همينة
سجى ،،،باوعتلة والخوف بعيوني ودموعي تجري لازم اطلع ضروري الله يخليك انطيني المفتاح وفلوسك اني ارجعها الك
مازن ،،،هاا مستعجلة اموري ينتظرج شكد سافلة لعد تفلت عليها وطلعت ونزلت جوة نزلت وراية وهية تبجي وصاحت بيها ست فليحة وماردت جانت مستعجلة
ست فليحة ،،،عفية عليك محد يكدرلها غيرك هذاك اليوم نزلت مكسرة من ضربك واليوم تبجي
مازن ،،،انطيني هويتي وهذا المفتاح خليني اطلع من هالمكان القذر
ست فليحة ،،،اي عيني قذر قذر على رائيك بس بذمتك انت تعرفها قبل لاتجي هنا مو
مازن ،،،ليش تسألين
ست فليحة ،،،اذن انت ابو امير الطفل الي جان بطنها من لكناها
مازن ،،،شلون ؟؟
عفت هويتي يمها ورحت ورة سجى لعل وعسى الحكها
