مازن،،،رجعت افكر بسجى وبعد متروح عن بالي وكمت ادورها بالمنصور وكل وكتي افتر بمول المنصور كلت بلكي تطلع ساكنة قريب من مول المنصور صرت افكر بالطفل الي جان بطنها معقولة يطلع عايش وهية مرتبطة بهذا المسؤول
تعبت كد مادورتها شهرين لا ليلي ليل ولا نهاري نهار حتى لأهلها رحت وطلعو منتقلين من سنين وبايعين البيت زين ليش عبالهم ميتة وسولها فاتحة وهية بعدها عايشة زين وين جانت كل هالسنين
قربت ولادة سوسن وجانت حالتهاا حرجة وعدها مشكلة بصمامات القلب اثناء الولادة توفت وولدت بنية جانت صدمة مو قليلة علينة الصدمات الي عدت علية والظروف المريت بيها مو شوي انعزلت عن الدنيا بعد لا شغل ولا طلعة وحتى الطفلة ماتقربت منها جانت اختي ترضع هم عدها طفل صغير واخذتها ترضعها مع ابنها وهم امي جانت مرة جبيرة ومريضة وتعبانة ومتكدر تربيها سميتها سوسن ع اسم امها
ورة ست اشهر اجوني اصدقائي للبيت وكوموني كوة وغسلولي وحلقولي لحيتي لان جانت عالية وكالولي لازم تطلع من هالحالة انت لا اخر واحد تتوفى زوجتة ولا اول واحد كوم وجابولي بنتي صار عمرها ست اشهر تخبل بس مجنت احس بأحساس الابوة تجاها يمكن لان ماربيتها ولا حسيت بهل الاحساس كتلهم اريد اعتني بيها منا وجاي كمت اكثر وكتي اقضي وياها ومن اطلع لشغل تظل لو عند امي او اخوية رجعت لشلتي الي جنت اعرفهم من اايام الشباب وقبل زواجي ومرات نسهر نتعلل ونغير جو جانوا يشربون مرات ويكولولي اشرب ويانة كاس ع الواهس كتلهم ابد حرمتة ع نفسي حتى الشرب جان يذكرني بسجى
ورة 3 سنين واني على نفس الحال وكل هذا وماقطعت الامل كل ميصير عندي وكت اروح لمنصور وبنفس المطعم اكعد لعل وعسى المحها او اشوفها لكن ابد ماجان الها اثر توفت والدتي واخوية تزوج وطلع من البيت كعد بيت قريب يمنا كمت من اطلع اخلي سوسن يم اخوية وزوجتة
مرة من المرات جانوا يسولفون الشباب عن مكان بالكرادة اسمة درب الهوى يسهرون بي وجان مكان ضخم يجوه حتى مسؤولين كبار ورجال اعمال عبارة عن مسرح بي راقصات يرقصون والي تعجبة ياخذها ينام وياها بغرف خاصة موجودة بنفس الصالة والمسؤولة عنهم وحدة هي الي تاخذ مقابل الليلة او ساعة حسب كل وحدة وتسعيرتها
جانوا يريدون اروح وياهم كتلهم كل عقلكم صار عمرنة 32 سنة كبرنا ع هالسوالف وبعدين بعد ماظلت الي نفس بالنسوان ابد
واحد من اصدقائي ،،،مازن اذا بعد مابيك فايدة كولنة احنة هم اخوتك نساعدك بحباية بكذا ههههه
مازن ،،،ضحكت ولك والله بعد ماالي قابلية هيج شغلات يرادلها نفسية عدلة وبال صافي واني الله اعلم باالي بالي وبعدين الله اعلم اذا بعد بية فايدة صارلي 4 سنين من توفت المرحومة وماادري شنو بية مابية وضحكت ولكم بعدين كل عقلكم تعاشرون اي كان ذني الله اعلم شنو بيهن مابيهن مصيبة
قنعوني وكالولي مو الا تنام معاهم هسة سهرة نروح نسهر ونرجع نغير جو
كتلهم اوك نروح بس لان حجيتوا عنة صار عندي فضول اريد اشوف المكان وصدك بي مسؤولين
بس بشرط منتأخر لان بنتي راح اتركها عند اخوية ومكدر اتأخر عليها
مازن ،،،رحنة وصح جان مكان الا بالشدة ضخم بشكل وحرس وامن وتفتيش وحتى اجهزتنة صادروها والدخولية فقط بورقة جان المكان كلة اظلم فقط الانارة ع المسرح الي موجودات بي الراقصات
اعتقد خوفا على المسؤولين من التصوير وغيرها جان مكان جدا حلو وفعلا يسحر والبنات جانو فد شي بس امدك تصفن بيهن الجمال اللبس فد شي
وللقصة بقية
