سجى،،،ظليت محتارة بعدين فكرت انه لازم اوافق وارتاح من هالمذلة والعار الي بي اني واعيش معززة مكرمة بيت ابو ابني ومااحرم امير من ابوه وخلي يعيش بخير ابوه وبعزة ليش يتبهذل مثل ماتبهذلت امة
وبعدين صح مازن ندمان ومتأثر ويريد صحح غلطة لكن مستحيل أامن بي وانطي كل الثقة ولازم يتربة ويعرف قيمتي
اجة مازن وجان يريد يعرف رأئي النهائي
سجى ،،،اوافق بس بشروط
مازن ،،،رفعت حاجبي واباوع مستغرب
سجى،،،،الي صار قبل غلط مشترك بينة واثنينة نتحمل نتيجتة
مازن ،،،اكيد طبعا
سجى،،، تحترمني مثل مااحترمك والي صار سابقا صفحة ونطويها من عمرنا ومنرجع نفتحها ماطول راح نبدي حياة جديدة
مازن ،،،خوش حجي موافق بعد عندج شي لان اني هم عندي شروط
سجى ،، اي بعد عندي اخر شرط
مازن،،،وهو ؟؟
سجى،، امير مايعرف شي عن الي صار بحياتنة اثنينة ولا يعرف انت ابوه
مازن ،، نعم !!
سجى محروم كل هالسنين من ابني وحيصير شاب ومااسمع منة كلمة بابا انتي شدتسولفين
سجى،،،راح يتأثر اكيد وراح يظل يسأل ويتفسر عن هالأب الي طلع بحياتة فجأة بين ليلة وضحاها
مازن،،، خلي هالموضوع علية اني اعرف شلون ادخل حياتة راح اكلة جنت مسافر وماحبت امك تشغل بالك علية واعرف شلون اتقرب منة واخلي يحبني
سجى ،،،اوك ماشي ،،،اتفضل شنو شروطك
مازن ،،،، تتحجبين وكلشي يربطج بالماضي تتركي حتى تلفونج وارقامج وكلشي وتلتزمين بيتج وتصونين اسمي وتحافظين ع نفسج وبيتج
سجى ،،،ان شاء الله مازن كون متأكد من هالشي وبعد
مازن انتي تعرفين عندي طفلة بنتي سوسن تربيها وكأنه بنتج بعد هي اختة لأمير
سجى ،، ان شاء الله اصلا بلا متوصيني
مازن ،،،هاي هية متفقين شوكت اجيج اخذج واخذ اغراضج
سجى،،،باجر مثل هيج وكت لازم احجي مع امير وامهد لزواجي منك وبعدين لازم تتعرفون ع بعض حتى يستلطفك
مازن ،،،مع الايام ان شاء الله بس لازم تجون يمي وتطلعون من هنا
سجى ،،،طلع مازن وحضرت اغراضي وحركت كل فساتيني وملابسي وكلشي الي يذكرني بالماضي
اجة اموري وحجيت وياه زعل وكلي ماما مااريد احد ياخذج مني او تتغيرين علية حضنتة فدوة وليدي انتي روحي من الدنيا لتصدك اتغير عليك او احد ياخذ مكانتك بكلبي
وبعدين كتلك هذا ابوك حبيبي كلي اني ابوية مات وزعل وتركني وجان ممتقبل الفكرة ماحبيت احجي لمازن وخليت الامور طبيعية
ثاني يوم اجة مازن واخذنة ورحنة للبيت وجانوا اخواتة واهلة واقاربة متجمعين عقدنة وسوينة حفلة بسيطة بيناتنة جنت اباوع لمازن واكول شصار لو جان هذا الموقف من 12 سنة شكد ضيعنة من عمرنة وراحت احلى سنين عمرنة عمر الورود بس الحمدلله على كل حال
مازن ،،،صفنت وكلت هنيالك مازن شوف ربك تكبرت ونكرتها من جانت شريفة وطاهرة والك وهسة اخذتها من بعد كل الي سمعتة وشفتة عنها بس استاهل واني الي وصلتها لهل مواصيل ولازم اتحمل نتيجة غلطي
حسيت امير ممستلطفني وجان هذا الشي يحز بية راحوا اهلي وامير ظل متعلق بسجى وميريدها تبعد عنة عفتهم على راحتهم واخذت سوسن يمهم واني نمت بغرفتي من بعد مابدلت غرفة الاخشاب مالتي وغريت ديكورها ورتبتها
وللقصة بقية
