مازن،،،،اشتريت لسجى جهاز وسيم كارت بس ظليت اراقب جهازها كل ميصيرلي مجال اشوفة واطمأنيت انها فعلا تركت كلشي الة علاقة بالماضي واني هم قررت افتح صفحة جديدة وياها ونبلش حياة جديدة جان المفروض نعيشها قبل 12 سنة
سجى،،،ورة اسبوعين بدلت سويتلهم ريوك وتريك اموري ومازن وطلعوا اموري لمدرستة ومازن لشغلة نظفت البيت وجنت رافعة دشداشتي وطالعة رجلي وهية ربع ردن كملت تنظيف وطبخت ودأغسل مواعين فجأة حسيت ايد انمدت ع خصري من ورة فزيت وردت اصرخ
مازن ،،،يضحك وج لتصرخين هاي اني
سجى ،،،خوماكو شي شجابك من هسة
مازن ،،،وج ابنج عقدني شنو هالقهر زوجتي ومحروم منج بعد ما اتحمل
سجى،،،ميلام الله بيك حيل وابو زايد وضحكت
مازن،،،ابوس بركبتها واحس رحت لغير عالم شلتها ووديتها للغرفة خليتها ع الجرباية
سجى ،،،عزة مازن شدتسوي
مازن ،،،وج سكتي بعد ما اتحمل اش ولا كلمة
سجى ،،،خليني ع الاقل اكوم اغسل ايدي
مازن ،،،مااحتاج ايدج مو لازم وضحكنة
نزعتها وبكل حركة اشوفها بيها اتذكر مواقفي وياها قبل 12 سنة نفس الجسم والنعومة واللمسات عيونها الذبلانة ماتغيرت
سجى ،،،نفسك ماتغيرت رغم كل هالسنين الحركات واللهفة وكلشي بيك
ظلينة ساعة ونص من العمر
مازن تنهدت ونمت ع صدرها عبالك طفل سجى مااتذكر هيج جان مزاجي قبل ولا حسيت بالرغبة والنشوة مثل اليوم اريد اظل حاضنج طول الليل شوكت حتجين يمي
سجى ،،،ابتسمت وسوالفة ذكرتني بأمير كمت بسرعة دألبس ملابسي
عزة مازن امير على جية هسة كوم البس ملابسك
مازن ،،،،كعدت اباوع عليها وبنبرة حادة يعني واذا اجة وشافنة سجى الى متى نظل هيج لازم يفهم اني ابوه واحنة متزوجين ولازم تربطنة غرفة وحدة والنة خصوصية
سجى،،،اجيت تقربت منة فدوة حبي بالوكت المناسب هو يفهم بعدة طفل وميستوعب هيج امور ولان تربة بحضني وجنت امة وابوه فمتعود محد يشاركني بي اني مااريد تصير حزازية بينكم اني ماصدكت علاقتكم صارت طيبة وبدة يحبك ويتعلق بيك
مازن ،،،جانت واكفة كبالي جريتها بحضني
سجى ،،،لا حبي البس ملابسك فدوة لعمرك
مازن ،،همست بأذنها بس مرة بعد مااتحمل
ضحكت لا كافي اريد اسبح قبل لتكعد سوسة ويجي امير وكرصتني من خدي واخذت ملابسها وطلعت واني عيوني على خطواتها رجعت مددت وورة نص ساعة سمعتها تبوس بي وتسألة عن دروسة وواجباتة ضجت وخليت المخدة ع وجهي وكأني بدأت فعلا اغار منة
امير ،،دخل للغرفة بابا يريدون مني صور والبطاقة مالت النقل مالتي
مازن ،،رفعت المخدة عن وجهي اي بابا صار وتأمر وبكلبي اكول حيل تستاهل عاد ولك فتيتة لكلبي
نادتنة سجى على الغدة ومن دنتغدة كل مانباوع على بعضنا واحد يبتسم لثاني اباوع لأمير يخزرني اويلي ولك انت عدوي خوما عدوي شنو من بذرة فاسدة عقدتني احجي مع نفسي
سجى،،،يلا اموري وليدي حتى تنام ساعة وتكعد تدرس
مازن ،،،غمزتلها ابتسمت ودنكت
مازن ،،،كعدت بغرفتي وانتظرة شوكت ينام دزيتلها مسج بعد مااتحمل سجى تعاي عاد
سجى،،،لا مااكدر نومتة خفيفة اخاف يفز
مازن ،،،استغفرت ربي الى ان نمت وكعدت عاقد حاجبي وضايج وطلعت لشغلي من اجيت بالليل تعللنة كلنا ونمنة كالعادة كلمن بغرفة وثاني يوم كالعادة ورة ماطلع لدوام رجعت للبيت وظلينة هيج 3 ايام وصادفت الجمعة وتلوعت روحي عليها وكمت اصير عصبي ومااتحاجة
اخذتة حتى نصلي الجمعة بالجامع ومن خلصنة صلاة الجمعة كعدنة بالسيارة كتلة اموري اريد احاجيك منرجع للبيت نروح نتغدة تحب السمج المسكوف كلي اي اخذتة ورحنة تغدينة سمج مسكوف وحجيت وياه وفهمتة اني وامك متزوجين وميصير كل واحد ينام بغرفة وانت صرت رجال عيب امك تنام يمك وموحلوة وبعدين امك تستحي تحاجيك بهل موضوع والحمدلله تقبل الموضوع واقتنع وحسيت فعلا دأحاجي شاب ويفتهم من رجعنة ضلينة نسولف ونضحك واخذنالهم موطة ويانة
سجى ،،،من شفت مازن وامير شلون يضحكون ويسولفون ارتحت وتفائلت بالليل ورة ماتعشينا وتعللنة ورحت كالعادة حتى ابات يم اموري كلي لا ماما اني صرت رجال وعيب تنامين يمي اني صفنت وظليت مصدومة مااعرف شأحجي كلي ماما لازم تروحين تباتين مع بابا بغرفتكم
سجى،،،كتلة حبيبي منو علمك هالسوالف وليش هيج تحجي
امير ،،بابا حجة وياية اليوم وهو هذا الصحيح اني مااقبل بعد تباتين يمي
سجى ،،،اوك ماما وبستة فدوة صدك صار رجال ابني طفيت الضوة وطلعت
رحت لغرفة مازن لكتة مدد وديشرب سكاير
كلي وين جاية يمعودة ليروح يشوفج اموري
وضحك
سجى ،،،يمة يمة منك بيك البلة مخلي نفسك متعرف
مازن ،،،جنة شايليلة هم لحالنة سجاوي اموري جبير ويفتح صار
سجى ،،،دنكت لا بعدة بعيني طفل وبعدين هو خطية حيل متعود علية
مازن ،،، خليت راسي بحضنها اني هم بعدني طفل شو متاكليلي هم
سجى ،،،ضحكت ياربي انت صدك تحط عقلك بعقل امير وضحكنة
الحمدلله عدت الايام وتجرعناها بحلوها وبمرها وحملت من جديد والله عوض صبرنا خير
واداركنا اغلاطنا وحاولنا نصحح حياتنا ونرجع نوكف على رجلينا لخاطر اطفالنا والحب الي جمعنا وماعرفنا نحافظ عليه
اتمنى عجبتكم القصه واستفاديتوا منها
اختي لا تنطين نفسج بسهوله
واخويه البنيه من تثق بيك مو معناها هي موزينه معناها اتحبك فقدر هذا الحب
انتظروا القصه الجديده
