جان عبالك يوم المحشر كتل عالم واكثر الموجودين رجال واغلبيتهم طبقة مرموقة ورجال اعمال ومسؤولين يعني مو شباب اكيد اغلبهم كبار بالعمر
جانوا ع المسرح هواية بنات دوخ وين تباوع اجت عيني ع وحدة منهم وكفت على حيلي حسيتها تشبه سجى كلت مستحيل شيجيبها هنا مستحيل عقلي يتقبل هالشي حاولت اتقدم وكمت ادافع بالبشر كمت اتقرب اكثر وعيوني تجدح عليها وكلبي حسيتة راح يوكف وبراسي ماظل عقل جانت تردح ولابسة فستان حصر طويل ومدلع مغيرة لون شعرها عن قبل وعن ماشفتها اخر مرة بالمطعم جانت متروسة ذهب بعد مااحس بروحي شلون هجمت عليها وشلون صعدت المسرح من بين الحرس الي جانو داير ميدور المسرح ركضت عليها ولزمتها من ايدها
سجى كل عقلج شدسوين ياربي شجابج لهنا
سجى دفرت وكالت ولي منا لك
اجوي الحرس جروني واصدقائي كاموا يتوسلون بالامن وكالولهم اعذرونة سكران مطفي واني اصرخ شجابج هنا ولج سجى شسويتي بحالج واضرب ع راسي طلعوني وشمروني برة الكازينو ظليت واكف برة وماخليت ماحاولت بس اريدهم يطببوني بعد ماكو قفلوا بعد ميطببوني
ردت اقابل المسؤولة عنهم وكتلهم وصلوني الها ضروري لازم اشوفها
كالولي ست فليحة بظهر الكازينو فندق هية المسؤولة عنة والي يسكنون بي اغلب البنات الي يركصون رحت عليه بسرعة وماخليت متوسطت بس اريد اقابلها دخلوني الها انصدمت جانت عجوز منتهية بس وجهة ولبسها يخوف وتقريبا نص جسمها عاري صاحت شدوختنة انت شرايد
مازن ،،،عجبتني بنية بالصالة واريدها
ست فليحة ،،،اي خير ان شاء الله تريدها تريدها محد مانعك تاخذها الا جيبك ياحلو وضحكت
كتلها لو شنو تريدين انطيج بس وصليني الها
ست فليحة ،،،،هاي شنو هالسحر الي ساحرتة الك هالمكموعة شنو اسمها
مازن ،،،مااعرف شنو اسمها بس وصفتها الها ست فليحة ،،،تقصد نعنوعة
مازن ،،،نعم ،؟؟ اسمها نعنوعة
ست فليحة هسة اشوفلك صورها وكولي اي لو لا
مازن ،،،شفتها اي هاي
عوجت حلكها وكالت ماكتلت نفسك على وحدة بيها حظ وفايدة مارحت الا ع هاي
مازن ،،،ليش شبيها
ست فليحة هاي متفيدك متنام ويا رياجيل بس تجي تركص وتطلع وكل ميختارها مسؤول تسويلنا مشاكل ومااخذها واحد وريحتة شوف ذني صور البنات الباقيات بلكي تعجبك غير وحدة
مازن رجعت الصور وكتلها مااريد الا هاي
وشنو تريدين اني حاضر نطيتها كلشي شايلة بجيوبي
ست فليحة،،،،كلة علمود هاي الساهية لو بس اعرف شايفين بيها
مازن ،،،،الله يخليج وديني لغرفتها وخليني انتظرها اى ان تخلص
ست فليحة ،،،،هذا مفتاح غرفتها واعرف مراح تحصل شي بس ترة فلوسك مترجع
مازن ،،،،قابل اني
ست فليحة ،،،همست اذا تريد تغتصبها بدون صوت لان راح تزعج الي حوليك انت فاهمني
مازن ،،،يمعودة هسة بس دليني لغرفتها مو شلعتي كلبي
صاحت واحد لا هو رجال ولا هو مرة مدري عليمن محسوب خلة ايدة ع كتفي يلا حبوبي تعال نزلت ايدة ولعبانة نفسي اوك امشي كدامي
رحت ووداني لغرفتها طبيت وقفلت الباب علية جانت غرفتها ضخمة ومرتبة ظليت افتر بيها ومن صارت ب1 ختلت ورة البردة
سجى ،،،،من لزم ايدي باوعت عليه واحس شريط حياتي مر كدام عيني بثواني حييييييييل من بعد 12 سنة شذكرك بية شجابك علية انت الي وصلتني لهنا وجاي تحاسبني وتسأل علية اووووف يامازن نفس شكلك ماتغيرت الله يسامحك دمرتني ودمرت حياتي جنت اركص وابجي ماصدكت تخلص الحفلة حتى اصعد لغرفتي وكالعادة جان المفروض نروح لست فليحة تنطينة اجرة الليلة ونصعد لغرفنة جانن البنات مرات يصطفن ويجون الرياجيل يختارون بيهم يااما غصب يغصبوهن والليل كلة بس نسمع صراخ البنات اني جنت بس ليلتين بالاسبوع اجي بس كان اكو بنات مقطوعات يضطرن يباتن ويتحملن اي شي يجرالهن
صعدت لغرفتي واني مهدهدة وتعبانة فتحت الباب وطلكت حذائي وشمرت نفسي ع الجرباية اباوع لسكف ودموعي تنزل جنت ناسيتة وناسية ايامي السودة ويا شرجعة وشلون لاكاني فجأة طلعلي مازن وكعد يمي كمت بسرعة حتى افتح الباب ولحكني اخذ المفتاح وشمرني ع الجرباية صارخت على الامن على الحرس الي برة محد اجاني ظليت اصارخ بس محد نفهلي لان متعودين ع صراخ البنات بهيج وكت
مازن،،،،،والله ايام يا سجاوي متصورت راح الكاج من بعد كل هالسنين وعاهرة ولج راقصة بملاهي مشبوهة
سجى ،،،،ابجي والخوف سيطر علية شتترجى من بعد الي سويتة بية وين انكلع ووين انطي وجهي اجة وجرني من شعري وج بس مو عاهرة الله لاينطيج على هالسواية
سجى،،،هذا كلة صنعت ايدك مازن كلشي صار وياية وراح يصير ذنبي بركبتك والاثم عليك
مازن،، هديت شعرها سجى وين الطفل الي جنتي حامل بي
سجى ،،،تلبكت اي طفل صدك بطران طبعا اجهضتة تريدني اربي ابن حرام مامعروف ابوه منو مو هذا رائيك
مازن،،،،نزعت حزامي
سجى،،، صرخت موتني خلاص ياريت تموتني اني اصلا ميتة من جوة مو عايشة
مازن،،،ضربتها بالحزام الى ان انهديت ووكعت بالكاع ابجي..... بجيت بحركة بحيث مامذكر باجي هيج بعمري
سجى،،،، جنت مخلية ايدي ع وجهي وابجي بخنكة ومن كد ماضربني حسيت جسمي خدر
