♥ سأنتظرك
الجزء10
بقلمي السيدة العلوية
السيد راضي: كوم من يمي انته الا اتشردنا يله ساعتها تجوز ..
حمزة ..استاذ جامعي بكلية القانون متزوج وعندي احمد ..زوجتي مو غريبة لكن مو قريبة
بنت عمي لكن افكارها ماكانت تشبه افكاري مادية من الطراز الاول ..لاتعني لها المشاعر شيء ولامثلها مثل الزوجة الصالحة التي تهتم بالحياة الزوجية وتحاول انجاحها بل هي دائما تضيق الخناق ووالدي معها ..لهذا لم يكن يعنيني منها سوى اني اقوم بدور الزوج الصالح وايضا لم يهمني منها سوى احمد أبني
احمد:بابا محتاج فلوس
حمزة:شتسوي بيهن ..
احمد:اريد اطلع وية اصدقائي مؤيد وبسام
حمزة باعصاب:مية مرة كتلك بطل من مؤيد وبسام شلة مابيها خير بس نهار كله بالشوارع والكهاوي ..
احمد : اي غير شباب
حمزة: ياشباب ودراستكم وصحتكم من الصبح لليل بالشارع ..
احمد:اهووو..
حمزة:اقسم بالله اذا شفتك تمشي وياهم ماتلوم الا نفسك وكل فلس مااكو يلة..
الزوجة(ام احمد):انته ماتكلي شتريد من ابني ؟
حمزة:مو هو ابنج لوحدج لازم سمعي يامره ربي ابنج عدل..
الزوجة بصوت عالي: والله ابني خوش ولد وزينة الشباب ..
حمزة:ياشباب ذول مؤيد اللي يعتدي ع عرض جيرانه ويباوع عليهن من فوك السطح لو بسام اللي يومية بالسجن من ورى الشرب والسوالف المو حلوة..
الزوجة:انته ماتكلي كل ماتجي تكلب البيت .
عفت زوجتي ومشيت لان هذه المرأءة متمسكة برأيها ورافضة تشوف الصح..
ثاني يوم بالكلية تناقشت وية استاذ زميلي ..وكان رأيه نفس رأي والدي السياسي ..لكن مااقتنعت ..مالازم احد يسكت اذا يكدر يسوي شي
الى اليوم ذاك اللي قررت اسوي مطبوعات ضد النضام ..وفعلا تم الامر لكن احد العمال بلغ عني
{البصرة:يوم الاحد
الساعة 6:15pm}
اصوات وضرب اطلاقات نارية وصراخ رجال ..
خرج والدي :منو يمعودين شكووو
الرجل بصراخ:وينه!
أنت تقرأ
سأنتضرك
Romanceسأنتضر الفرج وكأنني على موعد معه ان يتأخر الفرج فهذا لا يعني انه لن يأتي فأقدار الله مبطنة بالرحمات ولكننا قوم مستعجلون
