سأنتضرك

Untitled Part 23

الجزء29
بقلمي السيدة العلوية
وانت تحاول ان تبعد الاشواك من امام الخيام لانك تعلم ان اقدام الفواطم من الفزع والوجع والمصيبة وهن يهرولن من خيمة الى خيمة وان من بينهن رقية ♥سكينة♥حميدة♥عاتكة وكل الصغار..

حل المساء وماكدرت ابقى لان بالي مشغول جدا على امي..اخذت السيارة ورجعت لكن الجو بدأ يتغير وقطرات مطر تنزل تخبرني بان الجو سوف يزداد سوءا..
لكن حاولت ان اهدء ولكن الجو اصبح مظلم جدا والارض زلقة جدا ..اثناء محاولتي للسيطرة على الفرامل انزلقت سيارتي ولم يمكنني بعد التحكم لهذا اسرعت لاحمي وجهي ولم اشعر الا وانا بالمستشفى..وصوت امي وهي تصرخ..
افتح عيوني ببطء وتعب والضوء امامي وارجع لاغمض عيوني ولااشعر بجسدي وماحسيت بأجزاءه..

نعود للحاضر ..بعد سنتين من الحادثة..
ضياء:يعني حاليا بنتج بغيبوبة..
تقية:اي نعم ..تعبت وبدأت بالبكاء..يعني حالتها شنو دكتور
ضياء بداخلي اقول(طبيا حالتها سيئة لانها ميتة سريريا والامل ضعيف بشفائها لان اصحاب الغيبوبة الطويلة من النادر جدا ان يستيقظوا منها ..ماردت ازود وجعها وجع وطمئنتها): انت مؤمنة لاتخافين واني واثق راح تتغلب بنتج على هاي الحالة وتكعد ان شاء الله..
تقية:الله يبشرك بخير مثلما طمنتني ..
تركتها ورحت للبيت
العمة: ضياء احضرلك اكل
ضياء:اي والله عمة كلش جوعان وتعبان ..
العمة:دقايق والاكل كدامك..واثناء الاكل..اليوم خابرني ابوك..
ضياء:اي شلونة والله التهيت بالمستشفى ونسيت اطمئن عليه..
العمة:يسأل عنك ويكول المستشفى مالته جاي تستقبل حالات اكثر وفرحان بمحمد وهاشم هواي يساعدونه..
ضياء: مو احسة بسمار ههههه اتمنى ارجع يمة
العمة:هالمرة اني ارجع واستقر بالعراق بعدما عندي حيل اريد ارتاح تالي عمري..
ضياء:الله كريم..
نمت وانا افكر بهذه المريضة ..مسكينه..لاتزال طفلة

من التعب نمت ولم اشعر بالمنبه ..والصبح كعدت مثل كل يوم افطر مع عمتي واروح للمستشفى تفقدت كل للحالات..
جسيكا(الممرضة):دكتور ضياء هناك حالة في الطواريء ويستدعونك
ضياء: ok.I will see it(راح اشوفها او اتفقدها)
فعلا اكملت وكان طفل يعاني من كسر في يده واكملت واخذتني قدمي الى تلك الغرفة ..ولم اعلم السبب هل انا من كنت اسير واخطوا لتلك الفتاة ام ان ربي قد سخرني ..
ضياء:صباح الخير
تقية:صباح الخير ابني
ضياء:شخباركم ..محتاجة شي ..اكو مساعدة اكدر اقدمها الج..(ردت بس اكدر اخفف عنها لان اعرف انتضارها يطول والامل بشفاء بنتها مستحيل لكن هي روح الام وماكدرت ابوح كدمها )
تقية:الله يفرجها..
ضياء:ممكن اسألج خالة
تقية:تفضل وليدي
ضياء:انتي ليش ترفضين الممرضين يساعدوك بحالة بنتك؟هذا طب ولاحياة بالطب
تقية (الدموع بدأت تنزل بغزارة وبألم قوي واضح):والله موبيدي ادري معصومة ماتقبل يلمسها غريب ..مرات الممرضات من موجودات اي بس رجال لاااا ابني لاااا..
ضياء:زين شلون ومرات احتاج افحصها اوغيري من الاطباء ؟!
ولم اتوقع ان اشاهد هذا المنظر ..جلست وبكائها قد دمر قلبي وقطعه..اااه اه ياربي منك العون..
ضياء:لاتبجين خالة ربك كريم..
مر اسبوع عادي..من العمل للبيت وكذلك..
الى يوم من الايام كنت في وقت الاستراحة لتدخل لي (تقية)
تقية:وليدي انت مو مرة سألتني اذا احتاج شي ابلغك؟
ضياء:اي فعلا (توقعت راح تطلب شي عادي)
تقية:تكدر تتزوج معصومة
ضياء بذهول وصدمة وكفت على حيلي :شنووو ؟شبيج خالة؟ بنتك بغيبوبة زواجيش هذا؟ وليش
تقية:اني افهمك اصبر..اني ايامي قليلة واخاف اغمض عيوني وبنتي تضيع ..لهذا ماراح اكدر اثق باحد غيرك..
ضياء:خالة ليش هالشي ..اني بدون ماتكولين اهتم بيها..
تقية:لاخالة هالشي ادري صعب عليك تتقبلة